Hosea 2:20 - MUMA MALER 2015

²⁰ Anarit singruokna, kendo anatimu joga, mi unung’e ni an e Ruoth Nyasaye.

Motingʼo Loko Manyien

²⁰ Abiro timo kodi singruok mar kend e yo mar adiera, kendo ibiro yie kuom Jehova Nyasaye.”

Hosea 2:20 ပူးပေါင်းရင်းမြစ်များ

Chakruok 9:10

kod gik mangima duto man kodu bende, kaka winy gi jamni gi le kod gimoro amora mosewuok e yie.

Isaya 2:4

Enong’ad bura ka othego ogendini mopogore opogore kendo enoyal pinje mang’eny. Ng’ato ka ng’ato nothedh liganglane mondo obed kwer. Tongegi to ginithedh rabetni. Onge oganda moro ma noked gi oganda machielo, kendo ji ok nochak opuonjre lweny.”

Isaya 62:4

Ji ok nochak oluongi kendo ni, ‘Dala Mojwang’’. Piny bende ok nochak oluongi kendo ni, ‘Piny Mowe.’ To noluongi ni ‘Dala Ma Amorgo’, kendo noluong pinyi ni, ‘Dhako mokendi’, nimar Ruoth Nyasaye mor kodi, kendo pinyi nochal gi dhako man gi chwore.

Jeremia 24:7

Anamigi chuny mar ng’eyo ni an e Ruoth Nyasaye. Bang’e ginibed joga, kendo anabed Nyasachgi, nikech giniduog ira gi chunygi duto.

Jeremia 30:10

“Un nyikwa Jakobo jatichna, kik ubed maluor. Ee, un jo-Israel, kik chunyu parre, nikech abiro resou mi agolu e piny mabor motueueno. Nyikwa Jakobo noduogi kendo ginidag gi kue, maonge ng’ama bwogogi. An Ruoth Nyasaye ema awacho kamano.

Jeremia 32:41

Anatimnigi maber ka chunya mor, kendo anagurgi motegno e pinyni gi chunya duto kod parona duto.

Jeremia 9:24

To ng’at madwaro sungore, to mondo osungre mana nikech ong’eya, kendo wechena osedonjone, nimar an Ruoth Nyasaye ahero ji gi hera mosiko, kendo atimo gik makare kendo mowinjore e piny, nikech kamano e kaka adwaro. An Ruoth Nyasaye ema awacho kamano.”

Ezekiel 16:62

Abiro chako atimo kodi singruok, mi ining’e ni kara an e Ruoth Nyasaye.

Ezekiel 16:8

“Kane achako akadho machiegni kodi, ne ayudo ka iseromo mako osiep, omiyo ne ayaro lawa, mi aumogo dugi, kendo ne ayie ni abiro kendi. Adier, ne atimo kodi singruok, mi idoko mara. An Ruoth Nyasaye ema awacho kamano.

Ezekiel 34:25

Anatim kodgi singruok makelonigi kue, bende anatiek ondiegi duto e piny, mondo romba obed gi kue, ka kwayo e thim, kendo nindo aninda e bungu.

Ezekiel 34:27

Yiendgi nonyag olembe, kendo puothegi nochieg cham, bende ng’ato ka ng’ato nodag gi kue e lope owuon. Ka achodo nyororo mane otuego joga, mi aresogi e teko mar joma ne olokogi wasumbni, to eka gining’e ni an e Ruoth Nyasaye.

Ezekiel 38:23

Mano e yo ma ananyisgo ogendini duto ni aduong’ kendo aler. Eka gining’e ni an e Ruoth Nyasaye.”

Hosea 13:4

Ruoth Nyasaye wacho niya, “An e Ruoth Nyasachu mane ogolou Misri. E ndalogo ne ok ung’eyo Nyasaye moro mak mana an, kendo an kende ne e Jawaru.

Hosea 2:19

In Israel, abiro kendi mondo ibed chiega, mi anatimni gima berr kendo makare. Ananyisi hera gi ng’wono mochwere, kendo inibed mara nyaka chieng’.

Hosea 6:6

nimar gima adwaro moloyo en hera mosiko, to ok misengni. Ber ka joga ong’eya, moloyo ka gitimona misengni miwang’o.

