Hosea 11:8 - MUMA MALER 2015

⁸ “To ere kaka daweu, un jo-Israel? Koso ere kaka dajwang’u? Bende datieku adier, kaka ne atieko jo-Adma? Koso anyalo timonu kaka ne atimo ni jo-Zeboim? Ooyo, ok anyal timonu kamano, nikech aherou ahinya.

Motingʼo Loko Manyien

⁸ “Ere kaka anyalo jwangʼou, Efraim? Ere kaka dabolu Israel? Ere kaka datiu ka Adma? Ere kaka damiu ubed machal gi Zeboim? Ok anyal timonu kamano; nikech aseloko pacha kendo akechou.

Hosea 11:8 ပူးပေါင်းရင်းမြစ်များ

Chakruok 14:8

Bang’e ruodhi mag Sodom gi Gomora gi Adma gi Zeboim kod Bela nowuok moriedo jolwenjgi e holo Sidim

2 Samuel 24:16

To kane malaika orieyo bade kochiko Jerusalem mondo oketh dalano, Ruoth Nyasaye noloko parone kuom masira ma nodwaro timo mowacho ni malaika mane nego ji niya, “Oromo! Koro dwok lweti.” To noyudo ka malaika mar Ruoth Nyasaye obet but kar dino mar Arauna ja-Jebus.

1 Ruodhi 3:26

To dhako mane nyathine ngima nohero wuode ahinya, omiyo nosayo ruoth, kowacho niya, “Yaye ruoth, mi dhani nyathi mangima, to kik inege ngang’!” To dhako machielo nowacho ni, “Ok enobed mara kata mari. Poge apoga!”

2 Ruodhi 13:23

To Ruoth Nyasaye nong’wononigi, kendo nokechogi, koparo singruok mane otimo gi Ibrahim kendo gi Isaka kod Jakobo. Emomiyo ne ok otiekogi, kata witogi oko ne ok owitogi.

2 Weche mag Ndalo 36:15

Ruoth Nyasaye ma Nyasach kweregi notimo kinda kooronigi jootene pile nikech nokecho joge, kendo nohero kar dakne.

Zaburi 106:45

Ne oparo singruok mane otimonigi, mi oloko parone nikech herane maduong’,

Isaya 16:11

Kuom mano, chunya ywago jo-Moab gi jo-Kirhereseth, mana ka ng’ama goyo thum e liel.

Isaya 63:15

A Ruoth Nyasaye, rang piny gie polo mondo ine. Ee, rang piny gi kuma ler ma idakie gi duong’. Tinde ere hera matut ma yande iherowago cha? Koso ere tekoni kod kinda mane in go chon?

Jeremia 18:8

to bang’e ogandano olokore moweyo timbene maricho, to an bende koro aloko parona kuom gima rach mane awacho ni abiro timo.

Jeremia 3:12

Omiyo dhiyo e piny man yo nyandwat mondo iwach ni jo-Israel kama: ‘Duoguru ira un jo-Israel ma andhokegi. Aherou gi hera mosiko, omiyo ok nasik ka akecho kodu nyaka chieng’.

Jeremia 31:20

To an Ruoth Nyasaye awacho kama: In Israel in e wuoda mahero moloyo. E sa asaya ma aluongoe nyingi, to apari gi hera. Chunya oheri, omiyo abiro kechi.

Jeremia 42:10

‘Ka uyie dhi nyime gi dak e pinyni, to abiro gerou, kendo ok abi kethou. Bende abiro pidhou ka ng’ama pidho yien, kendo ok napudhu. Asebedo ka akuyo nikech masira mane akelo kuomu.

Jeremia 9:6

Gitimo timbe mahundu kinde duto, timbegi mag wuond bende osiko asika, to gitamore yie kuoma.

Jeremia 9:7

“Kuom mano, an Ruoth Nyasaye Manyalo Gik Moko Duto awacho ni abiro pwodho joga, ka ng’at malenyo mula mondo ogol ng’iende. Joga osetimo richo, koro ere gima datimnigi?

Ywagruok 1:20

A Ruoth Nyasaye neye kaka anie chandruok malit! Chunya chandore, kendo iya nyawni, nikech asepiem kodi marach ahinya. Lweny nego ji oko e thim, mana kaka tho bende neko dala e udi, kendo nyithindo dong’ kiye.

