Hagai 1:4 - MUMA MALER 2015

⁴ “Bende ma en kinde maber adier monego un uwegi udag e utu mugero mabeyo, ka Hekalunani to omukore kama?

Motingʼo Loko Manyien

⁴ “Bende en gima ber adier ka un uwegi udakie uteu mugero mabeyo, to hekalu marani to omukore machal kama?”

Hagai 1:4 ပူးပေါင်းရင်းမြစ်များ

2 Samuel 7:2

nowacho ni Nathan janabi niya, “Koro an adak e ot moger maber gi yiend sida, to Sanduk mar Nyasaye odak mana e hema.”

2 Ruodhi 5:26

Elisha nokone niya, “Donge chunya nodhi kodi, kane ng’at cha lor a e gache, duogo romoni? Iparo ni ma e kinde mar kawo fedha, gi lewni, gi puothe mzabibu, gi rombe, gi dhok, kod jotich machwo gi mamon koso?

Zaburi 102:14

Jotichni ohero Sayun, kata obedo ni okethe kamano! Adier, kata obedo ni odong’ mana gunda, to pod gikeche akecha.

Zaburi 74:7

Bende ne giwang’o Hekalu mari gi mach, mi gidwanyo kama ilamie. Adier, ne gikethe chuth!

Eklesiastes 3:3

kinde mar nek, gi kinde mar chengo, kinde mar muko, gi kinde mar gero,

Jeremia 22:14

En gima lit manadi kuom ng’at mawacho ni obiro gero ot marang’ongo man gi udi madongo malo. Bang’e oketne dirise mi ochwade gi yiend sida, kendo owire gi range maber.

Jeremia 26:18

“E ndalo loch Hezekia ruodh Juda, Mika janabi ma ja-Meresheth nonyiso jo-Juda duto ni Ruoth Nyasaye Manyalo Gik Moko Duto owacho kama: ‘Sayun ibiro pur oko ka puodho. Jerusalem biro lokore pidhe mag lwendni, kendo got mogerie Hekalu nolokre bungu.’

Jeremia 26:6

Ka ok uwinjogi, kendo ka pod utamoru timo gik ma awacho, to abiro ketho Hekaluni mana kaka naketho Shilo, kendo ogendini duto noluong nying dalani ka gima okuong’.”

Jeremia 33:10

Ruoth Nyasaye nowacho niya, “Ji wacho ni kaeri chalo gi thim, kendo onge ji kata jamni modakie. En adier ni miech Juda kod yore mag Jerusalem odong’ nono, kendo onge ji kata jamni mantie.

Jeremia 33:12

Ruoth Nyasaye Manyalo Gik Moko Duto nowacho niya, “E piny ma koro chalo thim, maonge ji ma odakieni, chieng’ moro lege nochak obedie ma jokwath nyalo kwayoe jambgi.

Jeremia 52:13

Ne owang’o Hekalu mar Ruoth Nyasaye gi od ruoth kod ut joma dongo duto,

Ywagruok 2:7

Osedagi kendone mar misango mi ojwang’o Hekalu mare. Nochiwo ut Sayun madongo e lwet wasigu, mi gigoyo koko e od Ruoth Nyasaye mana machal gi koko migoyo chieng’ sawo maduong’.

Ywagruok 4:1

Mano kaka dhahabu ochido, kata mana dhahabu maberie moloyo! Kite mag Hekalu okere e akek yore duto.

Ezekiel 24:21

mowachona ni mondo anyisu, un jo-Israel, ni owacho kama: Usungoru ni Hekalu otegno. Kunene, to umor kendo uhero donjoe. To koro an Ruoth Nyasaye abiro loke gima kuero, kendo yawuotu gi nyiu modong’ Jerusalem none e lweny.

Tim jo-Lawi 19:25

To e higa mar abich unyalo chamo olembego. Kutimo kamano, to ginimed nyak moloyo. An e Ruoth Nyasaye ma Nyasachu.

Mika 3:12

Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.

Hagai 1:3

Bang’e Ruoth Nyasaye nochako ooro wach ni Hagai janabi mondo openj jo-Israel niya,

Hagai 1:5

Mano emomiyo koro an Ruoth Nyasaye Manyalo Gik Moko Duto awacho ni, nonuru timbeu!

Hagai 1:9

Ugeno yudo gik mathoth, to uyudo mana manok. Ka ukelo cham dala, to akudhogi kucha. An Ruoth Nyasaye apenjo ni, ‘Uparo ni atimo kamano nikech ang’o?’ To adwokou kama: ‘Atimo kamano nikech Hekaluna odong’ gunda, ka un to, ng’ato ka ng’ato nigi ode owuon motimoe gige.

Mathayo 6:33

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

Jo-Filipi 2:21

nikech ji duto dwaro mana mekgi giwegi, to ok dew wach Yesu Kristo.