Hosea 10:14 - MUMA MALER 2015

¹⁴ lweny biro buko jou, mi miechu mochiel motegno nokethi. Enochal gi kinde mane ruoth Shalman okethoe dala mar Betharbel gi lweny, monego kata mana mine gi nyithindgi.

Motingʼo Loko Manyien

¹⁴ kuom mano koko mar lweny biro monjo jou, ma mi kuondeu mochiel motegno nomuki, mana kaka Shalman nomuko Beth Arbel e odiechieng lweny, kama mine kod nyithindgi nodhir mopodho.

Hosea 10:14 ပူးပေါင်းရင်းမြစ်များ

Chakruok 32:11

Omiyo resa e lwet Esau owadwa, nimar aluor ni dipo ka otiekowa duto, ma ok oweyo kata mana mon kata nyithindo.

2 Ruodhi 17:16

Ne giweyo chike duto mag Ruoth Nyasaye ma Nyasachgi, ka gilenyo mula mi gilosgo nyiroye ariyo mondo gilam, kendo ka gichungo siro milamo. Bende ne gilamo sulue duto, kendo ne gitiyo ni Baal.

2 Ruodhi 17:3

Shalmaneser ruodh Asuria nokedo gi Hoshea, mi oloyo. Koro Hoshea nobet e bwo lochne, kendo golone osuru.

2 Ruodhi 18:33

Bende nitie nyasach piny moro mosereso pinye e lwet ruodh Asuria?

Isaya 17:3

Piny Israel ok nochak oobed gi dala mochiel motegno, bende Damaski ok nochak obed gi ruoth, kendo jo-Aram manok modong’ noneg duto, nimar duong’gi nolal nono, mana kaka duong’ mar Israel biro lal. Mago e weche mag Ruoth Nyasaye Manyalo Gik Moko Duto.

Isaya 33:14

Joricho modak Sayun biro tetni ka luoro omako. Adier, joma ok dew Nyasaye kihondko nomaki, mi ginipenjre niya, “Bende nitie ng’ato kuomwa manyalo dak gi mach mawang’o gik moko duto? Koso en ng’a ma didag gi mach maliel nyaka chieng’?”

Jeremia 13:14

Bang’e anarwadgi duto, wuone gi nyithindo machalre. Ok nakechgi kendo ok nawegi, bende ok nang’wonnigi ngang’, to naneggi duto.”

Jeremia 48:41

Miechgi gi kuondegi mochiel motegno ibiro kawo. Chieng’no jolweny mag Moab nobed gi kihondko mana ka dhako ma muoch kayo.

Hosea 10:15

Mano e gima notimrenu, un jo Bethel, nikech richo madongo ma usetimo. E sa ma lweny ochakoree, ruodh Israel biro tho.”

Hosea 13:16

Jo-Israel nyaka yud kum kuom kethogi, nimar gisepiem gi Nyasachgi. Gibiro tho e lweny kendo nyithindgi nochwad piny, mi ried iye mondgi mayach.”

Amos 3:14

Chieng’ ma nakum jo-Israel kuom richogi, to naketh kende mag liswa man Bethel bende. Tunge mag kendogo nong’ad oko, mi ginipodh piny.

Amos 3:8

“Ere ng’ama ok diluor ka sibuor ruto? Koso ere janabi ma diling’ mak ohulo gima Ruoth Nyasaye owachone?”

Amos 9:5

Ruoth Nyasaye Manyalo Gik Moko Duto mulo piny, mi piny leny, kendo ji duto modakie ywak. Piny duto ting’ore malo, kendo pie, mana ka aora Nael.

Mika 5:11

Anaketh miechu, mi amuk kuondeu duto mochiel motegno mag siro lweny.

Nahum 3:10

To kata kamano, en bende ne oloye, mi omak joge moter e tuech. Nyithind dalano ne ochwad piny e akek yore, mi otho, kendo ne ogo ombulu mondo ong’ego joma dikaw jotende ka wasumbni. Jodongo mage duto bende ne otue gi nyororo.

Nahum 3:12

Kuondeni duto mochiel motegno mag siro lweny nopodhi. Notiekgi mana ka ng’owo mokwongo chiek, ma lwar e dho joma yiengo yath.

Habakuk 1:10

“Gijaro ruodhi kod jodonggi, bende giseyo kuonde mochiel motegno mag siro lweny, nikech gidhuro pidhe mag lowo, ma giidhogo ohinga, kendo gimuko kuonde mochiel motegnogo.