Hagai 2:4 - MUMA MALER 2015

⁴ Bang’e nyis Zerubabel gi Joshua wuod Jehozadak jadolo maduong’ kod ji moko duto mondo ojiwre obed motegno. An Ruoth Nyasaye ema awacho kamano.” Ruoth Nyasaye Manyalo Gik Moko Duto owacho ni, “Chakuru achaka tich, nikech an kodu,

Motingʼo Loko Manyien

⁴ Jehova Nyasaye wacho ni, ‘Bed motegno, yaye Zerubabel. Bed motegno, yaye Joshua wuod Jehozadak, ma jadolo maduongʼ.’ Jehova Nyasaye medo wacho ni, ‘Beduru motegno, un ji duto modak e pinyni kendo tiuru matek nimar an kodu,’ Jehova Nyasaye Maratego owacho.

Hagai 2:4 ပူးပေါင်းရင်းမြစ်များ

2 Samuel 5:10

Duong’ mar Daudi koro nomedore ahinya, nikech Ruoth Nyasaye Manyalo Gik Moko Duto ne ni kode.

1 Weche mag Ndalo 22:13

Inibed gi hawi mana kimako chik kod buche Ruoth Nyasaye mane Musa omiyo jo-Israel. Bed gi chir, kendo gi jing’o! Kik chunyi nyosre, kata kik ibed jaluoro.

1 Weche mag Ndalo 28:20

Bang’e Daudi nowacho ni Solomon wuode niya, “Bed gichir, kendo gi jing’o! Kik chunyi nyosre, kendo kik iluor, to chak mana tich, nikech Ruoth Nyasaye ma Nyasacha nobed kodi, kendo ok nojwang’i kata weyi ka pok itieko tije duto mag Ode.

Ezra 10:18

Jodolo mane oyud ni osekendo nyi joma ok jo-Yahudi, ne gin Maaseya gi Eliezer gi Jarib kod Gedalia ma jaka Jeshua wuod Jozadak, gi owetene.

Ezra 5:2

Kane Zerubabel gi Shealtiel kod Jeshua wuod Jozadak owinjo wechegigo, ne gichako gero Od Nyasaye Jerusalem, kendo jonabi mag Nyasayego ne ni kodgi, ka konyogi.

Wuok 3:12

Nyasaye nodwoke niya, “Anabed kodi, kendo kisegolo ji Misri, to unulama e godni. Mano nobed ranyisi ni an ema aseori.”

Hagai 1:13

Kuom mano, Hagai jaote mane Ruoth Nyasaye ooro, nonyiso ji weche mane Nyasaye omiye, kowacho niya, “Ruoth Nyasaye owacho ni en kodu.”

Zekaria 4:6

Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’

Zekaria 8:9

Ruoth Nyasaye Manyalo Gik Moko Duto wacho kama: “Beduru gi chir, un joma ndaloni weche ma jonabi osebedo kawacho, chakre chieng’ mane iketoe mise mar Hekalu mara, mondo ochak oger kendo.

Mariko 16:20

Bang’ mano, jopuonjrene nodhi molando Wach Maber kuonde duto, ka Ruoth tiyo kodgi, kendo siro wachno gi ranyisi.]

Tich Joote 7:9

“To nyiego nomako kwerewago gi Josef, mi ging’iewe, modhi obedo misumba e piny Misri. To Nyasaye ne ni kode,

1 Jo-Korintho 16:13

Beduru motang’, kendo chung’uru motegno kuom yieu. Beduru gi chir kendo gi jing’o.

Jo-Efeso 6:10

To wach mogik en ni, beduru motegno kuom Ruoth, kendo kuom tekone maduong’.

Rapar mar Chik 31:23

Ruoth Nyasaye nochiko Joshua wuod Nun niya, “Bed gi chir, kendo gi jing’o, nikech in ema nitelni jo-Israel ka gidhi e piny mane asingora ni namigi kendo anabed kodi.”

2 Timotheo 2:1

Omiyo in nyathina, bed motegno kuom ng’wono ma wan-go kodi, ka wan kuom Kristo Yesu.

2 Timotheo 4:17

Ruoth ne ochung’ buta momiya teko mondo aland Wach Maber chuth, mondo ji duto ma ok jo-Yahudi owinj Wach Maber. Kamano ne oresa e dho sibuor.

Joshua 1:6

Bed gi chir, kendo gi jing’o, nimar in ema nitel ni jogagi, ka gikawo piny mane asingora ni kweregi ni namigi.

Joshua 1:9

Par kaka asechiki ni mondo ibed gi chir kendo gi jing’o. Kik iluor, kendo kik chunyi nyosre, nikech an Ruoth Nyasaye ma Nyasachi, an kodi kuonde duto midhiye.”

Jong’ad Bura 2:18

Kinde ka kinde mane Ruoth Nyasaye oketoe ni jo-Israel jatelo, nokonyo jatelono, kendo norito jo-Israel e lwet wasikgi kuom ndalo duto mane jatelono pod ngima. Ruoth Nyasaye ne kecho jo-Israel nikech ne giywak ka wasikgi sandogi kendo thirogi.

1 Samuel 16:18

Eka achiel kuom jotichne nodwoke niya, “Ang’eyo wuowi moro ma wuod Jesse ja-Bethlehem, molony e goyo thum. En ng’at ma jachir, kendo ma ratego e lweny. Ong’eyo wuoyo, kendo en jaber. Ruoth Nyasaye bende ni kode.”