Habakuk 2:6 - MUMA MALER 2015

⁶ To kinde biro ma joma koro gimakogo nong’ong’nigi, kawachonigi niya, “Unune malit, un jomecho ma doko momew gi mwandu moyaki kod gik mohol.”

Motingʼo Loko Manyien

⁶ “To donge jogi biro kwede ka ngʼongʼone kendo jare kawacho niya, “ ‘Inine malit in ngʼama choko gik mokwal kendo mabedo ja-mwandu gi gige mecho. Nyaka karangʼo ma gigi nodhi nyime katimore?’

Habakuk 2:6 ပူးပေါင်းရင်းမြစ်များ

Zaburi 94:3

A Nyasaye, joricho biro bedo mamor nyaka karang’o?

Ngeche 22:16

Ka ithiro jochan mondo iyud mwandu, kata ka imiyo joma omew chiwo, to in ema ibedo jachan.

Isaya 10:13

nimar ruodh Asuria osewacho niya, “Aseloyo lwenjegi duto mana gi tekona kod riekona awuon, nikech an gi ng’eyo. Ne aketho tong’ mag pinje, mi ayako mwandugi mathoth, kendo anyono ji e buru.

Isaya 44:20

Ng’at ma kamano chamo mana buch kendo! Parone mofuwo osewuonde, mowite. Omiyo oonge gi rieko monyalo parogo ni gima oting’o e lweteno ok en gima adier.

Isaya 5:8

Yaye, unune malit un joma medo gero udi agera, kendo ma medo yaro puothe ayara nyaka piny pong’ thich, mi udong’ kukwako piny!

Isaya 55:2

Ere gima omiyo ung’iewo chiemo ma ok konyu, kuketho mwandu kuom gima ok nyal yieng’ou? Ka uchiko itu, mi uwinjo gima awacho, to ubiro chamo chiemo mabeyo, mi uwinj ndhath gima uchamo.

Jeremia 17:11

Ng’ato ma yudo pesa e yor miriambo chalo gi winyo matoyo tong’ mane ok otoko. Gibiro lalne kapok obet ng’at moti, kendo bang’e nolokre mana ng’at mofuwo.”

Jeremia 29:22

Ka joma ne ogol Jerusalem moter Babulon e tuech dwaro kuong’o ng’ato, to giniwach niya, “Ruoth Nyasaye mondo otimni kaka notimo ni Zedekia gi Ahab, mane ruodh Babulon owang’o ka ngima gi mach!”

Jeremia 50:13

nikech asekume gi mirimba mager. Omiyo onge ng’at ma nodag Babulon, to enodong’ mana gunda. Ji duto mokadho kanyo nobed maluor, mi dhier nono kuom gima osetimorene.

Ezekiel 32:21

Thuondi madongo kaachiel gi joma ne konyogi kedo, biro rwako jo-Misri gi mor e Piny Joma Otho, ka giwacho niya, ‘Joma kia Nyasaye mane onegi e lweny osebiro mwalo ka! Eki giriere ka!’

Mika 2:4

Ka kindeno ochopo, to ji nogou ngero, ka wero wend ywak niya, ‘Otiekwa chuth! Ruoth Nyasaye osekawo pinywa, mi omiyo joma oketowa e tuech!’

Habakuk 1:15

Jo-Babulon mako ji mana kaka jolupo mako rech gi olowu, kendo ywayogi gi tol ka mor.

Habakuk 2:12

Mano kaka unune malit, un joma gero mier gi pesa moyud kuom nek gi mecho.

Habakuk 2:13

Donge Ruoth Nyasaye Manyalo Gik Moko Duto osewacho ni gik ma ogendini mamoko oseyudo gi luchgi nowang’, mi lal nono?

Kwan 23:18

Mi Balaam nohulo wach moa kuom Nyasaye kama: “Balak a malo mondo iwinj! Wuod Zipor winji gima onyisa mondo awachi!

Kwan 23:7

Eka ne Balaam ohulo wach moa kuom Nyasaye kama: “Balak ruodh Moab oseoma Aram piny gode man wuok chieng’ kowachona niya, ‘Bi mondo ikuong’na joka Jakobo! Bi ikwer jo-Israel.’

Luka 12:20

To Nyasaye nowacho ni ng’atno niya, ‘In ng’at mofuwo! Otieno ma kawuononi ang’ nokaw chunyi! To koro gik misekanogo duto biro konyi gang’o?’ ”

1 Petro 4:7

Giko mar gik moko duto chiegni. Emomiyo, beduru mariek, kuritoru mondo uikru ni lemo.