Hagai 1:2 - MUMA MALER 2015

² “Ruoth Nyasaye Manyalo Gik Moko Duto wacho kama: Ogandani wacho ni kinde pok ochopo mar chako gero Hekalu mara.”

Motingʼo Loko Manyien

² Jehova Nyasaye Maratego wacho niya, “Ogendinigi wacho ni, ‘Kinde pok ochopo monego gerne Nyasaye hekalu mare.’ ”

Hagai 1:2 ပူးပေါင်းရင်းမြစ်များ

2 Ruodhi 12:7

Omiyo ruoth Joash noluongo Jehoyada jadolo, kod jodolo wetene, mowachonigi niya, “Ang’o momiyo ok ulos kuonde mokethore e Hekalu? Koro weuru tiyo gi pesa ma joweteu golo, to chiwgiuru mondo ulosgo Hekalu.”

Ezra 4:23

Kane osesom barup ruoth Artaxerxes ni Rehum gi Shimshai kod jowetegi, ne gidhi Jerusalem piyopiyo, mi gichuno jo-Yahudi mondo owe tich.

Nehemia 4:10

To jo-Juda nowacho niya, “Pidhe mag kuonde momukore ng’eny, to teko joma goologi osedok chien, omiyo ok wanyal medo gero ohinga.”

Ngeche 22:13

Ng’at ma janyawo budho abudha e dala, kawacho ni sibuor dipo kochame kowuok oko.

Ngeche 29:25

En gima rach luoro gima ji paro kuomi, to ber geno mana kuom Ruoth Nyasaye.

Eklesiastes 11:4

Ka irito mana nyaka koth chue, to ok nichwo gimoro, kendo ka ikowo keyo akowa, to ok nike.

Eklesiastes 3:3

kinde mar nek, gi kinde mar chengo, kinde mar muko, gi kinde mar gero,

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Hagai 1:1

Chieng’ mokwongo mar due mar auchiel e higa mar ariyo mar loch Darius, Ruoth Nyasaye nokelo ni janabi Hagai wach mondo onyis Zerubabel wuod Shealtiel, ma jatend piny Juda, gi Joshua wuod Jehozadak, jadolo maduong’ niya,

Hagai 1:3

Bang’e Ruoth Nyasaye nochako ooro wach ni Hagai janabi mondo openj jo-Israel niya,

Kwan 13:31

To joma noyudo osedhi kode kuno nowacho niya, “Ooyo, ok wanyal monjo jogo, nikech gitek moloyowa.”