Hagai 2:17 - MUMA MALER 2015

¹⁷ Ne aketho chambu duto gi dera marach kod pe, to kata kamano ne ok uduogo ira. An Ruoth Nyasaye ema awacho kamano.”

Motingʼo Loko Manyien

¹⁷ Chambu duto ne aketho gi dera kod pe, to kata bangʼ timo magi to pod ne udagi duogo ira,’ Jehova Nyasaye owacho.

Hagai 2:17 ပူးပေါင်းရင်းမြစ်များ

Chakruok 42:23

Josef nowinjo gima giwacho, to gin ne ok ging’eyo, nimar ne giwuoyo kode ka ng’ato ema lokonigi wach.

Chakruok 42:27

Kane gibuoro kamoro gotienono, achiel kuomgi nogonyo ogunde, mondo omi kanje chiemo, mi nopo koyudo pesane e wi cham.

Chakruok 42:6

Koro, kaka Josef ne jatend Misri, en ema ji moa e pinje duto ne rundo kuome cham. Emomiyo, owetene nobiro mogoyo chonggi piny, kendo okulorene nyaka e lowo.

1 Ruodhi 8:37

“Ka kech kata dera mar tho marach nie piny, kata ka cham orochore ewi dongo, kata ka bonyo kata kungu nitie, kata ka wasigu olworo dala moro, kata ka tho kata tuo manade nitie,

2 Weche mag Ndalo 28:22

To Ahaz achielni nomedo ketho ni Ruoth Nyasaye e ndalo mar chandruokne,

2 Weche mag Ndalo 6:28

“Ka kech, kata dera mar tho marach, nie piny, kata ka cham orochore ewi dongo kata ka bonyo kata kungu nitie, kata ka wasikgi oluoro dala moro, kata ka tho kata tuo manadi nitie,

Ayub 36:13

Joma ok dew Nyasaye bedo gi mirima kinde duto, kendo ka okumgi, to ok giywagre mondo okonygi,

Zaburi 128:2

Iniyud gik moko duto misetiyonigi, bende inidhi maber, kendo inibed mamor.

Zaburi 78:46

Ne ooro kungu mondo ocham chambgi. Dede bende nooro mondo oketh puothegi.

Isaya 28:2

Winjuru! Ruoth Nyasaye biro kelo ng’at maratego moseyiero mondo oketh pinyu. Obiro biro mana ka yamb koth makelo pe, maketho piny, kata mana ka pi ohula mabubni kaywoyo gik moko.

Isaya 37:27

ma joma odakie chalo gi lum ma e pap, maonge gi teko, kata ka lum matwi e tat ot, to ner kapok odongo, nimar ne gionge gi teko, kendo ne ging’eng’ ka luoro omakogi.

Isaya 42:25

Mano ema omiyo noolo mirimbe mager kuom jo-Israel, kokelonigi lweny maliet ka mach. Ne olworogi gi mach koni gi koni, to ne ok giwinjo tiend kumno. Adier, ne orewogi, to kata kamano ne ok gidewo.

Isaya 62:8

Ruoth Nyasaye osekuong’ore koting’o bade ma korachwich man gi teko, kowacho niya, “Ok nachak ayie wasiki kaw chambi ocham. Jopinje mamoko bende ok nochak omadh divai ma isetiyone matek.

Isaya 9:13

To ji ok noduog ir jal ma nobed ka kumogi. Ooyo, ok ginidwar mondo Ruoth Nyasaye Manyalo Gik Moko Duto otelnigi.

Jeremia 3:24

“ ‘Chakre tindowa, gik moko duto ma wuonewa osetiyo moyudo, kaka jamni kod yawuowi gi nyiri, oselalnwa kuom lamo Baal, nyasach wichkuot.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Amos 4:6

Ruoth Nyasaye owacho niya, “An ema nakelo kech e miechu duto, mi ubedo ma onge gi chiemo. To kata kamano ne ok uduogo ira.

Hagai 1:11

Asehono oro mondo otwo piny kaachiel gi gode, mi cham gi mzabibu kod zeituni, gi gik moko duto ma piny nyago, ner, mondo kech omak dhano gi jamni kendo oketh tije duto ma dhano oloso.’ ”

Hagai 1:6

Usechuoyo mathoth, to ukayo matin, bende uchiemo to ok uyieng’. Umetho to ok romu, kendo urwakoru to koyo pod chamou achama. Jatich tiyo kendo chamo msara, to oketo pesane mana e mifuko motuch.

Hagai 1:9

Ugeno yudo gik mathoth, to uyudo mana manok. Ka ukelo cham dala, to akudhogi kucha. An Ruoth Nyasaye apenjo ni, ‘Uparo ni atimo kamano nikech ang’o?’ To adwokou kama: ‘Atimo kamano nikech Hekaluna odong’ gunda, ka un to, ng’ato ka ng’ato nigi ode owuon motimoe gige.

Hagai 2:16

Donge kane ng’ato obiro kama ochokie cham, ka oparo ni obiro yudo gunde piero ariyo, to ne oyudo mana apar kende?

Malaki 3:11

Ok nawe kute keth chambu, kendo yiendu mag mzabibu nonyag olembe mang’eny.

Rapar mar Chik 28:22

Ruoth Nyasaye biro goyou gi kahera gi midhusi gi tuo akuodi kod gwonyo, kendo kelonu oro, mi cham rochre ewi dongo. Gigo duto biro thagou nyaka urum.

Fweny 2:21

Ne amiye kinde mondo olok chunye, to otamore weyo terruokne.