Hagai 2:16 - MUMA MALER 2015

¹⁶ Donge kane ng’ato obiro kama ochokie cham, ka oparo ni obiro yudo gunde piero ariyo, to ne oyudo mana apar kende?

Motingʼo Loko Manyien

¹⁶ Donge kata kane ngʼato obiro iru ka ukayo cham koparo ni onyalo yudo ogunde piero ariyo, to oyudo apar kende? Kendo kane obiro kar biyo divai, koparo ni onyalo yudo chupni piero abich, to ne oyudo mana piero ariyo kende.

Hagai 2:16 ပူးပေါင်းရင်းမြစ်များ

Isaya 5:10

Bende puodho maduong’ nonyag mana mzabibu moromo divai matin nono, kendo kodhi moromo depe ariyo nonyag cham moromo mana ondweto kende.

Jeremia 48:33

Mor gi ilo osegol e piny Moab momewni. Divai tinde ok mol kuonde bicho, kendo onge joma odong’ ma dikog gi mor ka loso divai.

Hagai 1:6

Usechuoyo mathoth, to ukayo matin, bende uchiemo to ok uyieng’. Umetho to ok romu, kendo urwakoru to koyo pod chamou achama. Jatich tiyo kendo chamo msara, to oketo pesane mana e mifuko motuch.

Hagai 2:15

To paruru ane gima biro timore chakre kawuono. Kane pok uchako gero Hekalu mar Ruoth Nyasaye kendo, to ere kaka ne uchalo?

Hagai 2:17

Ne aketho chambu duto gi dera marach kod pe, to kata kamano ne ok uduogo ira. An Ruoth Nyasaye ema awacho kamano.”

Malaki 2:2

“Nyaka umi nyinga duong’ kuom gik mutimo. To ka ok uwinjo wachna, kendo ok utimo kaka awacho, to abiro kuong’ou, kendo anakuong’ gik moko duto mabeyo ma uyudo e tich dolo. Ee, abiro kuong’o gigo nikech udagi rito chikna.