Hosea 10:8 - MUMA MALER 2015

⁸ Kuonde moting’ore ma jo-Israel timoe richo ka gilamo nyisechegi manono ibiro ketho. Kuthe gi buya ema biro twi ewi kendegi mag misango. Ji nowach ni gode niya, “Umwauru!” Kendo giniwach ni pidhe ni, “Ruombreuru kuomwa!”

Motingʼo Loko Manyien

⁸ Kuonde motingʼore malo mag anjawo nokethi, en emomiyo jo-Israel timo richo. Kuthe kod buya ema biro dongo maim kendegi mag misango. Eka giniwach ne gode madongo niya, “Umwauru!” Kendo ne gode matindo niya, “Rwombreuru kuomwa!”

Hosea 10:8 ပူးပေါင်းရင်းမြစ်များ

Chakruok 3:8

Adam gi chiege nowinjo Ruoth Nyasaye kawuotho e puodho kar ang’ich welo, mi ne gipondone e yien manie puodho.

1 Ruodhi 13:2

Ng’at Nyasayeno nokuong’o kendo-mar-misango kaka Ruoth Nyasaye nochike, koywage niya, “Yaye, kendo-mar-misango! Yaye, kendo-mar-misango! Ruoth Nyasaye owacho kama: Enonywol wuowi e dhood Daudi, ma nochak nyinge ni Josia. Enoneg jodolo mag hembko man kuonde moting’ore, ma wang’o ubani kuomi, kendo enowang’ choke ji kuomi.”

1 Ruodhi 13:34

Timni nomiyo dhood Jeroboam obedo joketho, mi notiekgi chuth, ma onge modong’ e piny.

1 Ruodhi 14:16

Enojwang’ jo-Israel nikech richo Jeroboam, mane omiyo jo-Isarel bende otimo.”

2 Ruodhi 23:15

Josia nomuko kendo-mar-misango man Bethel, kaachiel gi hembkone mane Jeroboam wuod Nebat oloso. Notoyo kitene, molokore buru, kendo nowang’o siro milamo mane ni kanyo. (Jeroboam nogo ema nomiyo jo-Israel obedo joricho.)

2 Weche mag Ndalo 31:1

Kane mago duto oserumo, jo-Israel duto mane osechokore Jerusalem nodhi e miech Juda. Ne gimuko sirni milamo mag kite gi mag yien, gi ut lemo mag hembko, kod kende-mag-liswa e piny Juda gi Benjamin kod Efraim gi Manase, nyaka ne gitieko kethogi duto te. Eka jo-Israel duto nodok e miechgi.

Isaya 2:19

Ka Ruoth Nyasaye oa malo mondo oyieng piny, to ji nodonj e buche manie lwendni, kata manie lowo, ka giluoro duong’ malich mar Ruoth Nyasaye kod tekone.

Isaya 2:21

mi ginidonj e buche manie lwendni kendo manie kor gode maboyo, ka giluoro duong’ malich mar Ruoth Nyasaye kod tekone.

Isaya 32:13

Kudho kod pedo ema biro gawore e puothe joga, nimar ot ka ot ma yande mor nitie e dalau maduong’, nodong’ nono.

Isaya 34:13

Kudho ema noyugno e udi madongodongo man kuno, kendo aila kod pedo nogawre e mier mage mochiel gi ohinga. Enobed piny marach ma ondiegi ema nitie, kendo ma tula ema odakie.

Hosea 10:2

Chunygi wuondogi, omiyo koro nyaka kumgi kuom richogi. Nyasaye biro muko kendegi mag misango, kendo ketho sirni maggi ma gilamo.

Hosea 10:5

Kihondko nomak joma odak Samaria, kendo giniywag nyaroya molos gi dhahabu man Bethel. Gin kaachiel gi jodolo matiyo ni nyasaye manonono noywag koneno ka itero girgi ma gigeno kuome Asuria

Hosea 10:9

Ruoth Nyasaye wacho niya, “Jo-Israel pok oweyo timo richo e nyima chakre ndalo mane gitimoe richo Gibea. Kuom mano, lweny biro jukogi Gibea!

