Hosea 10:10 - MUMA MALER 2015

¹⁰ An awuon abiro monjo jorichogi mi akum. Ogendini bende biro riwore kanyakla mondo omonjgi, kendo giyud kum kuom richogi mang’eny.

Motingʼo Loko Manyien

¹⁰ Ka ahero to abiro kumogi; ogendini nonywaknegi, maketgi e twech kuom richogi duto.

Hosea 10:10 ပူးပေါင်းရင်းမြစ်များ

1 Ruodhi 12:28

Omiyo ruoth Jeroboam noporo wach, moloso nyiruedhi ariyo mag dhahabu. Eka nowacho ni ji niya, “Un jo-Israel, usedhi Jerusalem moromo. Koro neuru nyisecheu mane ogolou e piny Misri!”

Ayub 39:10

Bende inyalo tueye e kwer mondo opurni puothi?

Isaya 1:24

Omiyo Ruoth Nyasaye ma Nyakalaga, ma en Ng’ama Nyalo Gik Moko Duto mar Israel, wacho niya,

Jeremia 15:6

Ne uweya, kendo udagi wachna, omiyo ne abiro, mi atiekou, nikech ne ok anyal geng’o mirimba kendo.

Jeremia 16:16

“Abiro oro ji mang’eny mondo omak jogi, mana kaka jolupo maluwo rech. Bang’e naor jodwar mang’eny mondo odwargi e gode duto koda ka e kind lwendni.

Jeremia 21:4

ni mondo onyis Zedekia ni Ruoth Nyasaye ma Nyasach Israel owacho niya, “Jolweny ma konyo Zedekia kedo gi ruodh Babulon gi joge mag lweny molworo ohinga mar Jerusalem abiro dwoko ei dala, kendo abiro dhuro gikgi mag lweny pidhe pidhe e chuny dala.

Ezekiel 16:37

Mano omiyo abiro choko osiepeni duto, mane ihero kod mane ok ihero, kanyakla. Abiro kelogi duto iri mondo gilwori ka giketi diere, mi olony lepi mondo gine dugi.

Ezekiel 16:42

Bang’e mirimba noto, kendo nabed gi kue, mi ok nachak akech kodi kendo.

Ezekiel 23:46

“An Ruoth Nyasaye awacho kama: Kel oganda mar jomahundu mondo otunggi, kendo oyakgi.

Ezekiel 23:9

Kuom mano ne ajwang’e e lwet chodene ma jo-Asuria mane ogombo malichgo.

Ezekiel 5:13

To ka asetieko kumou gi mirimba mager kamano, mi achulonu kuor, to mirimba noto, mi abed gi kue mos. Bang’e unung’e ni an Ruoth Nyasaye ema asewuoyo kodu ka chunya lit nikech useweya.

Hosea 10:9

Ruoth Nyasaye wacho niya, “Jo-Israel pok oweyo timo richo e nyima chakre ndalo mane gitimoe richo Gibea. Kuom mano, lweny biro jukogi Gibea!

Hosea 4:19

Gin gi chuny mabiro ywerogi mabor mana ka kalausi kendo nyiseche ma gitimonigi misengni ok nokonygi.

Hosea 4:9

Jodolo kod ji nokum mana machalre! Abiro kumogi, ka achulogi kuom richo ma gitimo.

Hosea 8:1

Ruoth Nyasaye wacho niya, “Go tung’, nikech wasigu yako Hekalu mara, mana ka otenga mayudho nyagweno! Joga oseketho singruok mane atimo kodgi, kendo gisedagi winjo puonjna.

Hosea 8:10

To koro abiro chokogi mondo akumgi! Piyopiyo nono gibiro neno malit ka ruodh Asuria sandogi.

Mathayo 22:7

Mirima nohewo ruodhno, omiyo nooro askechene, mi odhi otieko jonekgo, kendo owang’o dalagi.

Rapar mar Chik 28:63

Ruoth Nyasaye nobed mamor kokethou, kendo kotiekou mana kaka nobedo mamor koguedhou kendo omiyo unya, mi nogolu gi thwon e piny ma udonjoe mondo ukau.