Hosea 2:15 - MUMA MALER 2015

¹⁵ Anachak adwokne puothene mag mzabibu, kendo nalok Holo Thagruok odok dhoranga geno. Ka aluonge, to nodwoka mana kaka ne odwoka kapod oyom, e kinde mane owuok oa e piny Misri.

Motingʼo Loko Manyien

¹⁵ Kanyo abiro dwokone puothe mar mzabibu, Kendo analos holo mar Akor obed dhood geno. Kanyo nowerie mana kaka nower kapod otin, mana ka chiengʼ mane owuok koa Misri.”

Hosea 2:15 ပူးပေါင်းရင်းမြစ်များ

1 Ruodhi 16:31

Ok noluwo mana richo mag Jeroboam kende, to gima rachie moloyo mane otimo, en ni nokendo Jezebel nyar Ethbaal ruodh jo-Sidon, kendo notiyo ni Baal, kolame.

Zaburi 106:12

Bang’e joge noyie ni wechene gin adier, mi giwerone wende pak.

Zaburi 129:1

In Israel, hul kaka wasiki osesandi malit, chakre tinni.

Isaya 65:10

Joga ma osebedo ka lama nokwa jambgi e geng’ Sharon, kendo holo mar Akor nobed leg dhogi.

Isaya 65:21

Ji noger udi, kendo ginidagie aming’a, kendo ginipur puothe mzabibu, mi gicham olembgi.

Jeremia 2:1

Ruoth Nyasaye nowachona

Jeremia 2:2

ni mondo adhi ahul wachne ni ji duto modak Jerusalem kama: “Aparo hera mane un-go koda kane pod un oganda mayom, nimar e ndalo mane uluwa e thim, piny motwo ma ok pur, ne uhera mana kaka miaha hero chwore.

Jeremia 29:11

An awuon ema ang’eyo gima achanonu. En gima ber to ok gima rach, kendo abiro kelonu gik mabeyo duto mugeno. An Ruoth Nyasaye ema awacho kamano.

Jeremia 3:4

To koro eka uwachona niya, ‘In wuonwa, kendo iseherowa chakre tindowa.’

Jeremia 32:15

nikech Ruoth Nyasaye Manyalo Gik Moko duto kendo ma Nyasach Israel osewacho ni udi gi puothe mag mzabibu nochak ong’iew kendo e pinyni.”

Ywagruok 3:21

To gima bende aparo, momiyo an gi geno en ni

Ezekiel 16:22

E kinde duto mane itimo timbe maricho mag chode, ne ok iparoe ngang’ ndalo mane in nyathi, ka in duk, kendo ichadhori gi remo.”

Ezekiel 16:60

An to abiro rito singruok mane atimo kodi kapod itin, kendo abiro timo kodi singruok machielo, mosiko nyaka chieng’.

Ezekiel 16:8

“Kane achako akadho machiegni kodi, ne ayudo ka iseromo mako osiep, omiyo ne ayaro lawa, mi aumogo dugi, kendo ne ayie ni abiro kendi. Adier, ne atimo kodi singruok, mi idoko mara. An Ruoth Nyasaye ema awacho kamano.

Ezekiel 28:25

Ruoth Nyasaye nomedo wacho niya, “Abiro dwoko jo-Israel ka agolo kuom ogendini mane akeyogie, mi ogendini duto nong’e ni an Ng’ama Ler. Jo-Israel nodag e pinygi giwegi, mane amiyo Jakobo jatichna.

Ezekiel 28:26

Ginidag kuno gi kue, kendo giniger udi, mi gipidh mzabibu. Anakum ogendini mokiewo kodgi duto, mane ojarogi, mi Israel nobed gi kue. Eka gining’e ni an e Ruoth Nyasaye ma Nyasachgi.”

Hosea 11:1

“Kane Israel pod tin, ne ahere. Naluongo wuoda mondo oa Misri.

Hosea 12:13

Ruoth Nyasaye ne ooro janabi mondo ogol jo-Israel e tuech. Adier, nooro janabi mondo oritgi.

Hosea 12:9

To an Ruoth Nyasachu mane ogolou Misri, abiro miyo uchak udag e hembe mana kaka ne udak ka ne aromo kodu e thim.

Hosea 13:4

Ruoth Nyasaye wacho niya, “An e Ruoth Nyasachu mane ogolou Misri. E ndalogo ne ok ung’eyo Nyasaye moro mak mana an, kendo an kende ne e Jawaru.

Hosea 2:12

Anaketh yiende mag mzabibu gi ng’opene, ma owacho ni gin chudo mane chodene omiye. Anami yiende mag mzabibu kod yiende mamoko lokre bungu, kendo le ma e thim nokethgi.

Amos 9:14

Abiro chako amiyo joga Israel dag e ngima maber. Gibiro gero miechgi mane olokore gundni, mi gidagie, kendo gibiro pidho yiend mzabibu, mi gimadh divai. Gibiro puro puothegi, mi gicham gik manyakie.

Zekaria 9:12

Un joma otue ma koro nigi geno, duoguru e dalau mochiel motegno. Ahulo ni abiro guedhou nyadiriyo kuom sand mane osandugo.

Kwan 21:17

“Chieng’no ema jo-Israel nowerie niya, In soko, bubni oko! Waweruru ni soko!

Johana 10:9

An to an e dhorangach. Ng’at mokadho kuoma ema nokwo. Ng’atno nodonj kendo nowuog oko, mi nonwang’ lek maber mokwayoe.

Tich Joote 14:27

Kane gichopo Antiokia, ne gichoko jo-Kristo duto kaachiel, mi ginyisogi gik moko duto mane Nyasaye osemiyo gitimo, kendo kaka noseyawo yo ma joma ok jo-Yahudi mondo odok joma oyie kuom Kristo.

Joshua 7:26

Ne gidhuro kuome kite mogundho, ma pod ni kanyo nyaka chil kawuono. Mano emomiyo pod iluongo kanyo ni Holo mar Akor, (tiende ni, holo mar masira). Eka bang’e mirimb Ruoth Nyasaye norumo.

Jong’ad Bura 8:34

Ne giweyo lamo Ruoth Nyasaye ma Nyasachgi mane oseresogi kuom wasikgi mane olworogi.