Hosea 14:5 - MUMA MALER 2015

⁵ Abiro chalo ni jo-Israel kaka koth e piny motwo. Gibiro moyo ka maua, kendo tiendegi biro kar ka yiend Lebanon.

Motingʼo Loko Manyien

⁵ Anachal mana ka thoo mar okinyi ne Israel; kendo nolodhi mana ka ondanyo, kendo tiende nokar mana ka yiend Lebanon;

Hosea 14:5 ပူးပေါင်းရင်းမြစ်များ

2 Samuel 23:4

To lochne chalo gi ler mar wang’chieng’, mopilore gokinyi ka boche polo onge, kendo mamiyo lum loth bang’ koth.’

2 Ruodhi 19:30

Jo-Juda modong’ nochal gi yath matero tiendene piny, kendo nyago olemo e bedene,

Ayub 29:19

Ne achalo yath ma opidhi kama ng’ich, kendo mayudo koth pile.

Zaburi 133:3

Bende ochalo gi tho mamol e got Hermon, kendo machuer ka mol e gode mag Sayun. Kanyo ema Ruoth Nyasaye osewacho ni obiro keloe guethne. Guethneno en ngima ma ok rum.

Zaburi 72:16

Onego chiemo obed mang’eny e piny, kendo cham machiek e gode mondo obed mogundho ka chamb Lebanon. Ji onego opong’ mier mana ka lum manie pap.

Zaburi 72:6

Ruoth onego chal gi koth machue kendo miyo piny bedo mang’ich.

Zaburi 80:9

kendo ne ibetone kama onego odongie. Tiendene ne odonjo matut e lowo, kendo bedene noyarore mokwako pinyno.

Zaburi 92:12

Joma kare nokar ka yiend othith. Ginidongi mana ka yiend sida man Lebanon.

Zaburi 92:13

Gichalo gi yien mopidhi e od Ruoth Nyasaye, ma dongo maber e Hekalu mar Nyasachwa.

Ngeche 19:12

Ruoth ma mirima omako chalo gi sibuor maruto, to ka omor kodi, to morneno chalo koth machue.

Wer Mamit 2:16

Jaherana en mara, kendo an bende an mare. Okwayo e chuny ondanyo.

Wer Mamit 4:5

Thundeni chalo gi nyidiek marude, ma kwayo e chuny ondanyo.

Isaya 12:1

Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

Isaya 18:4

To Ruoth Nyasaye nosewachona kama: “Abiro rango piny gie polo kar dakna, ka ayueyo mos, mana kaka piny kue mos ka chieng’ liet, kata ka tho omoko gokinyi e ndalo keyo.

Isaya 26:19

Jogi duto mosetho nochak obed mangima. Adier, ringregi nochier kendo. Joma onindo e lowo biro chier, mi kog gi mor, nimar tekoni biro lor kuomgi mana ka tho ma moko e lum, mi piny nogol joma notho chon oko.

Isaya 27:6

E ndalo mabiro, nyikwa Jakobo nogurre motegno. Ee, jo-Israel nobed ka yath ma dongo kendo thiewo nyaka nyag olemo, mi pong’ piny ngima.”

Isaya 35:2

Ee, ginithiew mang’eny, kendo piny nopong’ gi wende mor. Kuonde ma yande otwo nobed mang’ich mana ka gode mag Lebanon, kata ka lege mabeyo mag Sharon kod mag got Karmel, kendo jo-Israel none duong’ maler mar Ruoth Nyasachgi.

Isaya 44:3

nikech abiro kelo koth mang’eny e lowo motwo mobaro okak. Bende abiro olo rohona kuom kothu, ka aguedhogi.

Isaya 45:8

Un polo, lwaruru piny, mondo tim makare ochwe ka koth, mi piny nyag olemb warruok, kendo tim makare bende omedre. Mago duto, an Ruoth Nyasaye ema achueyo.

Isaya 57:18

Aseneno timbegi, to pod abiro mana changogi, mi aho chunygi, kendo amigi yueyo maber, bende anakue chuny jogi maywak.”

Isaya 57:19

An Ruoth Nyasaye awacho niya, “Kue mondo obedie ni joma ni mabor, kendo ni joma ni machiegni, nikech abiro changogi.

Jeremia 3:22

Duoguru un nyithinda moseweya, mondo aloku joma kare. Udwoka niya, ‘Ee, waduogo iri, nimar in e Ruoth Nyasaye ma Nyasachwa.

Jeremia 32:41

Anatimnigi maber ka chunya mor, kendo anagurgi motegno e pinyni gi chunya duto kod parona duto.

Hosea 6:3

Weuru wabolre kendo watem bedo joma ong’eyo Ruoth Nyasaye, nimar obiro biro irwa adier, mana ka piny ma jaru pile. Bende obiro biro mondo oguedhwa, mana na koth ma miyo piny bedo mang’ich.”

Mika 5:7

Jo-Israel modong’ mak otho nochal ni ogendini mang’eny ka koth ma Ruoth Nyasaye okelo ni cham, nikech dhano ok nyal kelo koth, to Nyasaye ema kele.

Mika 7:18

A Ruoth Nyasaye, onge Nyasaye moro maromo kodi. Iweyo ni jogi iwuon modong’ richogi, kendo ok ikechi nyaka chieng’, to iherowa gi hera mosiko.

Mathayo 6:28

Ere gima omiyo uparoru kuom lewni? Parieuru kaka ondanyo mae thim dongo. Ok giti gimoro, bende ok gitwang’ lewni ma girwako,

Luka 12:27

Parieuru kaka ondanyo dongo! Ok giti gimoro, bende ok gitwang’ lewni ma girwako, to awachonu ni kata mana Solomon gi mwandune duto mathothgo ne ok nyal rwakore maber ka ondanyo.

Jo-Efeso 3:17

kendo mondo Kristo olos kar dakne e chunyu kuom yie. Akwaye bende mondo umoki kendo ugurru e hera,

Rapar mar Chik 32:2

Puonj mara mondo obed ka koth machue e lek, kendo wechena mondo obed ka tho mamiyo lum doko mang’ich.