Ywagruok 3:32

Kata obedo ni okumo ji malit, to ong’wononigi bende gi herane mogundho mosiko,

Ywagruok 3:33

nimar ok ohero sando dhano kata kumo.

Ezekiel 33:11

To nyisgi ni an Ruoth Nyasaye akuong’ora ni ok berna ka ng’at ma timbene richo tho, to abedo mamor mana ka oweyo timbene maricho, mobedo mangima. Un jo-Israel, weuru timbeu maricho! Adier, wegiuru! Ere gima omiyo udwaro ni mondo utho!

Ezekiel 6:9

To ginipara kuonde motergie e tuechgo mi ging’e ni ne asekumogi mana ni mondo wigi okuodi, nikech chunygi marach oseweya, mi gihero nyiseche manono moloya. Ginichare kendgi nikech timbe maricho kendo makuodo wich ma gisetimo.

Hosea 6:4

To Ruoth Nyasaye wacho niya, “Un jo-Israel gi jo-Juda, ang’o ma anyalo timonu? Hera ma uherago lal piyo mana ka ong’weng’o mar okinyi, kata ka tho maduono ka nyango tegno.

Hosea 7:1

“Pile ka adwaro chango jo-Israel mondo gichak gidhi nyime maber, to richogi gi timbegi makuero ema aneno. Giwuondo ji kendo gituro udi mondo gikuelie, bende gimayo ji gik moko kata mana e wang’ yore.

Amos 4:11

“Ne atieko jomoko kuomu kaka ne atieko Sodom gi Gomora, kendo ne uchalo gi luth moyudh e mach. Kata kamano ne ok uduogo ira.

Amos 7:3

Mi chuny Ruoth Nyasaye nolendo, mowacho niya, “Ee, ayie. Gima kamano ok notimre.”

Amos 7:6

Mi chuny Ruoth Nyasaye nochako olendo, mowacho niya, “Mano bende ok bi timore.”

Mika 5:3

Kuom mano, Ruoth Nyasaye biro weyo joge e lwet wasikgi nyaka dhako ma muoch kayo nywol wuode. Bang’e jowete wuowino modong’ mak otho e tuech, noduogi mi chak riwre gi jowetegi.

Zefania 2:9

“Kuom mano, an Ruoth Nyasaye ma Nyasach Israel, akuong’ora gi nyinga awuon, ni Moab biro chalo gi Sodom, to Amon nochal gi Gomora, mi gibed kuonde ma aila gi bugni mag pundo ema opong’o, kendo mokethore nyaka chieng’. Joga modong’ noyakgi mi kaw pinygi.”

Mathayo 23:37

“Yaye, jo-Jerusalem! Yaye, jo-Jerusalem! Un munego jonabi, kendo ugoyo joma Nyasaye ooro iru gi kite. Mano kaka asedwaro mondo achoku kaka nyabuch gweno choko nyithinde e bwombe, to usetamoru.

Rapar mar Chik 29:22

“E ndalo mabiro, nyikwau kod joma oa e pinje mamoko maboyo none masiche kod tuoche mane Ruoth Nyasaye osetimo e pinyni.

Rapar mar Chik 29:23

Piny duto nowang’ gi mach kendo notim chumbi, ma ok nyal pidhie gimoro, kata mana lum bende ok notwiye. Nokethre mana ka Sodom gi Gomora, kod Adma gi Zeboim, mane Ruoth Nyasaye otieko gi mirimbe mager.

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

2 Petro 2:6

Nyasaye nokumo mier mag Sodom gi Gomora, kowang’ogi, mi gilokore buru. Kamano nolokogi ranyisi mar gima biro timore ni joma ok oluoro Nyasaye.

Juda 1:7

Bende paruru Sodom gi Gomora kod mier mokiewo kodgi. Gin bende ne gidonjo e tim terruok kod dwanyruok madhoch, mi giyudo kum mar mach mak tho, mondo obed ranyisi ni ji duto.

Fweny 11:8

Ringregi noriere e yo mar dala maduong’ ma iluongo gi ngero ni Sodom kata Misri, ma en dala mane ogurie Ruodhgi.

Fweny 18:18

Kane gineno ich mach mawang’o Babulon ne giywak ka gikok niya, “Onge dala moro maduong mosebedoe machal gi dalani!”

Jong’ad Bura 10:16

Kuom mano ne giwito nyisechegi manono, mi gilamo Ruoth Nyasaye. Eka Ruoth Nyasaye nokechogi kuom thagruokgi.