Hosea 14:2 - MUMA MALER 2015

² Duoguru ir Ruoth Nyasaye, kendo kar kelone chiwo, to lameuru kama: “Wenwa richowa duto, kendo yie lemowa, mi wanapaki kaka wasesingore.

Motingʼo Loko Manyien

² Kaw wechegi kendo uduog ir Jehova Nyasaye! Wachne kama: “Wenwa richowa duto, kendo yie irwakwa gi ngʼwono, mi wanapaki gi dhowa.

Hosea 14:2 ပူးပေါင်းရင်းမြစ်များ

2 Samuel 12:13

Daudi nowacho ni Nathan niya, “Aseketho e nyim Ruoth Nyasaye.” Eka Nathan nomedo wachone niya, “Ruoth Nyasaye bende oseweyoni richoni; koro ok nitho.

2 Samuel 24:10

To kane Daudi osekwano ji, chunye nochande, mowacho ni Ruoth Nyasaye niya, “A Ruoth Nyasaye, aseketho ahinya kuom gima asetimo. To koro asayi ni mondo iwena richona, nikech asetimo gima ofuwo.”

Ayub 7:21

In donge diwenae richona? Koso ok ding’wonnae timbena maricho? Piyopiyo nono, abiro nindo e liel, kendo ka imanya, to ok niyuda.”

Zaburi 119:108

Yie gi lemona mar erokamano, kendo puonja chikeni, yaye Ruoth Nyasaye.

Zaburi 50:14

Ooyo, to erokamano ema mondo obed misango mutimona, kendo chiwuru ni Ng’ama Duong’ Moloyo gik mane usingoru.

Zaburi 51:16

Ka da bed ni idwaro misengni, to da achiwoni. To ok iyie kata mana gi misengni miwang’o pep.

Zaburi 51:17

A Nyasaye, misango midwaro en chuny mobolore, nikech ok nidagi chuny motur kendo mojok gi richo.

Isaya 44:22

Aserucho richou, mi oduono mana ka ong’ueng’o. Ee, asekeyo timbeu mamono mana ka boche polo. Duoguru ira, nikech asewarou.”

Isaya 6:7

mane osegolo e kendo-mar-misango gi ramaki. Ne orewo dhoga ka owacho niya, “Winji, majni oserewo dhogi, omiyo timbeni mamono oweni. Adier, richoni opwodhi.”

Jeremia 3:12

Omiyo dhiyo e piny man yo nyandwat mondo iwach ni jo-Israel kama: ‘Duoguru ira un jo-Israel ma andhokegi. Aherou gi hera mosiko, omiyo ok nasik ka akecho kodu nyaka chieng’.

Hosea 12:7

Ruoth Nyasaye wacho niya, “Jo-Israel bende jomganga mana ka jo-Kanaan. Gin gi rapim ma ok ni kare, kendo gihero wuondo jong’iewo.

Hosea 5:5

Sunga ma jo-Israel nigo nyiso ni gin joricho. Richogigo miyo gichwanyore kendo gipodho, mi jo-Juda bende podho kodgi.

Hosea 6:6

nimar gima adwaro moloyo en hera mosiko, to ok misengni. Ber ka joga ong’eya, moloyo ka gitimona misengni miwang’o.

Joel 2:17

Jodolo ma tiyo ni Ruoth Nyasaye ei Hekalu, nyaka ywagi, kochung’ e kind dhorangach gi kendo-mar-misango. Giywak kama: “A Ruoth Nyasaye, kech jogi ma mwanduni, kik iwe ogendini mamoko jarwa mi nyierwa, ka giwacho niya, ‘Nyasachu ni kanye?’ ”

Jona 2:9

an to natimni misango, ka apaki gi wer. Anachul gima asingorani. Ruoth Nyasaye ema reso ji!”

Zekaria 3:4

Malaikano nowacho ni joma ochung’ e nyime niya, “Lonyneuru lewni mochidogo oko.” Eka nowacho ni Joshua niya, “Neye kaka asegolo richoni oko kuomi! Koro abiro rwaki gi lewni mabeyo.”

Mathayo 7:11

Koro, ka un joma richo kama ema ung’eyo miyo nyithindu gik mabeyo, to Wuonu mae polo donge dibed mamor kuom chiwo gik moko mabeyo ni joma okwaye?

Luka 11:13

Koro ka un joma richo kama, ema ung’eyo miyo nyithindu gik mabeyo, to Wuonu mae polo donge dibed mamor moloyo kuom chiwo Roho Maler ni joma okwaye?”

Luka 18:13

Jasol osuru to ne ochung’ gi chien kendo ne pok ohedhore kata mana ting’o wiye mondo orang polo, to noywagore malit, kowacho ni, ‘A Nyasaye, yie ikecha, an ma an jarichoni.’ ”

Johana 1:29

Kinyne, Johana noneno Yesu kabiro ire, mowacho ni, “Neuru! Jalcha e Nyarombo Nyasaye, magolo richo mag piny!

Jo-Rumi 11:27

Mano e singruok ma anatim kodgi ka agolo richogi.”

2 Timotheo 1:9

Nyasaye nowarowa kendo oluongowa mondo wabed joge owuon, ok nikech gimoro maber ma wasetimo, to mana nikech mano ema nodwaro kuom ng’wonone. Nyaka nene ne omiyowa ng’wononeno kuom Kristo Yesu.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Jo-Hibrania 10:4

nikech remb ruedhi gi remb diek ok nyal golo richo.

Jo-Hibrania 13:15

Emomiyo, kuom Yesu, pile watimuru ni Nyasaye misango mar pak. Adier, dhowa mohulo nyinge mondo opake pile.

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

1 Johana 1:7

To ka wawuotho e ler kaka Nyasaye ni e ler, to wan e achiel ng’ato gi ng’ato, kendo remb Yesu Wuode pwodhowa kuom richowa duto.

1 Johana 3:5

Ung’eyo ni Kristo nofwenyore mondo ogol richowa. En to oonge gi richo.