Hosea 4:13 - MUMA MALER 2015

¹³ Gitimo misengni ewi gode, kendo giwang’o ubani kuonde moting’ore e bwo yien maboyo motimo otiep nikech nitie tipo mang’ich kuondego. Mano emomiyo nyiu tiyo tich chode, to mond yawuotu tiyo tich terruok.

Motingʼo Loko Manyien

¹³ Gitimo misango ewi gode maboyo kendo gitimo Sewni kuonde motingʼore gi malo, e tiend yiend ober, gi omburi kod yiende mamoko madongo dongo kendo boyo, kama otimo tipo maber. Emomiyo nyiu lokore ochode to mond yawuotu to donjo e chode.

Hosea 4:13 ပူးပေါင်းရင်းမြစ်များ

2 Ruodhi 17:7

Mano notimore nikech timbe jo-Israel ne ok long’o e nyim Ruoth Nyasaye mane ogologi e piny Misri e bwo loch Farao.

2 Ruodhi 23:7

Nomuko ut jochode mane nie Od Ruoth Nyasaye, mane ji terorego, kaka kit lemogi nobet. Udigo ema ne mon twang’oe pasia mag Ashera.

Isaya 1:29

Tinde umor kulemo e tiend yien madongo, kendo kutimo misengni e puothe mowal ni tijno, to achien wiu nokuodi.

Isaya 57:5

Uoworu gi nyiseche manono e tiend yien mang’ich duto, kendo uwang’o nyithindu ka misengni e hohni, kendo e kind lwendni maboyo.

Isaya 57:7

Bende ewi got moro marabora e kama isedwanyorie. Kuno bende iseidhoe mitimoe misengni,

Jeremia 2:20

Yaye jo-Israel, chon gi lala ne udagi lochna, kendo ne utamoru rito chikna, kuwacho ni ok unutina. To nulemo alema ewi gode maboyo duto, kendo e tiend yien duto motimo otiep, mi udwanyoru ka dhako ma jachode.

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Jeremia 3:6

E ndalo loch ruoth Josia, Ruoth Nyasaye nopenja niya, “Iseneno gima jo-Israel otimo ka giweya? Giseidho gode duto, kendo gisedhi e tiend yien duto motimo otiep, mi gilamoe nyiseche manono mana kaka dhako ma jachode ringo koni gi koni kadwaro chwo.

Jeremia 44:8

To mano ema biro timore, kumedo miya mirima gi kido mag nyisecheu manono, kendo kuom timo misengni ni nyiseche mamoko e piny Misri, kama usebiro mondo udagieni. Koso utimo kamano mana ni mondo urum, kendo mondo ogendini duto mae piny ojaru, kendo oluong nyingu ka gima okuong’?

Ezekiel 16:16

Ne ikawo lepi moko ma ilicho kuondeni mag lemo, kendo ne idwanyori gi ji duto kuondego, mana ka dhako ma jachode.

Ezekiel 16:25

Ne ikawo berni, irucho e buru, mi ichiwo ringri ni ng’ato ang’ata ma dwari, kimedo bedo jachode odiechieng’ kodiechieng’.

Ezekiel 6:13

Bang’e ringre joma otho noriere e kind nyisechegi manono, but kendegi mag misango, ewi gode matindo gi madongo, kendo e bwo yien duto motimo otiep, ma tiende ni kuonde duto mane giwang’oe ubani mang’ue ng’ar ni nyisechegi. Eka ng’ato ka ng’ato nong’e ni an e Ruoth Nyasaye.

Hosea 10:8

Kuonde moting’ore ma jo-Israel timoe richo ka gilamo nyisechegi manono ibiro ketho. Kuthe gi buya ema biro twi ewi kendegi mag misango. Ji nowach ni gode niya, “Umwauru!” Kendo giniwach ni pidhe ni, “Ruombreuru kuomwa!”

Hosea 11:2

To kaka ne amedo luonge, e kaka ne omedo dhi mabor koda. Joga ne timo misengni ni Baal, kendo ne giwang’o ubani ni kido manono.

Hosea 2:13

Anakume kuom kinde mane oweyae, mowang’o ubani ni Baal, kendo orwako gik mabeyo mondo olombgo chodene. An Ruoth Nyasaye ema awacho kamano.

Amos 7:17

To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”