Tim jo-Lawi 26:5

Unudin cham nyaka e kinde miponoe mzabibu, kendo unupon mzabibu nyaka kinde michwoyoe. Unuyud chiemo moromou, kendo unudag e pinyu gi kue.

Tim jo-Lawi 26:6

“Anakel kue e pinyu, mi ununind maonge luoro. Anatiek ondiegi e pinyu, kendo lweny ok nomi pinyu kethre.

Mika 4:3

Enong’ad bura, ka othego ogendini, kendo enoyal weche mag ogendini marateke modak kuonde maboyo. Ng’ato ka ng’ato nothedh liganglane mondo obed kwer, kendo tongegi ginithedhi rabetni. Onge oganda moro ma noked gi oganda machielo, kendo ji ok nochak opuonjre lweny.

Zekaria 9:10

Ruoth Nyasaye wacho niya, “Abiro golo geche mag lweny oa e piny Israel, kendo abiro tieko farese mag lweny man Jerusalem. Bende atunge mag jolweny biro rumo. Ruodhno nokel kue ni ogendini duto, kendo lochne noyarre, koa e nam man yo imbo nyaka nam man yo wuok chieng’, bende koa e aora Yufrate nyaka tung’ piny koni gi koni.

Mathayo 11:27

“Wuora oseketo gik moko duto e lweta. To onge ng’ama ong’eyo Wuoro to mak mana Wuowi, kod joma Wuowi omiyo ong’eye.

Luka 10:22

“Wuora oseketo gik moko duto e lweta. To onge ng’ama ong’eyo Wuowi, mak mana Wuowi kod joma Wuowi omiyo ong’eye.”

Johana 17:3

Ka ng’ato ong’eyi, in Nyasaye ma achiel kende, kendo ong’eyo Jal mane ioro, ma en Yesu Kristo, to en gi ngima ma nyaka chieng’.

Johana 8:55

To eka un ok ung’eye, an to ang’eye. Ka anyalo wacho ni ok ang’eye, to dabed jamriambo mana ka un. To ang’eye adier, kendo pile amako wachne.

2 Jo-Korintho 4:6

Watimo kamano nimar Nyasaye achiel mane owacho ni mondo ler orieny e chunywa mondo okelnwa ler mar ng’eyo duong’ mar Nyasaye mineno e wang’ Yesu Kristo.

Jo-Filipi 3:8

To moloyo mano, akwano gik moko duto ka gik manono, nimar gueth maduong’ mar ng’eyo Kristo Ruodha Yesu ohewo gimoro amora. Adier, ne aweyo gik moko duto olalna nikech en. Akwanogi duto mana ka yugi miwito oko, mondo ayud Kristo kaka pokna,

Jo-Kolosai 1:10

Kamano unudag e ngima mamiyo Ruoth duong’, kendo unutim gik malong’one e yore duto, kunyago olemo mag timbe mabeyo duto, kendo kumedo ng’eyo Nyasaye.

2 Timotheo 1:12

Mano ema omiyo aneno masira kama, to wiya ok nyal kuot, nikech ang’eyo Jal mane ayie kuome, kendo aonge gi kiawa ni gima asemiye, onyalo ritona nyaka chop chieng’ Bura.

Jo-Hibrania 8:11

Onge ng’ama nopuonj wadgi, kata ma nopuonj omin mare, kawachone ni, “Ng’e Ruoth,” nikech giduto gining’eya, chakre ng’at matinie moloyo nyaka ng’ama duong’ie moloyo.

1 Johana 4:6

Wan to wan mag Nyasaye, omiyo ng’at mong’eyo Nyasaye ema winjowa, to ng’at ma ok ja-Nyasaye ok winjwa. Mano e yo ma wang’eyogo pogruok manie kind Roho mar adiera, gi roho mar miriambo.

1 Johana 5:20

Wang’eyo bende ni Wuod Nyasaye osebiro, mi omiyowa rieko mondo wang’ego Nyasaye maradier. Wan kuom Jal maradier, ma en Yesu Kristo Wuod Nyasaye. En e Nyasaye maradier, kendo en e ngima ma nyaka chieng’.