Hosea 10:13 - MUMA MALER 2015

¹³ To kar timo kamano, ne uchuoyo mana timbe maricho, mi richo ema ukayo, kendo usechamo olemo ma miriambou onyago. “To nikech ne ugeno yoreu uwegi, kendo ne ugeno kuom jolwenju marateke mathoth,

Motingʼo Loko Manyien

¹³ To nikech usechwoyo anjawo, usekayo timbe maricho, kendo usechamo olemb miriambo. Nikech usegeno kuom tekou uwegi kendo kuom jolwenju mangʼeny,

Hosea 10:13 ပူးပေါင်းရင်းမြစ်များ

Ayub 4:8

Aseneno ni joma puro richo, kendo chwoyo timbe maricho kayo mana gik ma kamago.

Zaburi 33:16

Oganda lweny maduong’ ok ema mi ruoth lo lweny. Jalweny bende ok nyal tony e kedo mana nikech tekre owuon.

Zaburi 52:7

“Neyeuru ng’at mane ok ogeno kuom Nyasaye, to ogeno mana kuom mwandune mathoth, kendo pakore gi richone!”

Zaburi 62:10

Kik uket genou kuom timbe mahundu, kendo kik ugen yudo gimoro e yor mecho. Kata ka mwandu omedore, to kik ugen kuomgi.

Ngeche 1:31

Kuom mano, unuyud gima owinjore kodu, kendo timbeu uwegi noromu!

Ngeche 12:19

Adier ok tow nyaka chieng’. Miriambo to ok deki.

Ngeche 13:2

Joma kare nomi pok maromre gi gik ma giwacho. Jomriambo to gombo mana miero.

Ngeche 19:5

Janeno ma jamriambo ok nyal tony mak okum. Adier, ng’at ma wacho miriambo lilo ok tony.

Ngeche 22:8

Ng’at matimo timbe mamono nyaka yud masira, kendo e giko ibiro kume mager.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Isaya 17:11

bende kata obedo ni umiyo chamgo twi mana chieng’ ma upidhogieno, mi kinyne githiew, to unuka mana chandruok kod rem ma ok rum!

Hosea 11:12

Ruoth Nyasaye wacho niya, “Jo-Israel osemera gi miriambo kod wuond, kendo jo-Juda bende pod osiko odagi wachna, an Ng’ama kare kendo maler.

Hosea 4:2

Ji ketho singruok ma gisetimo, bende giriambo, gineko, gikuelo, kendo giterore. Timbegi maricho medore ameda, kendo gichuero remo kinde duto.

Hosea 4:8

Gipidhore kuom richo mag joga, omiyo gidwaro ni mondo joga omed ameda timo richo.

Hosea 7:3

Ruoth Nyasaye wacho niya, “Ji wuondo ruoth gi jodonge kuom yoregi maricho.

Hosea 8:7

“Jo-Israel chwoyo yamo, to gikayo mana kalausi. Gin gi cham ma ok wuodhi, omiyo gionge gi mogo. To kapo ni onyago cham, to jopinje mamoko dichame, mi tieke.

1 Samuel 24:14

En ng’a ma ruoth dwaro? Ilawo ng’a? Ilawo mana guok motho, ilawo mana kikun!