Hosea 5:9 - MUMA MALER 2015

⁹ Ruoth Nyasaye wacho niya, “Aseng’ado bura mak lokre ni, chieng’ mokumie jo-Israel, to ginirum pep.

Motingʼo Loko Manyien

⁹ Efraim biro bet gunda ka chiengʼ makumogie ochopo. Alando gima nyaka timre e kind dhout Israel.

Hosea 5:9 ပူးပေါင်းရင်းမြစ်များ

Ayub 12:14

Ka Nyasaye ema omuko gimoro, to ere ng’ama nyalo gere kendo? Koso ka Nyasaye ema oketo ng’ato e tuech, koro ere ng’ama digonye?

Isaya 37:3

mondo odhi owachne niya, “Hezekia owacho ni kawuono en chieng’ dhier gi kum kod wichkuot. Wachalo gi dhako ma muoch kayo, to onge muya mocholgo nyathi.

Isaya 46:10

Anyiso giko mar gimoro mana e kinde ma ochakoree. Nyaka nene asebedo ka ahulo gik ma pok otimore, ka awacho niya, “Gima awacho nyaka timre. Omiyo abiro timo gimoro amora ma adwaro.”

Isaya 48:3

Chon gi lala ne akoro gik ma koro osetimore. Ne ahulogi gi dhoga awuon. Bang’e ne atiyo piyopiyo nono, mi gitimore.

Isaya 48:5

Mano emomiyo ne ahulonu gigo chon, ka anyisou kapok moro otimore, nikech dipo ka ng’ato kuomu owacho niya, “Nyasacha mane aloso gi chuma ema ne omiyo gitimore.”

Isaya 7:16

nikech kata obedo ni koro uluoro ruodh Efraim gi ruodh Aram, to ka pok nyathino ong’eyo pogo gima rach gi gima ber, to pinje ruodhi ariyogo nobed mojwang’

Hosea 5:12

Kuom mano an awuon abiro kelo masira kuom jo-Israel, atiek jo-Juda pep.

Hosea 5:14

An awuon abiro monjo jo-Israel gi jo-Juda mana ka sibuor mager! Abiro kidhogi matindotindo, kendo naywagi oko, ma onge ng’at ma nokonygi.

Hosea 7:12

Abiro makogi ka gidhi, mana kaka jodwar mako winy gi wino, kendo abiro kumogi kuom richo ma gisetimo.

Hosea 8:8

Jo-Israel duto ibiro mwonyo, mi tieki pep. To kata mana sani ogendini mamoko okawogi ka joma nono.

Hosea 9:7

Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Amos 3:7

“Adier, onge gima Ruoth Nyasaye timo ka ok onyiso jotichne ma jonabi.

Amos 7:17

To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”

Amos 7:9

Kuonde ma joka Isaka lemoe ibiro kethi, kendo kuonde maler duto mag Israel biro kethore, bende abiro biro mondo aked gi dhood Jeroboam.”

Mika 6:13

To koro asechako goyou gi goch malit mondo atieku nikech richou.

Zekaria 1:6

To donge wechena gi chikena mane amiyo jotichna ma jonabi mondo osiemgo kwereu ne otimore, mi masira omakogi? Koso donge ne gilokore mi giweyo timbegi maricho, ka giwacho niya, ‘Ruoth Nyasaye Manyalo Gik Moko Duto osetimonwa kaka nochano. Adier, osetimonwa mana maromre gi timbewa.’ ”

Johana 16:4

To asenyisou gigi chon, mondo ka kinde ochopo ma gitimoree, to upar ni ne asiemou ni gibiro timore, mondo utang’. “Ne ok anyisou mokwongo, nikech ne pod an kodu.