Habakuk 3:11 - MUMA MALER 2015

¹¹ Wang’ chieng’ gi due ochung’ achung’a keregi, ka gineno polo ka mil, mana ka gima gin aserni gi tong’ magi.

Motingʼo Loko Manyien

¹¹ Wangʼ chiengʼ gi dwe nochungʼ kargi e kor polo ka gineno asernigi mibayo; ka mil polo machalo tongʼ mobaa.

Habakuk 3:11 ပူးပေါင်းရင်းမြစ်များ

Zaburi 19:4

to kata kamano gima ginyiso, iwinjo e pinje duto. Wachgi tundo e tung’ piny gi tung’ piny. Nyasaye oseyaro ni wang’ chieng’ hema e kor polo.

Isaya 28:21

Ruoth Nyasaye biro a malo gi mirima, kaka ne oa malo e got Perazim, kendo kaka ne otimo e holo mar Gibeon, mondo oti tije magalagala ma osechano timo, ma ji ok par ni onyalo timo.

Isaya 38:8

Rang ane tipo mar wang’ chieng’ manie raidhi mar dhood Ahaz. Abiro dwoko tipono chien ondamo apar.” Kamano wang’chieng’ nodok chien ondamo apar e raidhi mane oyudo oselorie.

Isaya 49:2

Ne opiago lewa, modoko liganglane mabith, kendo ne opanda e tipo mar lwete. Ne otima asere moywe maler, kendo ne opanda e olalone.

Nahum 3:3

Ligengni gi tonge ng’ang’ni, kendo mil. Joma otho okadho akwana, kendo ringregi odhurore pidhepidhe kuonde duto. Ji chwanyore achwanya kuomgi.

Habakuk 3:9

Igolo atung’ oko, kendo ipong’o olalo gi asere. Imiyo ohula baro piny,

Zekaria 9:14

Ruoth Nyasaye biro thinyore ewi joge malo, kendo obiro chielo asere mage ka mil polo. Obiro goyo tung’, mi odhi gi ahiti moa milambo.