Habakuk 3:12 - MUMA MALER 2015

¹² Iwuotho e piny gi gero, kendo inyono ogendini piny gi mirima.

Motingʼo Loko Manyien

¹² E mirimbi ne iwuotho e piny duto, to kuom mirimbi ne inyono ogendini.

Habakuk 3:12 ပူးပေါင်းရင်းမြစ်များ

Zaburi 110:5

Ruoth Nyasaye nie badi korachwichh, kendo obiro loyo ruodhi moko, chieng’ ma mirima omake.

Zaburi 68:7

A Nyasaye ma ruodh Sinai, e kinde mane itelo ni jogi king’ado thim,

Zaburi 78:55

Noriembo joma ne odak e pinyno, mondo oyaw ni joge thuolo, eka ne opoge ni dhout Israel, mi omiyo gidak e miechgi.

Zaburi 90:7

Mirimbi osebwogowa, motiekowa!

Isaya 41:15

Neuru! Abiro miyo uchalo gi gir diemo ngano manyien ma lekene bitho. Unumuk gode madongo gi matindo, kutoyogi matindotindo, mi gilokre mihudhi.

Jeremia 51:33

Chieng’ keyo osechopo machiegni! Piyopiyo nono wasigu biro negogi, mi nyon-gi ka cham midino. Ruoth Nyasaye Manyalo Gik Moko Duto kendo ma Nyasach Israel ema owacho kamano.”

Amos 1:3

Ruoth Nyasaye nowacho niya, “Jo-Damaski osetimo richo mang’eny, omiyo abiro kumogi mak orem, nikech gisesando jo-Gilead gi sand malit, ka giywayo kuomgi bepe mogurie musmande mabitho midinogo cham.

Zekaria 1:15

Akecho ahinya gi ogendini ma neno maber, nikech kane pok mirima omaka ahinya gi joga to ne gisandogi moloyo kaka owinjore.

Tich Joote 13:19

Eka notieko ogendini abiriyo mane oyudo odak e piny Kanaan, mi omiyo joge owuon pinyno.