Hosea 2:12 - MUMA MALER 2015

¹² Anaketh yiende mag mzabibu gi ng’opene, ma owacho ni gin chudo mane chodene omiye. Anami yiende mag mzabibu kod yiende mamoko lokre bungu, kendo le ma e thim nokethgi.

Motingʼo Loko Manyien

¹² Anaketh yiendene mag mzabibu gi yiend ngʼopene mane owacho ni ne chudone moa kuom joherane. Abiro ketogi bunge, kendo le mag bungu nokethgi.”

Hosea 2:12 ပူးပေါင်းရင်းမြစ်များ

Zaburi 80:12

To koro ere gima omiyo isemuko chiel molwore? Ng’ato ang’ata makadho, tinde nyalo pono olembene.

Isaya 29:17

Bang’ kinde matin, Lebanon biro lokore puodho momew, mi yien mabeyo nodongie.

Isaya 5:5

Koro chikuru itu, mondo uwinj gima abiro timo ni puotha mar mzabibu. Abiro pudho chiende oko, kendo abiro muko ohingane, mi dhok gi le nokwaye kendo nonyone piny.

Isaya 7:23

E ndalogo puothe ma yande nitie mzabibu mang’eny ma nengogi tek nolokre bunge mogawore gi kuthe kod pedo.

Jeremia 13:26

Ruoth Nyasaye owuon ema noyiech lepu kuomu, mi dugu nonen.

Jeremia 26:18

“E ndalo loch Hezekia ruodh Juda, Mika janabi ma ja-Meresheth nonyiso jo-Juda duto ni Ruoth Nyasaye Manyalo Gik Moko Duto owacho kama: ‘Sayun ibiro pur oko ka puodho. Jerusalem biro lokore pidhe mag lwendni, kendo got mogerie Hekalu nolokre bungu.’

Jeremia 5:17

Gibiro tieko chambu kaachiel gi chiembu pep, kendo gibiro tieko yawuotu gi nyiu. Gibiro tieko jambu kod olembeu mag mzabibu gi ng’opeu. Giniketh miechu mochiel motegno, mugeno kuomgi.

Jeremia 8:13

“Abiro tieko joga chutho, nikech gichalo yiend mzabibu kata ng’owo maonge olemo, ma kata potgi bende osener.”

Hosea 13:8

Abiro monjou mana ka ondiek ma osema nyithinde, kendo abiro yiechou tiarara. Ee, abiro kidhou ka diemo wang’, mana ka sibuor, mi ang’inyu matindo tindo ka ondiek.

Hosea 2:5

ema nonywologi e terruok. Dhako mane onywologino onge gi wichkuot, nimar owacho niya, ‘Adwaro chodena, nikech gin ema ne gimiya chiemo gi pi, gi mo kod divai, kod yie rombe, gi pamba michweyo nanga.’

Hosea 5:14

An awuon abiro monjo jo-Israel gi jo-Juda mana ka sibuor mager! Abiro kidhogi matindotindo, kendo naywagi oko, ma onge ng’at ma nokonygi.

Hosea 9:1

Un jo-Israel, weuru timo sewni ka ogendini mamoko. Useweyo Nyasachu mi udok ni Baal kuonde dino duto mondo uyudie cham, mana ka dhako moweyo chwore to dwanyore gi chwo mamoko mondo oyudie pesa

Mika 3:12

Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.