Hosea 6:10 - MUMA MALER 2015

¹⁰ Aseneno ka gitimo gima mono e Israel. Joga osedwanyore kendgi kuom lamo nyiseche manono.

Motingʼo Loko Manyien

¹⁰ Aseneno gima lich e od Israel. Kanyo Efraim osechiwore ne chode kendo Israel osedwanyore.

Hosea 6:10 ပူးပေါင်းရင်းမြစ်များ

1 Ruodhi 12:8

To Rehoboam nodagi rieko mane jodongo ong’adone, mi noporo wach gi yawuowi ma mbesene mane ni kode,

1 Ruodhi 15:30

Mano notimore nikech Ruoth Nyasaye ma Nyasach Israel, nokecho gi richo mane Jeroboam otimo, kendo mane omiyo jo-Israel otimo.

2 Ruodhi 17:7

Mano notimore nikech timbe jo-Israel ne ok long’o e nyim Ruoth Nyasaye mane ogologi e piny Misri e bwo loch Farao.

Jeremia 18:13

“Kuom mano an Ruoth Nyasaye awacho kama: Penjieuru ogendini duto ka gima kama osetimore nyaka nene. Jo-Israel osetimo gima rach miwuoro!

Jeremia 23:14

To bende aseneno ka jonabi mag Jerusalem timo mana gik mamono. Giterore, to kendo giwacho miriambo, bende gijiwo joma timo richo, omiyo onge ng’ama nyalo weyo timbene maricho. Giduto gichalna gi jo-Sodom gi jo-Gomora.

Jeremia 3:6

E ndalo loch ruoth Josia, Ruoth Nyasaye nopenja niya, “Iseneno gima jo-Israel otimo ka giweya? Giseidho gode duto, kendo gisedhi e tiend yien duto motimo otiep, mi gilamoe nyiseche manono mana kaka dhako ma jachode ringo koni gi koni kadwaro chwo.

Ezekiel 23:5

“To kata obedo ni Ohola ne chiega kamano, to ne odhi adhiya nyime gi timbene mag chode, kendo ne osiko kogombo chodene ma jo-Asuria. Chodenego ne jolweny morwako lep lweny maralige. Moko ne jotelo man gi tije madongodongo, kendo moko ne jotend jolweny maidho farese. Giduto ne gin yawuowi mapod tindo, man gi chia.

Ezekiel 23:7

Ohola ne ohero dhogore gi jotend lweny mag Asuriago duto, kendo gombo mane en go ne omiyo odwanyore kolamo nyiseche manono mag jo-Asuria.

Hosea 4:11

“Kong’o osemayo joga rieko!

Hosea 4:12

Gipenjo bao mondo onyisgi gima biro timore, kendo ludhe bende nyisogi wach ma gidwaro ng’eyo! Giseweya, mi gidhi ir nyiseche mamoko, mana ka dhako moweyo chwore to dwanyore gi chwo mamoko.

Hosea 4:17

Jo-Israel ni e bwo loch mar nyiseche manono,

Hosea 5:3

Ang’eyo kaka jo-Israel chalo, kendo ok ginyal pondona. Giseweya kaka dhako weyo chwore, to dwanyore gi chwo mamoko.”