Hosea 13:6 - MUMA MALER 2015

⁶ To kane udonjo e piny maber, ne uyudo gik moromou muyieng’, kendo ne udoko josunga, mi wiu owil koda.

Motingʼo Loko Manyien

⁶ Kane apidhogi ne giyiengʼ chuth; kane giseyiengʼ to sunga nomakogi; ma wigi owil koda.

Hosea 13:6 ပူးပေါင်းရင်းမြစ်များ

Nehemia 9:35

Kata ndalo mane ruodhigi giwegi ritogi, kane pod gichamo mwandu mogundho mane imiyogi, kendo gidak e piny malach kendo momew mane ipogonigi, ne ok gitini, bende ne ok giweyo timbegi maricho.

Zaburi 10:4

Owuoyo gi sunga niya, “Nyasaye ok dew gik ma atimo, omiyo ok obi kuma.” Mano e gima jaricho paro.

Ngeche 30:9

nimar ka abedo gi chiemo mathoth, to dipo ka akwedi, to bende ka an jachan, to dipo ka akwelo, mi aketho nyingi, yaye Nyasaye.

Isaya 17:10

Mano notimre nimar wiu ne owil gi Nyasaye mane oresou. Adier, ne ok uparo lwanda ma en kar konyruoku. Emomiyo, kata ka upidho cham mabeyo mondo umigo nyisecheu manono duong’,

Jeremia 5:7

Ruoth Nyasaye nowacho niya, “Ere gima dimi awe ni joga richogi? Yawuotgi oseweya, mokuong’ore gi nying nyiseche manono. Ne amiyo joga gik moko duto mane gidwaro, to pod ne giterore atera ka giketho sechegi gi mon ma jochode.

Ezekiel 23:35

“Koro an Ruoth Nyasaye awacho kama: Kaka ne wiyi owil koda, mi ilokona ng’eyi, ibiro yudo sand kuom gombo ma in go kod timbeni mag chode.”

Ezekiel 28:5

nimar ne iloko ohala gi rieko, mi iyudo ohala mathoth To koro mano kaka mwanduni osemiyo idhialori!”

Hosea 10:1

Jo-Israel ne chalo gi yadh mzabibu monyak maber. Kaka ne gimedo dhi nyime maber, e kaka ne gimedo gero kende mag misango, kendo kaka pinygi ne nyak maber, e kaka ne giloso sirni milamo mabeyo.

Hosea 12:8

To eka giwacho niya, ‘Wamew, nimar waseyudo mwandu, kendo onge ng’ama nyalo wacho ni waseyudogi e yor miganga.’

Hosea 2:13

Anakume kuom kinde mane oweyae, mowang’o ubani ni Baal, kendo orwako gik mabeyo mondo olombgo chodene. An Ruoth Nyasaye ema awacho kamano.

Hosea 2:7

Ka olawo chodene, to ok nojukgi, kendo ka omanyogi, to ok noyudgi. Bang’e nowach niya, ‘Abiro dok ni chwora kendo, nikech ne aneno maber ka wan kode moloyo kaka obet sani.’

Hosea 4:6

Un joga, osetieku, nikech ok uyie lochna. Jodolo mau osedagi yie kuoma, kendo gisetamore puonjna. Omiyo adagi ni un gi yawuotu ok ubed jodolona.”

Hosea 4:7

“Kaka jodolo medore e kaka gimedo timo richo e nyima. Abiro loko nying maber ma gin go obed nyiero.

Hosea 5:14

An awuon abiro monjo jo-Israel gi jo-Juda mana ka sibuor mager! Abiro kidhogi matindotindo, kendo naywagi oko, ma onge ng’at ma nokonygi.

Hosea 7:14

Ok giselama gi adiera, to girudhore piny ka giywak, kendo ka gilama mondo amigi cham gi divai, to ging’olo dendgi mana ka joma lamo nyiseche manono. To gisetamore mako chikna.

Hosea 8:14

Jo-Israel osegero ut ruodhi, to wigi owil gi jachuechgi. Jo-Juda osegero mier mochiel motegno, to abiro oro mach mondo owang’ miego kaachiel gi ut ruodhigo.”

Hosea 8:4

Joga yiero ruodhi maggi, to gitimo kamano ma ok gipenja. Bende giyiero jotelo ka ok ayie. Gikawo fedha gi dhahabu ma gin-go, kendo giloso nyiseche manono ma biro kelonigi mana masira.

Rapar mar Chik 32:18

Wigi nowil gi Lwanda ma nochweyogi! Ne ok giparo Nyasaye ma nomiyogi ngima.