Hosea 2:17 - MUMA MALER 2015

¹⁷ Ok nachak awe omul nying Baal kendo. An Ruoth Nyasaye ema awacho kamano.

Motingʼo Loko Manyien

¹⁷ Abiro golo nyinge mag Baal oa e dhoge. Nying Baal ok nochak owuo kuomgi kendo.

Hosea 2:17 ပူးပေါင်းရင်းမြစ်များ

Zaburi 16:4

Joma ringo dhi kuom nyiseche mamoko kelo chandruok mang’eny kuomgi giwegi. Ok anatim kodgi misengni mag remo ma giolo piny, kendo ok nalam nyisechegigo.

Wuok 15:1

Bang’e Musa gi jo-Israel nowero ni Ruoth Nyasaye wendni: “Abiro wer ni Ruoth Nyasaye nikech oseyudo duong’ mipako ahinya. Osewito farese kod joithgi e nam.

Wuok 23:13

“Mak uru weche duto ma asenyisou. Kik ulam nyiseche mamoko, kendo kik umul nyinggi.

Jeremia 10:11

Nyaka inyis jogo ni nyiseche mane ok ochueyo polo gi piny ibiro kethi. Ok ginichak gibed kamoro amora e piny.

Jeremia 2:2

ni mondo adhi ahul wachne ni ji duto modak Jerusalem kama: “Aparo hera mane un-go koda kane pod un oganda mayom, nimar e ndalo mane uluwa e thim, piny motwo ma ok pur, ne uhera mana kaka miaha hero chwore.

Zekaria 13:2

E kindeno, anaruch nying nyiseche manono e piny, mi ok nochak opargi kendo. Bende anatiek jokor wach kod chuny magombo timo timbe makuero.

Joshua 23:7

Kik utim osiep gi joma odong’ e kindugo, bende kik uluong nying nyisechegi kata kuong’oru gi nyinggi, kata lamogi.

Joshua 7:26

Ne gidhuro kuome kite mogundho, ma pod ni kanyo nyaka chil kawuono. Mano emomiyo pod iluongo kanyo ni Holo mar Akor, (tiende ni, holo mar masira). Eka bang’e mirimb Ruoth Nyasaye norumo.