Hosea 11:11 - MUMA MALER 2015

¹¹ Gibiro wuok Misri ka gihuyo mana ka winy, kendo gibiro wuok Asuria matek mana ka akuche, mi anachak adwokgi e miechgi. An Ruoth Nyasaye ema awacho kamano.”

Motingʼo Loko Manyien

¹¹ Ginibi ire ka gitetni ka winy moa Misri, ka akuche moa Asuria. Anami gibed e miechgi,” Jehova Nyasaye owacho.

Hosea 11:11 ပူးပေါင်းရင်းမြစ်များ

Isaya 11:11

E kindego, Ruoth Nyasaye norie bade mondo odwok joge manok modong’ mapod Asuria gi Misri ma nyandwat kod ma milambo gi ma Ethiopia gi Elam, gi Babulon gi Hamath, kod mag pinje manie dhonam.

Isaya 60:8

Mago gin ang’o ma kwang’ ka boche polo, kata mahuyo ka akuche maduogo e odgigo?

Jeremia 31:12

Gibiro duogo, mi giwer gi ilo e got Sayun, ka gimor gi gik ma achiwonigi, kaka cham gi divai gi mo kod jamni. Ginichal gi puodho ma koth oromo, mi ok ginichak gichand gimoro kendo.

Ezekiel 34:27

Yiendgi nonyag olembe, kendo puothegi nochieg cham, bende ng’ato ka ng’ato nodag gi kue e lope owuon. Ka achodo nyororo mane otuego joga, mi aresogi e teko mar joma ne olokogi wasumbni, to eka gining’e ni an e Ruoth Nyasaye.

Ezekiel 34:28

Ogendini mamoko ok nochak oyakgi, bende ondiegi ok noneggi mi chamgi, to ginidag gi kue, maonge ng’ama bwogogi.

Ezekiel 37:21

to nyisgi ni an Ruoth Nyasaye awacho ni abiro choko jo-Israel, kagolo kuom ogendini mane okegie, mi adwokgi e pinygi giwegi.

Ezekiel 37:25

Ginidag e piny mane amiyo Jakobo jatichna. En e piny mane kweregi odakie. Ginidag kuno kaachiel gi nyithingdi kod nyikwagi nyaka chieng’, kendo jatichna Daudi nobed ruodhgi mochwere.

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Hosea 7:11

Jo-Israel chalo gi akuru mofuwo. Giluongo jo-Misri mondo okonygi, to kendo giringo gidhi e piny Asuria.

Obadia 1:17

“To jomoko modak e got Sayun biroo tony kuno, mi kanyono nobed kama ler, kendo joka Jakobo nokaw piny ma margi giwegi.

Zekaria 10:10

Anagolgi Misri gi Asuria, kakelogi dala, bende anakelgi e piny Gilead gi piny Lebanon, nyaka chop piny pong’ thich.

Zekaria 8:7

Winjuru! Abiro reso joga kagolo e pinje ma yo wuokchieng’ gi ma yo podho chieng’,

Zekaria 8:8

mi adwokgi Jerusalem mondo gidagie. Ginibed joga kendo anabed Nyasachgi, kuom adiera kod tim makare.”