Hosea 5:10 - MUMA MALER 2015

¹⁰ Akecho jotend Juda nikech gisekwalo lop jowetegi, omiyo abiro olo mirimba mager kuomgi mana ka aora mopong’ ma mwomo genge.

Motingʼo Loko Manyien

¹⁰ Jotend Juda chalo gi joma ochoro kite man e kiewo. Abiro olo mirimba kuomgi mana ka pi oula.

Hosea 5:10 ပူးပေါင်းရင်းမြစ်များ

Zaburi 32:6

Mano omiyo ji duto moluori onego olami ka gin e chandruok. Kamano, ka ohula maduong’ mwomore ka biro, to ok noywergi.

Zaburi 69:24

A Nyasaye, onego ito mirimbi mager kuomgi, kendo sandgi malit kikecho.

Zaburi 88:17

Odiechieng’ duto gilwora mana ka ataro, kendo gigeng’ona koni gi koni.

Ngeche 17:14

Chakruok mar miero chalo gi pi mochako chuer, omiyo nyaka geng’e ka pok omwomo.

Ngeche 22:28

Kik iketh kiew machon mane kwereni oketo.

Isaya 1:23

Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Ezekiel 22:22

Ibiro lenyou Jerusalem mana kaka ilenyo fedha e karaya, mi unung’e ni an Ruoth Nyasaye ema akumou gi mirimba mager.”

Ezekiel 7:8

Piyopiyo nono abiro olo kuomu mirimba duto mager. Anang’adnu bura mana maromre gi timbeu, mi akumu kuom gik makuero duto musetimo.

Mathayo 7:27

Koth ne ochue maduong’, mi ohula omol, kendo yamo bende nokudho mogoyo odno, mi oruombore piny matek!”

Luka 6:49

To ng’at mowinjo wachna, to ok omako, chalo gi ng’at mane ogero agera ot e lowo, to ok oketo mise motegno. Kane ohula omwomore kuom odno, to opodho mana gikanyono. Mano kaka noruombre piny matek!”

Rapar mar Chik 19:14

“Ka udak e lowo mubiro yudo e piny ma Ruoth Nyasaye ma Nyasacu dwaro miyou, to kik ng’ato kuomu gol kidi ma kwereu noketo manyiso kiepe gi wadgi.

Rapar mar Chik 27:17

“ ‘Okuong’ ng’at moketho kiepe gi wadgi.