Hosea 12:2 - MUMA MALER 2015

² Ruoth Nyasaye dwaro yalo jo-Juda, bende obiro kumo jo-Israel maromre gi timbegi maricho.

Motingʼo Loko Manyien

² Jehova Nyasaye nigi bura kuom jo-Juda; enokum Jakobo kaluwore gi yorene; kendo enochule kaluwore gi timbene.

Hosea 12:2 ပူးပေါင်းရင်းမြစ်များ

2 Ruodhi 17:4

To ruodh Asuria noyudo ni Hoshea ndhoge, nikech Hoshea noseoro joote ir So ruodh Misri, bende noweyo chulo osuru kaka nosebedo kotimo higa ka higa. Kuom mano, ruodh Asuria nomake, mokete e od tuech.

Ayub 15:2

“Mago weche manono, Ayub! Iwacho mana weche maonge tich!

Zaburi 78:36

To kata kamano ne giwuonde ka giwachone mana weche mag miriambo.

Eklesiastes 5:15

Waweyo pinyni gi lwetwa nono, mana kaka ne wabiroe. Kata obedo ni wasetiyo matek, mwayudo mwandu, to onge gimoro amora mwaago.

Isaya 10:12

Ka Ruoth Nyasaye osetieko kumo jo-Jerusalem kaka nochano to enokum ruodh Asuria kuom timbene mag sunga kod ng’ayi,

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Isaya 24:21

Chieng’no Ruoth Nyasaye nong’ad bura, mi malaika mae polo, nokum e polo, kendo ruodhi mae piny, nokum e piny.

Isaya 3:11

Jaricho to nigi masira, kendo gik moko duto dhine marach, nikech oyudo pok moromo gi timbene maricho.

Isaya 30:6

Wach mane Nyasaye onyiso e fweny kuom ondiegi manie piny milambo ema: “Jooteugo kadho e piny ma masira gi parruok malit opong’o, kama sibuoche mamon nitie, kendo sibuoche machwo rutoe, bende kama thuonde mager mahuyo odakie. Kenje gi ngamia oting’o mwandugi, ka gitero ni oganda ma ok nyal konyou.

Isaya 59:18

Obiro timo ni ng’ato ka ng’ato mana gima oromo gi timbene. Ee, obiro kumo wasike gi mirima mager, kata mana mago modak e dhonembe gi chulni.

Jeremia 25:31

Dwonde winjore e tung’ piny duto, nikech Ruoth Nyasaye yalo ogendini. Ee, oyalo ji duto, kendo ong’ado ni joricho buch tho.’ ”

Hosea 2:13

Anakume kuom kinde mane oweyae, mowang’o ubani ni Baal, kendo orwako gik mabeyo mondo olombgo chodene. An Ruoth Nyasaye ema awacho kamano.

Hosea 4:1

Ruoth Nyasaye ni kod wach ni ji modak e pinyni. Omiyo un jo-Israel chikuru itu mondo uwinj ane gima owacho. Owacho kama: “Dimbruok kod hera onge e pinyni, kendo ji ok oyie kata mana kuom Nyasaye.

Hosea 4:9

Jodolo kod ji nokum mana machalre! Abiro kumogi, ka achulogi kuom richo ma gitimo.

Hosea 7:1

“Pile ka adwaro chango jo-Israel mondo gichak gidhi nyime maber, to richogi gi timbegi makuero ema aneno. Giwuondo ji kendo gituro udi mondo gikuelie, bende gimayo ji gik moko kata mana e wang’ yore.

Hosea 7:11

Jo-Israel chalo gi akuru mofuwo. Giluongo jo-Misri mondo okonygi, to kendo giringo gidhi e piny Asuria.

Hosea 7:2

Ok gipar ni wiya ok nyal wil gi richo duto ma gitimo. Richogi olworogi, kendo ok nyal tama neno.”

Hosea 8:10

To koro abiro chokogi mondo akumgi! Piyopiyo nono gibiro neno malit ka ruodh Asuria sandogi.

Hosea 8:13

Gihero timo misengni, kendo gihero chamo ring misengnigo. To an Ruoth Nyasaye ok amor kodgi, kendo abiro paro richogi mi akumgi, ka adwokogi e piny Misri.

Hosea 8:9

Gisedhi Asuria mondo giyudie konyruok, ka gichalo kanj thim moringo oa e kweth, kendo gitimo mana gima gin ema gidwaro. Adier, jo-Israel oseng’iewore kuom ogendini mamoko mondo okonygi.

Hosea 9:15

Ruoth Nyasaye wacho niya, “Richogi duto nochakore Gilgal, kendo kuno ema nachako monie kodgi. Kuom mano abiro riembogi e pinya, nikech richo ma gisetimo. Anawe herogi nimar jotendgi duto osetamore luora.

Hosea 9:9

Usedonjo matut e richo mana kaka notimore Gibea. Nyasaye nopar richou, mi nokumu.

Amos 2:4

Ruoth Nyasaye owacho niya, “Jo-Juda osetimo richo mang’eny, omiyo abiro kumogi mak orem, nikech gisechayo puonjna, kendo gisedagi rito chikena. Nyiseche manono mane kweregi lamo osemiyo gibaro, mi giweya.

Mika 6:2

Un gode, kendo un mise mochwere mag piny, winjuru weche ma Ruoth Nyasaye dwaro yalo, nikech en gi bura gi joge, kendo obiro yalo kodgi.

Mathayo 16:27

Wuod Dhano nobi gi malaikane e duong’ maler mar Wuon mare, eka nomi ng’ato ka ng’ato pok moromo gi timne.

Jo-Rumi 2:6

Chieng’no nomi ng’ato ka ng’ato pok moromo gi timne.

Jo-Galatia 6:7

Kik uwuondru, nikech ok unyal wuondo Nyasaye! To ng’euru ni ng’ato ka ng’ato noka mana gima ochwoyo.