Hagai 2:19 - MUMA MALER 2015

¹⁹ Adier, chakre kawuono paruru matut mondo une ane ka pod cham dibed matin, kata kapod mzabibu gi komamanga kod zeituni ok dinyag olemo. Ooyo, ok nobed kamano, nikech chakre kawuono abiro guedhou.”

Motingʼo Loko Manyien

¹⁹ Bende nitiere kodhi ma pod ni ei dero? Nyaka kawuononi mzabibu gi ngʼowu gi olemo mongʼinore kod zeituni pod ok nyag olemo. “ ‘Chakre kawuono abiro olo gwethna kuomu.’ ”

Hagai 2:19 ပူးပေါင်းရင်းမြစ်များ

Chakruok 26:12

E higano, Isaka nopuro, mi nokayo cham moloyo ma nochwoyo nyadi mia, nikech Ruoth Nyasaye noguedhe.

Ayub 39:12

Iparo ni onyalo keyoni, mi ochok cham okel dala?

Zaburi 133:3

Bende ochalo gi tho mamol e got Hermon, kendo machuer ka mol e gode mag Sayun. Kanyo ema Ruoth Nyasaye osewacho ni obiro keloe guethne. Guethneno en ngima ma ok rum.

Zaburi 84:12

A Ruoth Nyasaye Manyalo Gik Moko Duto, mano kaka joma ogeno kuomi gin johawi!

Jeremia 31:12

Gibiro duogo, mi giwer gi ilo e got Sayun, ka gimor gi gik ma achiwonigi, kaka cham gi divai gi mo kod jamni. Ginichal gi puodho ma koth oromo, mi ok ginichak gichand gimoro kendo.

Jeremia 31:14

Abiro miyo jodolo gundh gi chiemo mabeyo moloyo, kendo joga noyud gik moko duto ma gichando. An Ruoth Nyasaye ema awacho kamano.”

Joel 1:12

Yien duto osetwo. Adier, komamanga gi othidhe kod yiend olemo mamoko, osetwo, kendo mor mar ji bende oserumo.

Joel 2:14

Dipo ka Ruoth Nyasaye ma Nyasachu biro loko parone, mi oguedhu gi cham mogundho. Eka unubed gi mogo kod divai, ma unyalo timonego misengni miolo piny.

Hagai 1:11

Asehono oro mondo otwo piny kaachiel gi gode, mi cham gi mzabibu kod zeituni, gi gik moko duto ma piny nyago, ner, mondo kech omak dhano gi jamni kendo oketh tije duto ma dhano oloso.’ ”

Malaki 3:10

Keluru achiel kuom apar mag giu duto kar keno mar Hekalu, mondo chiemo obed e oda. Temieuru timo kamano ane, ka ok nayaw dirise mag polo, kendo amiu gik mabeyo mogundho, ma onge kama ikete.

Mathayo 6:33

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

Rapar mar Chik 15:10

Nyaka umigi gik ma gidwarogo mabup, kendo gi chuny maler. Kutimo kamano to Ruoth Nyasaye biro guedhou kuom gik moko duto mutimo.

Rapar mar Chik 28:22

Ruoth Nyasaye biro goyou gi kahera gi midhusi gi tuo akuodi kod gwonyo, kendo kelonu oro, mi cham rochre ewi dongo. Gigo duto biro thagou nyaka urum.