Hosea 13:15 - MUMA MALER 2015

¹⁵ Kata obedo ni jo-Israel dhi nyime maber ka buya malandore, to abiro kelonigi jaketh ma notiek gigi mabeyo duto mana kaka yamb oro moa e piny motimo ongoro duono sokni duto.

Motingʼo Loko Manyien

¹⁵ kata ka obedo ni odhi maber kamano e kind owetene. Yamb yor wuok chiengʼ moa ir Jehova Nyasaye nobi, kakudho koa e piny motwo, ma pigene mag sokni mamol nodwon, kod yewni mokuny bende nodwon. Mwandune manie dechege noyaki duto.

Hosea 13:15 ပူးပေါင်းရင်းမြစ်များ

Chakruok 41:23

To wi ngano abiriyo moko motho, kendo ma yamb oro otwoyo, nowuok bang’gi.

Chakruok 41:52

Nowacho bende niya, “Nyasaye osemiya nyithindo e piny ma nachandorae.” Omiyo nochako wuode mar ariyo ni Efraim, (tiende ni, omiya nyithindo).

Chakruok 41:6

To bang’ mano wi ngano abiriyo moko motho kendo ma yamb oro otwoyo nowuok e tiang’no.

Chakruok 48:19

To wuon mare nodagi, kowacho niya, “Ang’eyo mano nyathina. Manase bende biro bedo oganda maduong’, to owadgi maluwe ema nobed maduong’ moloye, kendo nyikwaye nodok ogendini mang’eny.”

Chakruok 49:22

“Josef en yath mopidh e bath thidhiya, manyago olemo mogundho kendo ma bedene lawore e kor ohinga.

Ayub 18:16

Jarichono chalo gi yath ma tiendene otwo kendo bedene oner.

Zaburi 1:4

Joricho to ok chal kamano kata matin, to gichalo mihudhi ma yamo tero.

Zaburi 109:13

Nyikwaye duto mondo otho, mi nyinge lal nono kuom tieng’ mabiro.

Isaya 14:21

Ikreuru uneg yawuote nikech richo wuon gi, mondo kik gichak giyud loch mi gikaw piny, kendo gipong’e gi miechgi.

Isaya 17:13

To Nyasaye biro kwerogi, mi giring gidhi mabor, mana ka mihudhi mipiedho e gode, kendo ma yamo tero, kata ka buru ma kalausi keyo.

Isaya 27:8

Ooyo, ose mana riembogi gidhi e piny mabor, ka gima yamo mager moa yo wuok chieng’ ema oterogi.

Isaya 41:16

Unupiedhgi mi yamo notergi mabor, kendo kalausi nokegi. To un to unubed mamor, nikech Ruoth Nyasaye ma Ng’ama Ler mar Israel.

Jeremia 20:5

Bende anawe wasikgi yak mwandu duto manie Jerusalem kaachiel gi gik moko duto mantie, koda ka gik mabeyo duto mag ruodhi Juda, mi gikaw gidhigo Babulon

Jeremia 4:11

Ndalo biro, mibiro nyisie jo-Jerusalem ni yamo maliet moa e thim kudho koni, kochomo jo-Ruoth Nyasaye. Ok nokudh mos maber minyalo piedhgo cham,

Jeremia 4:12

to nobed kalausi ma Ruoth Nyasaye okelo. Ruoth Nyasaye owuon ema koro kumo joge.

Jeremia 51:1

Ruoth Nyasaye wacho niya, “Abiro kelo yamo maketho Babulon kendo tieko joma odakie.

Jeremia 51:36

Kuom mano Ruoth Nyasaye wacho ni jo-Jerusalem niya, “Abiro doknu mondo achul kuor ni jo-Babulon nikech un, kendo abiro twoyo kuonde ma pi Babulon aye, mi aduon aorene.

Ezekiel 17:10

En adier ni osepidhe, to bende obiro betie, mi odongi? Donge obiro two ka yamb oro moa yo wuok chieng’ okudhe kama entieno?”

Ezekiel 19:12

To ne odhuole oko gi lop tiende gi mirima mager, mi opodho piny. Yamb oro moa yo wuokchieng’ notwoyo olembene. Bedene bende ne otur, kendo otwo, mi owang’ e mach.

Daniel 11:8

Enokaw kido mag nyiseche kaachiel gi gik ma nengogi tek mag fedha gi mag dhahabu, mi oter Misri. Bang’ bedo gi kue kuom higni mogwarore,

Hosea 10:1

Jo-Israel ne chalo gi yadh mzabibu monyak maber. Kaka ne gimedo dhi nyime maber, e kaka ne gimedo gero kende mag misango, kendo kaka pinygi ne nyak maber, e kaka ne giloso sirni milamo mabeyo.

Hosea 2:3

Ka ok kamano to abiro gonye, mi odong duk kaka nonywole! Abiro miyo ochal gi piny motwo ma pi ongee, kendo riyo biro nege.

Hosea 4:19

Gin gi chuny mabiro ywerogi mabor mana ka kalausi kendo nyiseche ma gitimonigi misengni ok nokonygi.

Hosea 9:11

Duong’ mar Israel biro huyo ka winyo, mi lal nono, kendo ok ginichak ginywol nyithindo, kata bedo mayach mondgi ok nochak obedi. Onge nyathi ma nomak ichne.

Jona 4:8

Kane chieng’ owuok, Nyasaye nokelo yamb ugue maliet, mi chieng’ ochamo wi Jona, kendo nong’no otere. Kuom mano, nogombo mondo otho, kowacho niya, “Da ber katho, moloyo bet mangima.”

Nahum 2:9

Mwandu mag fedha gi dhahabu oyaki, kendo nenore ni ging’eny ma ok rum. Gin mwandu mabeyoe moloyo ma chuny ng’ato nyalo gombo.

Rapar mar Chik 33:17

Dhoode nochal gi nyarwath makayo, ma tungene chalo gi tung jowi, ma obiro chwowogo ogendini, moriembgi nyaka tung piny gi tung’ piny. Tungego gin gi ji tara gi tara ma jo-Efraim, kod ji gana gi gana ma jo-Manase.”