Hosea 14:9 - MUMA MALER 2015

⁹ Joma riek mondo owinj weche mondik ka, kendo girwakgi e chunygi. Yore mag Ruoth Nyasaye oriere tir, kendo joma kare luwogi, to joricho chwanyore kendo podho nikech ok giluwgi.

Motingʼo Loko Manyien

⁹ En ngʼat mane mariek? Obiro fwenyo tiend gigi. En ngʼat mane manyalo fwenyo tiend wechegi? Obiro ngʼeyogi. Yore mag Jehova Nyasaye nikare, joma nikare ema wuothoe, to joma jendeke to chwanyore.

Hosea 14:9 ပူးပေါင်းရင်းမြစ်များ

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

Ayub 17:9

Bende ji maparo ni gin joma ogen medo neno ni adier gin ema gin kare.

Zaburi 107:43

Joma riek onego onon wechegi, mondo opar hera mosiko mar Nyasaye.

Zaburi 119:128

Kuom mano, aluwo chikeni duto, to yore maricho duto amon-go.

Zaburi 119:75

A Ruoth Nyasaye, ang’eyo ni buche ma ing’ado ni kare, kendo ne ikuma nikech in jaadiera.

Zaburi 84:5

Mano kaka joma yudo tekogi kuomi gin johawi! Ee, joma keto chunygi kuom dhiyo got Sayun gin joma oguedhi adier.

Zaburi 84:7

Teko medore ni jogo ameda, ka gidhi nyime gi wuodhgi. Gibiro neno Nyasach nyiseche e got Sayun!

Ngeche 10:29

Ruoth Nyasaye rito joma onge ketho, to otieko joma timo richo.

Ngeche 16:21

Ng’at man gi paroo iluongo ni ng’ama riek, kendo wechene mamit gin mana puonj.

Ngeche 4:18

Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

Isaya 1:28

Joricho duto gi joma piem koda to norum chuth, nimar gidagi biro ira.

Isaya 17:8

Ok ginichak giket genogi kuom kende-mag-liswa, ma lwetgi ema oloso, kata kuom gimoro amora ma gin giwegi ema giseloso, bed ni en sirni milamo, kata kende mag ubani.

Isaya 26:7

Yor ng’at makare oriere tir, nikech in ema iloso ni joma long’o yo ma onego giluw.

Jeremia 29:12

Bang’e unuluonga, kendo unubi ulama, mi nadwoku.

Jeremia 9:12

Jeremia nopenjo Ruoth Nyasaye niya, “Ere gimomiyo piny okethore kendo otwo, ka piny motimo ongoro ma onge ng’ama wuothoe? Ere ng’ama riek manyalo winjo tiend wachni? Koso en ng’a ma isenyiso tiende mondo onyis joma moko?”

Ezekiel 11:18

Ka gisedwogo to giniwit nyiseche manono ma giyudo kuno, kendo giniwe timbegi makuero.

Ezekiel 18:25

“Un uwacho niya, ‘Gima Ruoth Nyasaye timo ok ni kare.’ To koro winjuru, un jo-Israel. Un ema utimo gik ma ok ni kare, to ok an!

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

Daniel 12:10

Ji mang’eny ibiro pwodhi mondo gibed joma beyo kendo maler. Joma richo to wechegi ok nodonjnigi, kendo ginisik asika ka gitimo richo. Joma riek to wechegi nodonjnigi.

Zefania 3:5

To Ruoth Nyasaye man Jerusalem timo mana gik makare. Ok otim gimoro marach to ong’ado bura gi adiera okinyi kokinyi mak olewo ngang’. Jaricho to wiye ok kuodi.

Zekaria 10:6

Abiro miyo jo-Juda bed marateke, kendo abiro miyo jo-Israel locho. Bende anachak aguedhgi, nikech asekechogi, mi ginichal ka gima ne ok ajwang’ogi, nikech an Ruoth Nyasachgi, kendo abiro dwoko kwayogi.

Mathayo 11:19

Wuod dhano to nobiro ka chiemo kendo metho, omiyo ji duto wacho niya, ‘Neyeuru jali! En jawuoro, kendo jamer, bende en osiep josol osuru kod joricho!’ To kata kamano, awachonu ni, olemo ma rieko mar Nyasaye nyago ema nyiso ni riekone ni kare.”

Luka 2:34

Simeon noguedhogi, mowacho ni Maria min nyathino niya, “Nyathini oketi mondo ji mang’eny ochung’ e Israel, kendo enobed ranyisi ma ji dagi.

Luka 7:23

To ng’at ma wachna ok chwany chunye en jahawi!”

Johana 15:24

Ka dine ok atimonigi honni ma ng’ato pok otimo, to da ok gibedo joketho. To giseneno gik matimo, to pod gimon amona koda kaachiel gi Wuora bende.

Johana 18:37

Eka Pilato nowachone ni, “Kara in ruoth.” To Yesu nodwoke ni, “In ema iwacho ni an ruoth. An to ne onywola, mi abiro e piny mana ni mondo awuo gi ji kuom adiera. Ng’ato ka ng’ato man gi adiera kuome to winjo dwonda.”

Johana 8:47

Ng’at Nyasaye winjo wach Nyasaye, to un ok uwinj wach Nyasaye nikech ok un jo Nyasaye.”

Johana 9:39

Bang’ mano, Yesu nowacho ni, “Asebiro e piny mondo akel bura, mondo joma muofni onen, to joma neno odok muofni.”

Tich Joote 13:10

mowachone niya, “Yaye, in wuod Satan! In jasik gik moko duto mabeyo! Ipong’ gi timbe duto mag miganga, kendo pile itemo loko adiera mag Nyasaye obed mag miriambo!

Jo-Rumi 7:12

Kuom mano, Chik Musa en gima ler, kendo chike moting’o bende ler, kendo kare, kendo beyo.

Rapar mar Chik 32:4

En lwanda, ma tichne long’o, nikech yorene duto ni kare. En Nyasaye ma jaadiera, kendo maonge ketho, ma timbene kare, kendo ma jaratiro.

Fweny 15:3

Ne giwero wend Musa jatich Nyasaye, kod wend Nyarombo, niya, “A Ruoth Nyasaye Manyalo Gik Moko Duto! Mano kaka tijeni dongo! A Ruodh ogendini, mano kaka yoreni kare kendo adier!