Hosea 10:7 - MUMA MALER 2015

⁷ Samaria ibiro kethi, kendo ruodhe biro lal nono mana ka buoyo manie pi.

Motingʼo Loko Manyien

⁷ Samaria kod ruodhige nolew gi malo mana ka bad yien malewo gi malo ewi pi.

Hosea 10:7 ပူးပေါင်းရင်းမြစ်များ

1 Ruodhi 21:1

Naboth ja-Jezreel ne nigi puoth mzabibu thurgi, machiegni gi od Ahab ruodh Samaria.

2 Ruodhi 1:3

To malaika mar Ruoth Nyasaye nowacho ni Elija ja-Tishbe niya, “Dhi irom gi joote mag ruodh Samaria, kendo ipenjgi nia, ‘Nyasaye onge e Israel ka koso, momiyo udhi mana ir Baalzebub mondo upenje wach?

2 Ruodhi 15:30

To e higa mar piero ariyo mar loch Jotham wuod Uzia, Hoshea wuod Ela nojamo Peka wuod Ramalia, monego, mi okawo lochne.

2 Ruodhi 17:4

To ruodh Asuria noyudo ni Hoshea ndhoge, nikech Hoshea noseoro joote ir So ruodh Misri, bende noweyo chulo osuru kaka nosebedo kotimo higa ka higa. Kuom mano, ruodh Asuria nomake, mokete e od tuech.

Hosea 10:15

Mano e gima notimrenu, un jo Bethel, nikech richo madongo ma usetimo. E sa ma lweny ochakoree, ruodh Israel biro tho.”

Hosea 10:3

Bang’e gibiro wacho niya, “Waonge gi ruoth nikech ne ok waluoro Ruoth Nyasaye. To kata kamano ere gima ruoth ditimnwa?”

Hosea 10:8

Kuonde moting’ore ma jo-Israel timoe richo ka gilamo nyisechegi manono ibiro ketho. Kuthe gi buya ema biro twi ewi kendegi mag misango. Ji nowach ni gode niya, “Umwauru!” Kendo giniwach ni pidhe ni, “Ruombreuru kuomwa!”

Hosea 13:11

Ne aketonu ruodhi ka an gi mirima, kendo asegologi ka akecho ahinya.

Juda 1:13

Bende ka gitimo timbegi mag wichkuot, to gichalo apaka mager mag nam mathuogo buoyo, kendo gichalo sulue moweyo yorgi, ma mudho mandiwa ema okannigi nyaka chieng’.