Hosea 5:15 - MUMA MALER 2015

¹⁵ “Abiro dhi mi adog kar dakna nyaka chop kinde ma giyie ni giseketho, mi giduog ira ka gidwara gi chunygi duto, nikech thagruok malit ma giseyudo.”

Motingʼo Loko Manyien

¹⁵ Bangʼe to anadog kar dakna, nyaka chop kinde maginiyie ni giseketho. Giniduog ira ka gidwara gi chunygi duto nikech thagruok malit magiseyudo.”

Hosea 5:15 ပူးပေါင်းရင်းမြစ်များ

Chakruok 42:21

Ne giwuoyo e kindgi giwegi, ka giwacho niya, “Adier, owinjore wayud kum kuom gima ne watimo ni owadwa. Ne waneno kochandore malit, to kane waneno kochandore, ne ok wadewe, mano emomiyo koro wanie chandruok.”

2 Weche mag Ndalo 7:14

to ka joga miluongo gi nyinga obolore ka lama kendo dwara, ka giweyo yoregi maricho, eka nawinj e polo, mi nawenigi richogi kendo nares pinygi.

Ayub 33:27

Eka nowachi e lela niya, ‘Asetimo richo. To kata obedo ni ne ok atimo gik makare kamano, to Nyasaye nong’wonona.

Zaburi 107:13

To kane gin e chandruok kamano, ne giywak ni Nyasaye mondo okonygi, mi ogologi e chandruokgino.

Zaburi 107:19

To ka ne gin e chandruok kamano, ne giywak ni Nyasaye mondo okonygi, mi oresogi e chandruokgino.

Zaburi 107:28

To kane gin e chandruok kamano, ne giywak ni Nyasaye mondo okonygi, mi oresogi.

Zaburi 107:6

To kane gin e chandruok kamano, ne giywak ni Nyasaye mondo okonygi, mi ogologi e chandruokgino.

Zaburi 132:14

Nowacho niya, “Kanyo ema nobed kar yueyona nyaka chieng’. Adier, kanyo ema adwaro dakie.

Zaburi 50:15

Luongauru e kinde ma unie chandruok, mi anaresu, kendo unumiya duong’.

Zaburi 78:34

To kane ochako negogi, joma odong’ nolokore odok ire, kendo olame matek.

Zaburi 83:16

A Ruoth Nyasaye, migi wichkuot maduong’ nyaka chop gidwog iri.

Ngeche 8:17

Ahero joma ohera, kendo ng’ato nag’ata madwara to yuda.

Isaya 18:4

To Ruoth Nyasaye nosewachona kama: “Abiro rango piny gie polo kar dakna, ka ayueyo mos, mana kaka piny kue mos ka chieng’ liet, kata ka tho omoko gokinyi e ndalo keyo.

Isaya 26:16

Ne wamanyi, A Ruoth Nyasaye, ka wan e chandruok, kendo kane ikumowa, to ne walami mos.

Isaya 26:21

nikech Ruoth Nyasaye biro biro, koa kar dakne, mondo okum joma odak e piny nikech richogi. Piny noel remo mosechuer kuome, kendo ok nopand joma osenegi.

Isaya 26:9

Otieno duto chunya dwari. Adier, amanyi ka aketo chunya, nikech ka ibiro e piny, ming’ado bura, to eka joma odakie puonjore tim makare.

Jeremia 2:27

Un duto mawacho ni yath ni, ‘In e wuonwa,’ kendo wacho ni kidi ni, ‘In minwa,’ wiu nokuodi. Ne ubaro mi uweya, kendo ne udagi duogo ira, to eka ka masira omakou, to ukwaya mondo abi akonyu!

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Jeremia 3:14

“Duoguru ira un nyithinda moseweya, nimar an ruodhu. Abiro golo ji manok kuomu e miechu kendo e dhoutu, mi adwoku e got Sayun.

Ywagruok 3:40

Ber wanon timbewa, kendo wapar ane kaka gibet, eka wadog ir Ruoth Nyasaye.

Ezekiel 10:4

Duong’ maler mar Ruoth Nyasaye nosewuok moa e wi kerubi, mi odhi e dhood Hekalu. Eka bor polo nopong’o Hekalu, kendo duong’ maler mar Ruoth Nyasaye ne rieny e laru.

Ezekiel 11:23

Eka duong’ maler mar Ruoth Nyasaye noa e dala Jerusalem, modhi ochung’ ewi got man yo wuok chieng’.

Ezekiel 20:43

Bang’e unupar timbeu maricho mane udhogorugo, mi unucharu kendu nikech richo mane utimogo.

Ezekiel 36:31

Unupar timbe mamono mane utimo, mi unucharu kendu nikech richou kod timbeu makuero.

Ezekiel 6:9

To ginipara kuonde motergie e tuechgo mi ging’e ni ne asekumogi mana ni mondo wigi okuodi, nikech chunygi marach oseweya, mi gihero nyiseche manono moloya. Ginichare kendgi nikech timbe maricho kendo makuodo wich ma gisetimo.

Ezekiel 8:6

Ruoth Nyasaye nomedo wachona niya, “Wuod dhano, bende ineno gik makuero ma jo-Israel timo mondo oriemba adhi mabor gi Hekalu mara? To pod ibiro mana neno gik maricho moloyo mago!”

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Hosea 5:6

Gidhi gi jambgi mondo gitimgo misengni ni Ruoth Nyasaye, to ok ginyal yude, nikech oseweyogi.

Mika 1:3

Ruoth Nyasaye biro wuok kar dane maler, kendo nolor piny, mowuothi ewi gode.

Kwan 21:7

Omiyo ji nobiro ir Musa, mowachone niya, “Ne waketho kuom ng’ur ni Ruoth Nyasaye kod in. Yie ikwanwa Ruoth Nyasaye mondo ogol thuonde oko kuomwa.” Kuom mano Musa nokwayonigi Ruoth Nyasaye,

Luka 13:25

Jaduong’ ot biro chung’, mi lor dhoot, to bang’ mano, kuchung’ oko mi udwong’o kuwacho ni, ‘Jaduong’, yawnwa’, to nodwoku ni, ‘Ok ang’eyou! Ua kanye?’

Jong’ad Bura 4:3

kendo ne en gi geche lweny mag nyinyo mia ochiko. Nothago jo-Israel malit kuom higni piero ariyo. Omiyo jo-Israel noywak ni Ruoth Nyasaye mondo okonygi.