Hagai 2:3 - MUMA MALER 2015

³ ‘Bende nitie ng’ato modong’ kuomu duto mane oneno Hekaluni kapod nigi duong’ne machon? Ka kamano, to tinde onene kochal nadi? Donge ochalnu ka gima onge?’

Motingʼo Loko Manyien

³ ‘En ngʼa modongʼ e dieru mane oneno hekaluni kapod nigi duongʼne machon? Koro sani to uneno kochal nade? Donge ochalonu mana ka gima nono?’

Hagai 2:3 ပူးပေါင်းရင်းမြစ်များ

1 Weche mag Ndalo 22:5

Daudi nowacho niya, “Solomon wuoda pod rawera mayot, to ot midwaro gero ni Ruoth Nyasaye onego obed maber miwuoro, kendo ma humbe olak e pinje duto. Omiyo nyaka aikne gik gedo.” Kuom mano Daudi noiko gik mogundho ka pok otho.

Ezra 3:11

Ne giolo wer, ka gipako kendo gigoyo erokamano ni Ruoth Nyasaye niya, “En erokamano, nimar herane kuom jo-Israel osiko nyaka chieng’.” Ji duto nopako Ruoth Nyasaye gi duol maduong’ nikech mise mar Od Ruoth Nyasaye noseketi.

Ezra 3:12

To thoth jodolo gi jo-Lawi kod jodong dhoudi mane koro hikgi oniang’, kendo ma noseneno Hekalu mokwongo, noywak, koneno ka mise mar odni oketi. To ji mang’eny nokok matek nikech mor mane gin go.

Isaya 64:10

Miechi maler kendo madongo duto olokore thim. Kata mana Sayun owuon olokore thim. Adier, Jerusalem osewe gunda.

Ezekiel 7:20

Ne gisungore gi kite ma nengogi tek, mane gilosogo nyiseche manono makuero. Mano ema omiyo Ruoth Nyasaye nomiyo mwandugi othing’ogi.

Hagai 2:9

Duong’ ma Hekaluni biro bedogo achien nolo duong’ mane en go mokwongo, kendo anakel kue gi gueth ka. An Ruoth Nyasaye Manyalo Gik Moko Duto awacho kamano.”