Hosea 2:6

“Kuom mano yo mokadhoe abiro dino gi kudho, kendo abiro gero ohinga ogeng’ yo moluwo, mondo kik ochak oluw yorene machon.

Hosea 4:13

Gitimo misengni ewi gode, kendo giwang’o ubani kuonde moting’ore e bwo yien maboyo motimo otiep nikech nitie tipo mang’ich kuondego. Mano emomiyo nyiu tiyo tich chode, to mond yawuotu tiyo tich terruok.

Hosea 4:15

“Kata obedo ni un jo-Israel useweya, to da obedo maber ka jo-Juda ok otimo gima chal kamano. Kik udhi ulem Gilgal kata Bethel, kendo kik ukuong’ru kuondego e nying Ruoth Nyasaye mangima.

Hosea 5:8

Gouru tung’ mar lweny e dala Gibea. Rama bende timieuru kamano. Giuru sigich lweny e dala mar Bethel, kuwacho niya, “Wan bang’u, jo-Benjamin!”

Hosea 8:5

Asedagi nyaroya mar dhahabu ma jo-Samaria lamo, kendo mirimba ng’ang’ni kuomgi. Koro pod gidwaro ni mondo akumgi nyaka karang’o?

Hosea 9:6

Ka masira obiro, mi ji oringo, jo-Misri norwakgi, to noyikgi mana Memfis! Mwandugi kod miechgi ma giseweyo to yugi kod kudho ema nopong’.

Amos 1:5

Abiro turo lodi mag dhoranga Damaski, mi ariemb jodong holo Aven kod Beth-eden. Jo-Aram ibi dar mi ter mabor e tuech e piny Kir.”

Amos 3:14

Chieng’ ma nakum jo-Israel kuom richogi, to naketh kende mag liswa man Bethel bende. Tunge mag kendogo nong’ad oko, mi ginipodh piny.

Amos 7:9

Kuonde ma joka Isaka lemoe ibiro kethi, kendo kuonde maler duto mag Israel biro kethore, bende abiro biro mondo aked gi dhood Jeroboam.”

Amos 8:14

Ji duto makuong’ore gi nying Ashima, ma Nyasaye madhako mar Samaria, kata makuong’ore gi nyasach Dan, kendo gi nyasach Beer-sheba, nopodh chuth, kendo ok nochak oa malo.”

Mika 1:13

Un joma odak Lakish, tueuru fareseu e geche lweny. Ne uluwo timbe maricho mag Israel, mi umiyogo jo-Jerusalem odonjo e richo.

Mika 1:5

Mago duto biro timore nikech jo-Israel oseketho, mi oweyo Nyasaye. Ere joma omiyo jo-Israel oweyo Nyasaye kamano? Gin mana jo-Samaria! Koso ere joma timo richo mar lamo nyiseche manono e piny Juda? Donge gin mana jo-Jerusalem?

Nahum 3:11

Kamano e kaka in Nineve bende ibiro kwang’ ka ng’at momer, mi piny chami, kendo inimany kar tony kiringo wasigu.

Luka 23:30

Bende giniwach ni gode niya, ‘Ruombreuru kuomwa!’

Rapar mar Chik 9:21

Eka nakawo gima nukethogo, ma en kido mar nyaroya mane uloso, mi awang’o e mach. Ne atoye matindotindo mi arege, molokore buru, kendo nakawo buruno makiro e aora mamol koa e got.

Fweny 6:16

Ne giwacho ni gode gi lwendnigo niya, “Ruombreuru kuomwa, mondo ugeng’wa kuom wang’ Jal mobet e kom duong’ kendo kuom mirima mager mar Nyarombo,

Fweny 9:6

E ndalo ma gigo notimre ji nodwar tho, to ok ginitho ngang’! Adier, ginigomb tho ahinya, to tho noringgi aringa!