Hosea 2:19 - MUMA MALER 2015

¹⁹ In Israel, abiro kendi mondo ibed chiega, mi anatimni gima berr kendo makare. Ananyisi hera gi ng’wono mochwere, kendo inibed mara nyaka chieng’.

Motingʼo Loko Manyien

¹⁹ Abiro timo kodi singruok mar kend mondo ibed mara chuth; abiro timo kodi singruok mar kend e yo maler kendo maratiro, gihera kod kech.

Hosea 2:19 ပူးပေါင်းရင်းမြစ်များ

Zaburi 85:10

Hera gi adiera biro riwore kanyakla. Tim makare kod kue bende biro bedo kaachiel.

Isaya 1:27

Ka jo-Sayun olokore moweyo richogi, kendo oluwo yo makare, to anawargi.

Isaya 54:14

Enogeri e mise mar tim makare, kendo inibed mabor gi kuonde mithiroe ji, omiyo ok nibed maluor, bende nibed mabor gi masiche, mi ok ginisud machiegni kodi.

Isaya 54:5

nimar Jachwechni e chwori! Nyinge en Ruoth Nyasaye Manyalo Gik Moko Duto. Adier, Jawarni en Ng’ama Ler mar Israel, ma iluongo ni Nyasach piny ngima.

Isaya 54:6

Ruoth Nyasaye oseduoki ire, mana ka dhako mane oyudo osejwang’ ma chunye lit ahinya, Ruoth Nyasaye penjo niya, Bende ng’ato dijwang’ chiege mane okendo ka en wuowi adier?

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

Ezekiel 16:8

“Kane achako akadho machiegni kodi, ne ayudo ka iseromo mako osiep, omiyo ne ayaro lawa, mi aumogo dugi, kendo ne ayie ni abiro kendi. Adier, ne atimo kodi singruok, mi idoko mara. An Ruoth Nyasaye ema awacho kamano.

Ezekiel 39:29

Anapong’ jo-Israel gi Roho mara, mi ok nachak awegi kendo. An Ruoth Nyasaye ema awacho kamano.”

Hosea 14:4

Ruoth Nyasaye wacho niya, “Abiro duogo joga ira, kendo anahergi gi chunya duto, nikech koro ok akecho kodgi.

Joel 3:20

Abiro chulo kuor ni jonekgo, kendo joketho ok nawe mak akumo. Ji nodag e piny Juda gi Jerusalem nyaka chieng’, kendo Ruoth Nyasaye nodag e got Sayun.”

Zekaria 13:2

E kindeno, anaruch nying nyiseche manono e piny, mi ok nochak opargi kendo. Bende anatiek jokor wach kod chuny magombo timo timbe makuero.

Johana 3:29

Ng’at man gi miaha e wuon kisera, to osiep wuon kisera mochung’ kanyo bedo mamor kowinjo dwond wuon kisera. Mor ma kamano ema an bende an-go, kendo koro oroma chuth.

Jo-Rumi 7:4

Owetena, un bende uchalo kamano. Ne udoko fuond ringre Kristo, omiyo Chik onge gi teko kuomu, nikech uchalo joma otho. Mano notimore mondo ubed jo-ng’at machielo, ma en Jal mane ochier oa kuom joma otho, mondo wan duto wanyag olemo ni Nyasaye.

2 Jo-Korintho 11:2

An gi nyiego kuomu, to en mana nyiek Nyasaye. Ne amiyo umako osiep gi Kristo, kendo ne adwaro terou ire kaka ng’ato tero nyako ngili ir chwore.

Fweny 21:2

Eka ne aneno Dala Maler, ma en Jerusalem manyien, kalor piny a e polo kuom Nyasaye, koikore ka miaha moikore ni chwore.