Habakuk 3:4 - MUMA MALER 2015

⁴ Othinyore ka ler mar okinyi, kendo meny ariyo rieny e bathe koni gi koni. Kor polo kanyo e kama opandoe duong’ne maler.

Motingʼo Loko Manyien

⁴ Berne ne chalo kawuok chiengʼ; kendo ler ne mil ka wuok e lwete, kama tekone opandie.

Habakuk 3:4 ပူးပေါင်းရင်းမြစ်များ

Nehemia 9:12

Godiechieng’ nitelonigi e siro mar bor polo, to gotieno nitelonigi gi siro mar mach mondo omenynigi yo ma giwuothoe.

Ayub 26:14

To mago gik manyiso mana dir tekone kende, kendo gin mana weche manok miwacho kuome. To koro en ng’awa ma nyalo ng’eyo duong’ hie mar Nyasaye.”

Zaburi 104:2

kendo iumori gi ler mana kaka ng’ato umore gi law. Ne iyaro polo mana ka hema,

Zaburi 18:12

Pe kod mirni motimo mach nowuok e ler mane omorore e nyime, ka mwomo rumbi molil.

Wuok 13:21

Godiechieng’ Ruoth Nyasaye notelo nyimgi kobet e siro mar bor polo, mondo onyisgi yo, to gotieno notelo nyimgi ei siro mar mach, mondo omenynigi ler. Kamano ne ginyalo wuotho odiechieng’ gotieno.

Wuok 14:20

kopogo kind jolweny mag Misri gi jolweny mag Israel. Bor polono nokelo mudho kanyo, mi piny noyuso piyopiyo, kendo oganda moro ne ok osudo machiegni gi wadgi otieno duto.

Ngeche 18:10

Nying Ruoth Nyasaye chal gi dala mochiel motegno, ma ng’at makare nyalo ringo resoree.

Ezekiel 1:27

Gima nobet e komno ne rieny ka mula molut e mach, chakre tiende nyaka wiye, kendo ler mang’angni nolwore koni gi koni.

Ezekiel 43:2

mi aneno duong’ maler mar Nyasach Israell kabiro koa yoo wuokchieng’. Dwond Nyasaye ne wuo ka apaka mar nam, kendo duong’ne maler nomiyo piny rieny.

Mathayo 17:2

Eka kite nolokore mana e nyimgi ka gineno, mi wang’e orieny ka wang’chieng’, kendo lepe odoko matar ka pe.

1 Timotheo 6:16

En kende ema ok otho, kendo odak e ler ma dhano ok nyal chopoe. Onge dhano mosenene, kata manyalo nene. Pak gi loch ma nyaka chieng’ obedne! Amin.

Fweny 21:23

Dalano ok dwar chieng’ kata due marieny kuome, nikech duong’ maler mar Nyasaye ema miye ler, kendo Nyarombo e tache.

Fweny 22:5

Otieno ok nochak obedie, kendo ok ginidwar ler mar taya kata mar chieng’, nikech Ruoth Nyasaye nomigi ler, kendo ginibed gi loch nyaka chieng’.