Hagai 2:22 - MUMA MALER 2015

²² Analok loch ruodhi, mi aketh teko mag pinje mamoko, kendo anago geche mag lweny piny, kaachiel gi joithgi. Ng’ato ka ng’ato noked gi wadgi, mi farese kod joma idhogi nonegi.

Motingʼo Loko Manyien

²² Abiro loko loch mag ruodhi; kendo abiro ketho teko mag pinje mamoko, abiro goyo geche mag lweny piny, kaachiel gi joma oidhogi. Ngʼato ka ngʼato biro kedo gi owadgi, kendo farese kod joma oidhogi nonegi.

Hagai 2:22 ပူးပေါင်းရင်းမြစ်များ

2 Weche mag Ndalo 15:6

Ginitiekre kendgi ka libamba kedo gi libamba kendo dala kedo gi dala, nimar Nyasaye nomigi thagruok mang’eny.

2 Weche mag Ndalo 20:22

Kane gichako wer kendo peko, Ruoth Nyasaye norundo jo-Amon gi jo-Moab kod jo-got Seir, mane obiro monjo jo-Juda, mi nologi.

2 Weche mag Ndalo 20:23

Noyudo ka jo-Amon kod jo-Moab onywako ni jo-got Seir, motieko chuth, kendo kane gisetiekogi kamano, ne gichako negore kendgi giwegi.

Zaburi 46:9

Otieko lwenje e piny duto. Oturo atunge kod tonge, kendo owang’o okumbni gi mach.

Zaburi 76:6

Kane ibwogogi, yaye Nyasach Jakobo, farese gi joithgi nogore piny, mi parogi olal.

Wuok 14:17

Abiro jiwo jo-Misri mondo oluw bang’u. Nyinga noyud duong’ kuom loyo Farao gi joge mag lweny gi gechene, kaachiel gi joidh faresene.

Wuok 14:28

Pi noduogo, moimo geche lweny gi joidh farese kod jolweny duto mag Farao ma nolawo jo-Israel ei nam. Onge kata ng’at achiel mane odong’.

Wuok 15:19

Farese Farao kod gechene gi joithgi nodonjo e nam, mi Ruoth Nyasaye noduogo pi, moimogi. To jo-Israel nong’ado nam, kawuotho e lowo motwo.

Wuok 15:4

Osewito geche Farao gi jolweny mage e nam, kendo jatend Farao moyier josenimo e Nam Makwar.

Isaya 19:2

Owacho niya, “Abiro thuwo jo-Misri e kindgi giwegi, mi ng’ato ka ng’ato gore gi wadgi. Dala ka dala noked gi dala machielo, kendo gweng’ ka gweng’ bende noked gi wadgi.

Isaya 60:12

Ogendini gi pinje motamore tiyoni biro lal nono, mi kethre chuth.

Isaya 9:19

Omiyo mirimb Ruoth Nyasaye Manyalo Gik Moko Duto biro wang’o piny Israel, kendo ji ema nobed yien michwakogo mach.

Ezekiel 21:27

Adier, abiro ketho dalano chuth, mi lokre gunda. To mano ok notimre nyaka chop ka ruoth mowinjore gi loch obiro, kendo en ema abiro miye osimbono.

Ezekiel 26:16

Ruodhi duto mag pinje manie dhonam nowe kombegi mag dongo kendo nolony lepgi mag loch kod mago mogor malich, mi gibed e lowo ka gikirni. Ka gineno masira mosemaki, to kihondko nomakgi marach, mi ginisik ka gikirni akira.

Ezekiel 38:21

“Anabwog Gog gi masiche mopogore opogore. An Ruoth Nyasaye ema awacho kamano. Joge noked kendgi ng’ato gi ng’ato.

Ezekiel 39:20

E mesana to unuchamie farese gi joidhgi kod thuondi gi jolweny mamoko duto nyaka uyieng’. An Ruoth Nyasaye ema awacho kamano.”

Daniel 8:25

To nikech oriek, yorene mag miriambogo biro miyo otimo gimoro amora modwaro. Enobed jasunga kendo notiek ji mathoth apoya. Kata mana Ruodh Ruodhi bende nopiemgo, to ruodhno ema notieke, to ok gi lwet dhano.

Amos 2:15

Jo-Asere noringi, kendo jong’wech matek ok noresre. Bende joma oidho farese ok notony.

Mika 5:10

Ruoth Nyasaye wachonu un jo-Israel niya, “E kindeno ananeg fareseu kendo naketh gecheu mag lweny.

Mika 5:15

to bende abiro chulo kuor gi mirimba mager ni ogendini ma ok oseluora.”

Mika 5:8

Ee, jo-Israel motony nobed e kind ogendini mana ka sibuor ma dwaro le e bungu, kata madwaro rombe e lek. Ka odonjo kuom rombe to opodho kuomgi kendo okidhogi matindo tindo ma onge ng’ama resogi.

Mika 5:9

Jo-Israel biro loyo wasikgi mi tiek pep.

Mika 7:16

Ogendini one honnigo, mondo luoro omakgi, kata obedo ni gitek kamano. Giniling’ thi, kendo ok giniwinj gimoro.

Zefania 3:8

“Kuom mano an Ruoth Nyasaye, awachonu niya, ‘Ritauru! Adier, rituru chieng’ ma abiro chung’ie ka ayalou, nimar asechano choko ogendini kod dhoudi kanyakla, mondo aol kuomgi mirimba duto maliet ka mach, kendo mabiro wang’o piny duto ma tiek pep.

Zekaria 10:11

Ka ging’ado nam Misri, to apaka nokue. Adier, kuonde matut duto mag aora Nael noduon. Sunga ma jo-Asuria sungorego nodwok piny, kendo loch mar Misri norum.

Zekaria 10:5

Ginibed ka jolweny marateke ma nyono wasikgi ka chuodho, kendo ginikedi nikech an Ruoth Nyasaye an kodgi, bende ginilo kata mana joidh farese, mi gikuod wigi.

Zekaria 12:9

Bende anatiek ogendini duto mabiro mondo omonj Jerusalem.

Zekaria 14:3

Eka Ruoth Nyasaye nowuogi mi ked gi ogendinigo mana ka gima okedo e paw lweny.

Zekaria 4:6

Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’

Zekaria 9:10

Ruoth Nyasaye wacho niya, “Abiro golo geche mag lweny oa e piny Israel, kendo abiro tieko farese mag lweny man Jerusalem. Bende atunge mag jolweny biro rumo. Ruodhno nokel kue ni ogendini duto, kendo lochne noyarre, koa e nam man yo imbo nyaka nam man yo wuok chieng’, bende koa e aora Yufrate nyaka tung’ piny koni gi koni.

Mathayo 24:7

nimar ogendini noked gi ogendini wetegi, kendo ruodhi nomonj ruodhi wetegi. Kech bende nowuogi, kendo piny noyiengini kuonde mopogore opogore.

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

Jong’ad Bura 7:22

Ji mia adekgo nomedo goyo tungegi, mi Ruoth Nyasaye nomiyo ji duto mane ni e kambi ochako kedo kendgi giwegi. Ne giringo nyaka Beth-shita e yo mochomo Zerera, mi gichopo e tong’ Abel-mehola man but Tabath.

1 Samuel 14:16

Jorito mag Saulo mane ni Gibea noneno ka oganda lweny mag jo-Filistia ke, karingo koni gi koni.