Hosea 12:4 - MUMA MALER 2015

⁴ Ee, noi gi malaika, mi oloyo. Noywak kodwaro ni mondo oguedhe. Nyasaye noromo gi Jakobo Bethel, mi owuoyo kode.

Motingʼo Loko Manyien

⁴ Ne oii gi malaika mi oloye; eka noywak kendo kwayo mondo otimne ngʼwono. Noyude Bethel kendo mowuoyo kode kanyo.

Hosea 12:4 ပူးပေါင်းရင်းမြစ်များ

Chakruok 25:26

Gikanyono owadgi Esau nowuok ka lwete omako ofunj tiend Esau, mi nochake ni Jakobo (tiende ni ofunj tielo). Isaka nonywolo yawuotego ka en jahigni piero auchiel.

Chakruok 32:24

nodong’ kende, kendo ng’ato nobuke moi kode kanyo nyaka piny oru.

Chakruok 32:25

To kane ng’atno oneno ni ok onyal nyago Jakobo, nogoyo achiake, mi em Jakobo owil ka pod gii.

Chakruok 32:26

Eka ng’atno nowacho niya, “Weya mondo adhi, nikech piny, dwaro ru.” To Jakobo nodwoke niya, “Ok anyal weyi idhi kapok iguedha.”

Chakruok 32:29

Jakobo nokwaye niya, “Yie inyisa nyingi.” To nopenje ni, “Ang’o momiyo ipenja nyinga?” Kata kamano noguedhe.

Chakruok 35:15

Nochako kanyono ni Bethel.

Chakruok 48:15

Eka noguedhogi kowacho niya, “A Nyasaye, yie iguedh nyithindigi. In e Nyasaye mane Ibrahim kwara gi Isaka wuora jolamo, kendo in e Nyasaye mosetelona nyaka koroni.

Zaburi 66:6

Ne oloko nam odoko lowo motwo, mi kwerewa ong’ado aora gi tiendegi! Kanyo ne gibedo mamor nikech gima ne otimo.

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Malaki 3:1

To Ruoth Nyasaye Manyalo Gik Moko Duto dwoko kama: “Abiro oro jaotena otel, mondo olosna yo. Bang’e Ruoth mudwaro nobi apoya e Hekalu mare, kendo jaote mudwaro nenono nobi, mi nohul weche mag singruokna.

1 Jo-Thesalonika 4:17

Bang’e, wan mapod wangima noyudhwa, mi terwa malo e boche polo kaachiel gi jogo, mondo warom ni Ruoth e kor polo. Mano e kaka Ruoth noterwa mondo wabed kode nyaka chieng’.

Jo-Hibrania 5:7

E ndalo mane Yesu odak e pinyni ka dhano, ne olemo, kendo osayo Nyasaye mane nyalo rese e tho, ka oywak malit, kendo pi wang’e chuer. Nyasaye nowinjo ywakne nikech dembruokne.