Hosea 4:14 - MUMA MALER 2015

¹⁴ To ok nakumgi kuom timbegigo nimar un uwegi ema undhogoru gi mon ma jochode mag hekalu, kendo utimo ni Baal misengni kaachiel kodgi. To ‘Oganda mofuwo yudo masira’, mana kaka ngero wacho.

Motingʼo Loko Manyien

¹⁴ “Ok anakum nyiu ka gibedo ochode, kata mond yawuotu ka terore, nikech chwo giwegi ema dhi ir mon ma jochode, gi mon manie hekalu mar Baal. Joma onge ngʼeyo biro yudo chandruok!

Hosea 4:14 ပူးပေါင်းရင်းမြစ်များ

1 Ruodhi 15:12

Noriembo joterruok mag kuonde lemo, kodarogi e pinye, kendo nogolo nyiseche manono mane kwerene oloso.

2 Ruodhi 23:7

Nomuko ut jochode mane nie Od Ruoth Nyasaye, mane ji terorego, kaka kit lemogi nobet. Udigo ema ne mon twang’oe pasia mag Ashera.

Ngeche 28:5

Joma timbegi mono ok ong’eyo adiera, to jogo malamo Ruoth Nyasaye ong’eyo gik moko duto.

Isaya 1:5

Ka pod usiko upiem apiema koda kamano, to ere dendu kama pod anyalo goyo, ka adhonde opong’o wiu, kendo ringreu duto odholore kama?

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Isaya 56:11

Adier, gichalo guogi mowuor ma ok yieng’! Gin jokwath ma ok ong’eyo gimoro. Moro ka moro dhi e yore owuon, kadwaro ohande kamoro amora monyalo yudee.

Daniel 12:10

Ji mang’eny ibiro pwodhi mondo gibed joma beyo kendo maler. Joma richo to wechegi ok nodonjnigi, kendo ginisik asika ka gitimo richo. Joma riek to wechegi nodonjnigi.

Hosea 14:9

Joma riek mondo owinj weche mondik ka, kendo girwakgi e chunygi. Yore mag Ruoth Nyasaye oriere tir, kendo joma kare luwogi, to joricho chwanyore kendo podho nikech ok giluwgi.

Hosea 4:1

Ruoth Nyasaye ni kod wach ni ji modak e pinyni. Omiyo un jo-Israel chikuru itu mondo uwinj ane gima owacho. Owacho kama: “Dimbruok kod hera onge e pinyni, kendo ji ok oyie kata mana kuom Nyasaye.

Hosea 4:17

Jo-Israel ni e bwo loch mar nyiseche manono,

Hosea 5:4

Richo ma gisetimo omonogi dok ir Nyasachgi. Gidwaro mana lamo nyiseche manono, omiyo ok giyie loch Ruoth Nyasaye.

Amos 2:7

Unyono jochan piny, kendo udhiro joma odhier oko e yo. Wuowi gi wuon mare dhi ir dhako achiel ma jachode mar Hekalu, ka gidwanyogo nyinga maler.

Amos 7:17

To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”

Kwan 25:3

Kane jo-Israel ochako lamo Baal-peor kamano, Ruoth Nyasaye nokecho kodgi.

Johana 8:43

Gik ma awacho ok nyal donjonu, kendo ok unyal winjo tiendgi nikech ok uhero wach ma akelonu.

Jo-Rumi 3:11

Onge ng’ama wach donjone, kata mana ng’ama dwaro Nyasaye.

1 Jo-Korintho 6:16

Koso ok ung’eyo ni ng’ama oriwore gi dhako ma jachode doko ringruok achiel kode? Muma wacho niya, “Ji ariyogo doko ringruok achiel.”

Jo-Efeso 4:18

Chunygi nie mudho, kendo gionge gi ngima ma Nyasaye chiwo, nikech gin joma kia, kendo tokgi tek ta.

Rapar mar Chik 23:17

“Onge nyar Israel moro kata wuod Israel moro manyalo bedo jachode e od lemo.

Jo-Hibrania 12:8

Ka Nyasaye ok kumu kaka okumo yawuote duto, to mano nyiso ni ok un yawuote hie, to un mana kimirwa.