Hagai 1:6 - MUMA MALER 2015

⁶ Usechuoyo mathoth, to ukayo matin, bende uchiemo to ok uyieng’. Umetho to ok romu, kendo urwakoru to koyo pod chamou achama. Jatich tiyo kendo chamo msara, to oketo pesane mana e mifuko motuch.

Motingʼo Loko Manyien

⁶ Usechwoyo mangʼeny, to ukayo mana matin; uchiemo, to gima uchamo ok nyal yiengʼou, umetho, to ok romu; urwakoru gi lewni, to onge kata ngʼato achiel kuomu mayudo liet; to nyaka un joma nwangʼo chudo, bangʼ ka unwangʼo chudo to uketo mana ei ofuku motuch.”

Hagai 1:6 ပူးပေါင်းရင်းမြစ်များ

2 Samuel 21:1

E ndalo Daudi ne nitie kech kuom higni adek, omiyo Daudi nopenjo Ruoth Nyasaye wach gimomiyo kejno obiro. Ruoth Nyasaye nodwoke niya, “Ketho ni kuom Saulo kod joodgi, nikech nochuero remb jo-Gibeon.”

1 Ruodhi 17:12

En to nodwoko ni, “Gi nying Ruoth Nyasaye ma Nyasachi, aonge gi gimoro motedi, mak mana sanja mar mogo modong’ e dak, kod mo matin e agulu. Koro eka adondo yien matin, mondo adhi atedgo chiemo, wacham gi wuoda, aye watho.”

Nehemia 5:2

Jomoko ne ng’ur ni gisesingo yawuotgi gi nyigi mondo giyud chiemo ma digiresgo ngimagi.

Ayub 20:22

Kata gik mang’eny opong’o dalane kamano, to achien none chandruok malich.

Ayub 20:28

Mirimb Nyasaye biro mwomo ka ohula, mi keth mwandune duto.

Zaburi 107:34

Piny momew bende omiyo lokore piny motimo kado ma ok nyal pur.

Ngeche 11:24

Ng’ato nyalo bet ni pogo ni ji gige gi chuny maler, to pod mwandune medore ameda! Ng’at machielo to nyalo bedo ni kungo malich, to pod omedo mana bedo modhier.

Isaya 5:10

Bende puodho maduong’ nonyag mana mzabibu moromo divai matin nono, kendo kodhi moromo depe ariyo nonyag cham moromo mana ondweto kende.

Jeremia 12:13

Joga pidho ngano, to kuthe ema gikayo. Gisetiyo matek, to ok giyud gimoro. Pinygi otho nikech mirimba mager.”

Jeremia 14:4

Chuny jopur lit, nikech koth onge, kendo piny otwo, omiyo giumo wigi.

Jeremia 44:18

To nyaka ne wawe timo misengni ni ruoth madhako mar polo, kendo wawe chiwone misengni miolo piny, wasebet modhier maonge gimoro, kendo lweny gi kech osenego jowa.”

Hosea 4:10

Ka gichiemo, to ok giniyieng’. Gilamo nyasach nyodo, to kata kamano ok ginywol nyithindo, nikech giseweya, kendo gilamo nyiseche mamoko.

Hosea 8:7

“Jo-Israel chwoyo yamo, to gikayo mana kalausi. Gin gi cham ma ok wuodhi, omiyo gionge gi mogo. To kapo ni onyago cham, to jopinje mamoko dichame, mi tieke.

Tim jo-Lawi 26:20

Unuketh tekreu nono kuchwoyo, nimar chambu ok nochiegi, kata mana yiendu bende ok nonyag olembe.

Tim jo-Lawi 26:26

Anami chiembu doko manok, mi agulu achiel norom mon apar tedoe. Ginipimnu chiemo mana e rapim, kendo kata kuchiemo, to ok unuyieng’ ngang’.

Hagai 1:10

Mano emomiyo polo otwo, ma koth ok chuenu, kendo piny otho ma ok nyag gimoro.

Hagai 1:5

Mano emomiyo koro an Ruoth Nyasaye Manyalo Gik Moko Duto awacho ni, nonuru timbeu!

Hagai 1:7

“Emomiyo an Ruoth Nyasaye Manyalo Gik Moko Duto awacho kama: Nonuru timbeu!

Hagai 1:9

Ugeno yudo gik mathoth, to uyudo mana manok. Ka ukelo cham dala, to akudhogi kucha. An Ruoth Nyasaye apenjo ni, ‘Uparo ni atimo kamano nikech ang’o?’ To adwokou kama: ‘Atimo kamano nikech Hekaluna odong’ gunda, ka un to, ng’ato ka ng’ato nigi ode owuon motimoe gige.

Hagai 2:16

Donge kane ng’ato obiro kama ochokie cham, ka oparo ni obiro yudo gunde piero ariyo, to ne oyudo mana apar kende?

Hagai 2:17

Ne aketho chambu duto gi dera marach kod pe, to kata kamano ne ok uduogo ira. An Ruoth Nyasaye ema awacho kamano.”

Zekaria 5:4

Ruoth Nyasaye Manyalo Gik Moko Duto wacho ni, ‘Anaor kuong’no e ut jokuo duto, kende e od ng’ato ang’ata makuong’ore gi miriambo e nyinga. Kuong’no nosik e udigo, mi tiekgi pep, koda ka yien gi kite mogergigo.’ ”

Zekaria 8:10

To kane pok kindeno ochopo, ji kata jamni ne ok ti tich michulo, kendo kane ng’ato owuok dhi e tije, to ok ong’ere kata ka doduogi, nikech wasigu ne ng’eny. Bende ne athuwo ng’ato ka ng’ato gi wadgi.

Malaki 2:2

“Nyaka umi nyinga duong’ kuom gik mutimo. To ka ok uwinjo wachna, kendo ok utimo kaka awacho, to abiro kuong’ou, kendo anakuong’ gik moko duto mabeyo ma uyudo e tich dolo. Ee, abiro kuong’o gigo nikech udagi rito chikna.

Rapar mar Chik 28:17

Nokuong’ atongeu gi dakuondeu.