Hagai 2:15 - MUMA MALER 2015

¹⁵ To paruru ane gima biro timore chakre kawuono. Kane pok uchako gero Hekalu mar Ruoth Nyasaye kendo, to ere kaka ne uchalo?

Motingʼo Loko Manyien

¹⁵ “ ‘Koro paruru anena gima biro timore chakre kawuono, kane pok uchako gero hekalu mar Jehova Nyasaye to ne ochalo nade?

Hagai 2:15 ပူးပေါင်းရင်းမြစ်များ

Ezra 3:10

Kane jogendo oseketo mise mar Hekalu mar Ruoth Nyasaye, jodolo morwako lep dolo, nochung’ keregi ka goyo tung’, kendo jo-Lawi ma nyikwa Asaf bende nogoyo ongeng’o ka pako Ruoth Nyasaye kaka Daudi ruodh Israel nochiko.

Ezra 4:24

Chakre chieng’no, tich Od Nyasaye man Jerusalem nochung’, mi nosiko kamano nyaka higa mar ariyo mar loch Darius ruodh Persia.

Zaburi 107:43

Joma riek onego onon wechegi, mondo opar hera mosiko mar Nyasaye.

Isaya 5:12

Utimo sewni gi kong’o mogundho kod thumbe mopogore opogore to ok udew gik ma Ruoth Nyasaye osetimo, bende ok unegi.

Hosea 14:9

Joma riek mondo owinj weche mondik ka, kendo girwakgi e chunygi. Yore mag Ruoth Nyasaye oriere tir, kendo joma kare luwogi, to joricho chwanyore kendo podho nikech ok giluwgi.

Hagai 1:5

Mano emomiyo koro an Ruoth Nyasaye Manyalo Gik Moko Duto awacho ni, nonuru timbeu!

Hagai 1:7

“Emomiyo an Ruoth Nyasaye Manyalo Gik Moko Duto awacho kama: Nonuru timbeu!

Hagai 2:16

Donge kane ng’ato obiro kama ochokie cham, ka oparo ni obiro yudo gunde piero ariyo, to ne oyudo mana apar kende?

Hagai 2:18

“Paruru, chakre kawuono, due piero ariyo gang’wen due mar ochiko, ma en odiechieng’ moketie mise mar Hekalu mara.

Zekaria 8:10

To kane pok kindeno ochopo, ji kata jamni ne ok ti tich michulo, kendo kane ng’ato owuok dhi e tije, to ok ong’ere kata ka doduogi, nikech wasigu ne ng’eny. Bende ne athuwo ng’ato ka ng’ato gi wadgi.

Zekaria 8:11

To koro ok abi timo ni joma odong’ e ogandani kaka natimo e kinde mokadho. An Ruoth Nyasaye Manyalo Gik Moko Duto ema awacho kamano.

Jo-Rumi 6:21

To ere ohala mane uyudo kuom timo gik ma koro miyou wichkuotgi? Giko mar gigo en mana tho.

1 Jo-Korintho 11:31

Ka da wanonre wawegi mokwongo, to ok dwayud bura.