Hosea 13:16 - MUMA MALER 2015

¹⁶ Jo-Israel nyaka yud kum kuom kethogi, nimar gisepiem gi Nyasachgi. Gibiro tho e lweny kendo nyithindgi nochwad piny, mi ried iye mondgi mayach.”

Motingʼo Loko Manyien

¹⁶ Jo-Samaria nokum kuom richogi nikech gisengʼanyo ne Nyasachgi. Noneg-gi gi ligangla; nyithindgi matindo nochwad piny, to mondgi mapek nobar iyegi.”

Hosea 13:16 ပူးပေါင်းရင်းမြစ်များ

2 Ruodhi 15:16

E ndalogo ema Menahem nokawoe Tapua, kaachiel gi mbape duto, chakre Tirza kadhi nyime. Nonego jo-Tapua duto, koriedo iye mon mayach, kendo noketho dalano chuth, nikech ne gidagi yawone dhorangach.

2 Ruodhi 17:18

Kuom mano, Ruoth Nyasaye nokecho ahinya gi jo-Israel, mi noriembogi e nyime, ma onge modong’ mak mana jo-Juda kende.

2 Ruodhi 17:5

Eka ruodh Asuria nomonjo pinyno duto, mochopo Samaria. Nolwore kuom higni adek,

2 Ruodhi 17:6

mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

2 Ruodhi 8:12

Hazael nopenje niya, “Jaduong’, iywago ang’o?” Nodwoke niya, “Aywak nikech ang’eyo kaka ibiro sando jo-Israel. Iniwang’ miechgi mochiel gi ohinga, kendo inineg yawuotgi marateke. Inikidh nyithindgi matindotindo, bende iniried iye mondegi mayach.”

Isaya 13:16

Nyithindgi bende nochwad piny e wang’gi ka gineno. Utegi noyaki, kendo mondgi bende nomak gi thwon.

Isaya 17:3

Piny Israel ok nochak oobed gi dala mochiel motegno, bende Damaski ok nochak obed gi ruoth, kendo jo-Aram manok modong’ noneg duto, nimar duong’gi nolal nono, mana kaka duong’ mar Israel biro lal. Mago e weche mag Ruoth Nyasaye Manyalo Gik Moko Duto.

Isaya 8:4

nimar kapok ong’eyo wacho ni ‘Baba’, kata ni ‘Mama,’ to ruodh Asuria nomonj Damaski kod Samaria, mi yak mwandugi duto.”

Hosea 10:2

Chunygi wuondogi, omiyo koro nyaka kumgi kuom richogi. Nyasaye biro muko kendegi mag misango, kendo ketho sirni maggi ma gilamo.

Hosea 11:6

Lweny biro yweyo miechgi mi tur lodi mag dhorangeyegi. Obiro tieko joga, nikech ne giluwo riekogi giwegi.

Hosea 7:14

Ok giselama gi adiera, to girudhore piny ka giywak, kendo ka gilama mondo amigi cham gi divai, to ging’olo dendgi mana ka joma lamo nyiseche manono. To gisetamore mako chikna.

Amos 1:13

Ruoth Nyasaye owacho niya, “Jo-Amon osetimo richo mang’eny, omiyo abiro kumogi mak orem, nikech wuoch lowo nomakogi, mi giriedo iye mon mayach e piny Gilead.

Amos 3:9

Gouru milome e ut ruodhi mag Ashdod gi mag Misri, kuwacho niya, “Chokreuru kanyakla e gode moluoro Samaria, mondo uneye timbe pogruok matimore e dalano, kendo kaka ithiro ji kuno.”

Amos 9:1

Ne aneno Ruoth Nyasaye kochung’ e bath kendo mar misango, kowacho niya, “Tuom sirni mag hekalu, mondo agola duto oyiengni. Mukgi mondo gilwar ewi ji, to ji duto modong’ anami otho e lweny. Onge ng’at ma noringi, kata ma notony.

Mika 1:4

Gode biro leny e bwoye mana ka odok moket e mach. Giniruombre e holni mana ka pi mabubni e abururu.

Mika 6:16

Useluwo timbe maricho mag ruodh Omri, gi mag dhood Ahab, kendo pok uweyogi. Omiyo abiro tiekou, mi jou bed joma ichayo. Adier, ogendini mamoko duto biro mana charou.”

Nahum 3:10

To kata kamano, en bende ne oloye, mi omak joge moter e tuech. Nyithind dalano ne ochwad piny e akek yore, mi otho, kendo ne ogo ombulu mondo ong’ego joma dikaw jotende ka wasumbni. Jodongo mage duto bende ne otue gi nyororo.