Hosea 6:1 - MUMA MALER 2015

¹ Jo-Israel wacho niya, “Wadoguru ir Ruoth Nyasaye. Osekidhowa, to kata kamano obiro changowa. Osehinyowa, to donge obiro keto yath e adhondewa?

Motingʼo Loko Manyien

¹ “Biuru mondo wadog ir Jehova Nyasaye. Osekidhowa matindo tindo to obiro changowa; osehinyowa to obiro tweyo adhondewa.

Hosea 6:1 ပူးပေါင်းရင်းမြစ်များ

2 Weche mag Ndalo 30:6

Omiyo joote nodhi e piny Israel gi Juda duto, kaka ruoth nochiko, ka gitero barupe moa kuom ruoth gi jodonge, mondikie niya, “Un jo-Israel mosetony e lwet ruodhi mag Asuria, koro duoguru ir Ruoth Nyasaye ma Nyasach Ibrahim gi Isaka kod Israel, mondo en bende oduog iru.

Ayub 16:9

Nyasaye jako bedena gi embena ka en gi mirima mager, kendo ojwolona wang’e, ka osin koda.

Ayub 22:23

Adier, nyaka iduog ir Nyasaye kibolori, kendo itiek timbe maricho manie dalani.

Ayub 34:29

Ka Nyasaye otamore timo gimoro ngang’, to onge ng’ama dikwere, kendo ka odagi konyo ji, to ji diyud thagruok.

Ayub 5:18

Ka Nyasaye ochwadi ma iriemo, too en ema othiedho kanyo. Ee, lwedo mohinyino ema changi.

Zaburi 30:7

A Ruoth Nyasaye, in ibedona mang’won, kendo iserita mana ka ng’ama odak kama ochiel motegno e got. To kane ipandona wang’i, luoro ne omaka ahinya.

Zaburi 6:2

Yie ikecha, nikech aol. Duogna teko, nimar arumo ka bend dak,

Zaburi 71:20

Isemiyo aneno chandruok gi rem malit, to ang’eyo ni ibiro meda teko, kendo ibiro gola e liel.

Eklesiastes 3:3

kinde mar nek, gi kinde mar chengo, kinde mar muko, gi kinde mar gero,

Isaya 17:7

E ndalogo, ji nopar Nyasaye ma jachuechgi, kendo ginigen kuom Ng’ama Ler mar Israel.

Isaya 2:3

ka giwacho niya, ‘Wadhiuru god Ruoth Nyasaye. Enopuonjwa yorene kendo wanaluwgi.’ Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Isaya 30:22

Bang’e unukaw nyisecheu manono mubawo gi fedha kata gi dhahabu, mi uwiti ka ukwanogi ka gik ma ok ler, kaka tutu kata chieth.

Isaya 30:26

Chieng’no due nobed karieny maler ka wang’chieng’ kendo wang’ chieng’ nobed ka rieny maler nyadibiriyo moloyo kaka orieny pile. Nochal mana gi ler mar ndalo abiriyo moriw e odiechieng’ achiel! En chieng’ ma Ruoth Nyasaye nochomie tiende joge kod bedegi motur, kendo ochangie adhondegi.

Isaya 55:7

Joma timbegi mono mondo owe timbegi maricho kod paro mochido. Onego giduog ir Ruoth Nyasaye mondo okechgi. Adier, onego giduogi ir Nyasachwa, nimar nong’wonnigi richogi duto.

Jeremia 3:22

Duoguru un nyithinda moseweya, mondo aloku joma kare. Udwoka niya, ‘Ee, waduogo iri, nimar in e Ruoth Nyasaye ma Nyasachwa.

Jeremia 30:12

Ruoth Nyasaye wacho ni joge niya, “Adhondeu ok nyal chango, nikech nuhinyoru marach,

Jeremia 30:17

Kata obedo ni wasiku wacho niya, ‘Sayun osejwang’ kendo onge ng’ama dewe,’ to anami uchak ubed mangima, kendo anachang adhondeu.”

Jeremia 33:5

nikech mano biro mana miyo dala pong’ gi ringre ji ma abiro nego ka an gi mirima mager. Asejwang’o dalani nikech timbe maricho ma joma odakie osetimo.

Jeremia 33:6

To kata kamano, abiro change, mi odok mangima. Bende abiro chango joma odakie mi amigi mor kod kue.

Jeremia 50:4

Ruoth Nyasaye wacho niya, “Ka kindeno ochopo, to jo-Israel gi jo-Juda nobi kanyakla, kaywak, kendo ka dwara, an Ruoth Nyasaye ma Nyasachgi.

Jeremia 50:5

Ginipenj yo madhi Sayun, kendo ginichik kuno. Bang’ mano ginitimna singruok mochwere ma wigi ok nowilgo ka gisingore ni ginibed joga.

Ywagruok 3:11

Osegeng’o yora mi abaro tenge, kendo okidha matindo tindo, mojwang’a kucha.

Hosea 11:10

Abiro ruto ni wasik jo-Israel ka sibuor, mi joga biro biro ira. Gibiro ringo ira ka gia yo podho chieng’.

Hosea 12:6

Kuom mano, un nyikwa Jakobo, genuru kuom Ruoth Nyasachu, kendo udog ire. Beduru joadiera kendo joma timo gik makare, kendo keturu chunyu pile kuom Ruoth Nyasachu.

Hosea 14:1

Duoguru ir Ruoth Nyasachu un jo-Israel. Richou osemiyo uchwanyoru, mi upodho.

Hosea 14:4

Ruoth Nyasaye wacho niya, “Abiro duogo joga ira, kendo anahergi gi chunya duto, nikech koro ok akecho kodgi.

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Tim jo-Lawi 14:48

“To ka jadolo odhi morango odno kendo oyudo ni gino ok oselandore bang’ mwone, to nong’ad wach ni odno osepwodhi, nikech gima rachno orumo.

Zefania 2:1

Chokreuru kanyakla, un oganda ma onge gi wichkuotni,

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.

1 Samuel 2:6

“Ruoth Nyasaye ema nego, kendo en ema ochiero. Oloro nyaka ei liel, bende ogolo oko.

1 Samuel 7:3

Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”