Habakuk 2:8 - MUMA MALER 2015

⁸ Kaka ne uyako ogendini mang’eny, e kaka ogendini duto bende noyaku, nikech remo mane uchuero kod timbe mahundu mane utimo e piny kendo e mier, kusandogo joma odakie.

Motingʼo Loko Manyien

⁸ Nikech useyako ogendini mangʼeny, joma odongʼ biro mayou. Nimar usechwero remb dhano, useketho pinje, mier madongo kod ji duto manie igi.

Habakuk 2:8 ပူးပေါင်းရင်းမြစ်များ

Zaburi 137:8

In Babulon bende ibiro kethi, kendo ng’at ma ochuloni kuor kuom gik ma isetimonwa en jahawi!

Ngeche 22:23

nimar Ruoth Nyasaye nochwak joma kamago, kendo nokum ng’ato ang’ata ma yakogi.

Isaya 33:1

Yaye unune malit un jo-Asuria! Useketho gik moko, to un pok okethu. Bende usendhogo ji, to un pok ondhogu. To koro ka usetieko ketho gik moko, to un ema ibiro kethu, kendo ka utieko ndhogo ji, to un ema ibiro ndhogu.

Isaya 33:4

Mwandugi noyaki, mi tieki, mana kaka bonyo nang’o lum, mi tieki. Adier, ji nopot kuomgi mana ka det bonyo.

Isaya 47:6

Kane mirima omaka gi joga, ne ajwang’ogi ka gima ok gin joga awuon, mi aketogi e tekoni. Ne ok ikechogi, to ne iketo kum mapek koda ka kuom joma oti.

Jeremia 27:7

Ogendini duto notine, kendo giniti ni wuode kod nyakware bende, nyaka chop kinde ma ogandane owuon nopodhie. Bang’e ogandane noti ni ogendini marateke kod ruodhi madongo.

Jeremia 30:16

Ji duto matiekou bende notieki, kendo wasiku noter mabor e tuech. Ji duto mathirou bende nothir, kendo joma yakou bende noyaki.

Jeremia 50:14

“Un jo-asere, rieduru ni lweny mondo uked gi Babulon ka ugoyone ageng’a. Chieluru Babulon gi asere, nikech osetimo timbe maricho e nyima, an Ruoth Nyasaye.

Jeremia 50:28

(Joma noringo motony koa Babulon nobiro Sayun monyisowa kaka Ruoth Nyasachwa nochulo ni jo-Babulon kuor kuom gima ne gitimo ni Hekalune.)

Jeremia 50:37

Oseketh faresegi gi gechegi mag lweny. Tho ochopo kuom jolweny mane ondiko, mi gilokore mayomyom ka mon. Oseketh mwandune kendo oyakgi.

Jeremia 51:13

Babulon en dala man gi aore mang’eny, kendo en gi mwandu mogundho, to kata kamano oserumo, kendo tond ngimane osechot.

Jeremia 51:24

Ruoth Nyasaye wacho niya, “Ubiro neno ka achulo kuor ni Babulon gi joge kuom richo duto mane gitimo Sayun.

Jeremia 51:44

Abiro kumo Bel nyasach Babulon, mi ami ong’og oko gik mosekwalo, kendo ogendini ok nochak olame kendo. “Ohinga mar Babulon osepodho! Un jo-Israel, ringuru ua kuno.

Jeremia 51:48

Mony moa yo nyandwat biro loyo Babulon kendo kethe, mi gik moko duto manie piny kendo manie polo nokog gi mor. An Ruoth Nyasaye ema awacho kamano.

Jeremia 51:8

To koro Babulon osepodho apoya, mi okethore! Ywageuru! Dwaruru yath ni adhondene, nimar dipo ka omiyo ochango.

Ezekiel 28:16

Ne iketo chunyi kuom tich ohala, mi mano nomiyo idonjo e timbe mahundu kod richo. Kuom mano ne oriembi oko e goda maler, kendo kerubi mane riti ne ogoli oko kuom kite mang’ang’nigo.

Ezekiel 39:10

Ok ginidhi e thim mondo gimoti, kata dhi e bungu mondo gitong’ yien, nikech ginibed ka gichwako gi-lweny mojwang’go. Ginipe kendo giniyak jogo mane opeyogi kendo oyakogi. An Ruoth Nyasaye ema awacho kamano.”

Amos 3:10

Ruoth Nyasaye owacho kama: “Jogo ok ong’eyo kaka digibed joma obidhore. Gipong’o utgi madongo gi gik moyaki.

Obadia 1:15

“Chieng’ ma an Ruoth Nyasaye abiro ng’adoe bura ni ogendini chiegni. Yaye, jo-Edom! Gik ma usetimo ema notimnu, kendo timbeu maricho nodong’ mana e wiu uwegi.

Habakuk 2:10

Tim musetimo kutieko ogendini mang’eny biro kelonu wichkuot, mi ket ngimau e masira.

Habakuk 2:17

Timbe mahundu, mane utimo ni Lebanon, kendo nek mane unegogo le man kuno nodog e wiu, kendo nomi udhier nono, nikech usechuero remo e piny kendo e mier, bende usetimo timbe mahundu ni joma odakie duto.

Zekaria 1:15

Akecho ahinya gi ogendini ma neno maber, nikech kane pok mirima omaka ahinya gi joga to ne gisandogi moloyo kaka owinjore.

Zekaria 14:12

Ruoth Nyasaye nogo ogendini duto mane okedo gi Jerusalem gi tho marach. Thono nochal kama: Ringregi notow mana ka gichung’ gi tiendgi, kendo wengegi notow mana e wigi, to lewgi bende notow mana e dhogi.

Fweny 6:10

Ne gikok matek niya, “Yaye, Ruoth Maler kendo Maradiera! Nyaka karang’o mapod ibiro bet ka ok ing’adoe bura ni joma odak e piny, kichulo kuor kuom rembwa?”