Habakuk 3:8 - MUMA MALER 2015

⁸ A Ruoth Nyasaye, mirima omaki gi aore koso? Koso ikecho gi nam, ma omiyo ibiro kiidho fareseni kod gecheni ma ilochogo?

Motingʼo Loko Manyien

⁸ Mirima nomaki gi aore, yaye Jehova Nyasaye? Koso mirima nomaki gi aore matindo? Koso ne ikecho gi nam kane iidho farese, ma en gachi mar loch?

Habakuk 3:8 ပူးပေါင်းရင်းမြစ်များ

Zaburi 104:3

mi igero dalani e pige man malo. Boche polo ema iidho ka gachi mar lweny,

Zaburi 114:3

Nam Makwar ne ogoyo wang’e kuom Ruoth Nyasaye, mi oringo. Aora Jordan to ne odok chien, moweyo mol.

Zaburi 114:5

Koro in Nam, ang’o momiyo ne iringo? Koso in aora Jordan, ere gimomiyo ne iweyo mol?

Zaburi 18:10

Ne oidho kerubi mi ohuyogo matek e kor yamo.

Zaburi 45:4

Dhi adhiya kiidho farasi, kirwakori gi lep duong’, mondo ilo, kendo ikel adiera gi muolo kod bura makare. Tekoni maduong’ biro miyo itimo timbe madongo!

Zaburi 68:17

Kane Ruoth Nyasaye owuok Sinai kadhi e Hekalu mare, ne en gi geche lweny madongo gana gi gana.

Zaburi 68:4

Weruru ni Nyasaye! Pakuru nyinge gi wer. Ee, denduru Ng’ama ringo gi gache e boche polo. Nyinge en Ruoth Nyasaye. Beduru mamor e nyime.

Zaburi 77:16

A Nyasaye, kane pige oneni, to ne gidoko maluor, kendo kude mag nam nowalo.

Wuok 14:16

Kaw ludhi, irie e nam, mondo nam opogre koni gi koni, eka jo-Israel ong’ade, kawuotho e lowo motwo.

Wuok 7:19

Ruoth Nyasaye nowacho ni Musa niya, “Nyis Harun kama: ‘Rie ludhi e wi pige duto man Misri, kaka aore madongo gi matindo, kod yewni gi sokni.’ Pi biro lokore remo, kendo piny duto nopong’ gi remo, koda ka dapige mag yien mopa, koda mag kite.”

Wuok 7:20

Musa gi Harun ne jotimo kaka Ruoth Nyasaye nochikogi. Harun noting’o ludhe malo e nyim Farao gi jodonge, kendo nochwado pi aora Nael, mi pi duto nolokore remo.

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Isaya 50:2

Kuom mano, ere gima omiyo ne ok ayudo ng’ato, kane abiro iru? Koso kane aluongo, to ere gima omiyo ng’ato ne ok odwoka? Uparo ni bada chiek ma ok nyal warou, kata ni aonge gi teko ma daresugo? Ooyo, ka akok, to nam duono, bende aore lokore piny motwo, mi rech manie igi tho kendo dum marach nikech pi onge.

Isaya 66:15

Neuru kaka Ruoth Nyasaye biro ei mach, ka gechene mag lweny chalo kalausi, mondo osand ji gi mirimbe mager ka mach makakni.

Nahum 1:4

Kogolo chik, to nembe gi aore duono, mi lokre lowo motwo. Lege mabeyo mag Bashan gi Karmel two, kendo bunge mang’ich man Lebanon wang’.

Habakuk 3:15

Ka ingado nam gi fareseni, to apaka madongo gingore.

Mariko 4:39

Yesu noa malo, mokwero yamo, kendo owacho ni nam ni, “Ling’! Pie!” Gikanyono yamo noweyo kudho, mi nam okue.

Fweny 16:12

Bang’e malaika mar auchiel noolo tape e aora maduong’ mar Yufrate, mi pige nodwono mondo yo olosre ni ruodhi mane biro a yo wuokchieng’.

Fweny 19:11

Eka ne aneno polo ka oyawore, kendo ne aneno faras marachar ka ni kanyo, to Jal mane oidhe iluongo ni Ng’ama Igeno, kendo Jaadiera. Iluonge kamano nikech ong’ado bura kare, kendo okedo e yo makare.

Fweny 19:14

Ogend lweny mag polo ne luwo bang’e koidho farese marachere, kendo korwakore gi lewni mabeyo kendo maler.

Fweny 6:2

Eka ne ang’icho mi aneno faras marachar. Ng’at moidhe noting’o atung’, kendo ne osidhne osimbo, mi nowuok kaka jalocho madhi mondo olochi.