Hosea 5:14 - MUMA MALER 2015

¹⁴ An awuon abiro monjo jo-Israel gi jo-Juda mana ka sibuor mager! Abiro kidhogi matindotindo, kendo naywagi oko, ma onge ng’at ma nokonygi.

Motingʼo Loko Manyien

¹⁴ Abiro bedo ka sibuor ni Efraim, kaka sibuor malich ni Juda. Abiro kidhogi matindo tindo bangʼe to abiro weyogi. Anatingʼ-gi matergi mabor, maonge ngʼama nyalo resogi.

Hosea 5:14 ပူးပေါင်းရင်းမြစ်များ

Ayub 10:16

Ka adhi maber, to idwara mana ka sibuor, kendo itimo honni mondo ihinyago.

Ayub 10:7

To chutho ing’eyo ni aonge gi ketho, kendo aonge gi ng’ato ma diresa kuomi.

Zaburi 50:22

Un joma ok dewa, winjuru wachna, nono to abiro kidhou matindotindo, kendo onge ng’ama nokonyu.

Zaburi 7:2

nikech ka ok ikonya, to ginyalo yudha ka sibuor, mi gitera kuma onge ng’ama diresae, kendo di gikidha kuno matindo tindo.

Isaya 5:29

Giywak mana ka sibuor maruto komako le, kendo dhigo ma onge ng’ama nyalo maye.

Jeremia 25:38

Ruoth Nyasaye oseweyo joge mana ka sibuor ma oweyo gonde. Timbe malich mag lweny osemiyo mirimb Ruoth Nyasaye mager oloko pinyni thim.”

Ywagruok 3:10

Obutona mana ka ondiek kata ka sibuor mobuto kama opondo.

Hosea 13:6

To kane udonjo e piny maber, ne uyudo gik moromou muyieng’, kendo ne udoko josunga, mi wiu owil koda.

Hosea 2:12

Anaketh yiende mag mzabibu gi ng’opene, ma owacho ni gin chudo mane chodene omiye. Anami yiende mag mzabibu kod yiende mamoko lokre bungu, kendo le ma e thim nokethgi.

Hosea 6:1

Jo-Israel wacho niya, “Wadoguru ir Ruoth Nyasaye. Osekidhowa, to kata kamano obiro changowa. Osehinyowa, to donge obiro keto yath e adhondewa?

Amos 2:14

Jong’uech matek ok notony, kendo joma rateke nobed mool, bende kata mana jolweny mager ok nores ngimagi.

Mika 5:8

Ee, jo-Israel motony nobed e kind ogendini mana ka sibuor ma dwaro le e bungu, kata madwaro rombe e lek. Ka odonjo kuom rombe to opodho kuomgi kendo okidhogi matindo tindo ma onge ng’ama resogi.

Rapar mar Chik 28:31

Unune dhou kiyang’o, to ok unubil ringgi. Nomau kenjeu kuneno, to ok nodwoknugi. Rombeu nomi wasiku, to onge ng’ama nokonyu.

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.