Habakuk 2:5 - MUMA MALER 2015

⁵ Andhoke ma jo-Babulon sungore, to ok ginidhi maber. Gisechoko ogendini mang’eny moa e pinje mopogore opogore, ka wuoro omakogi, to ok ginyal yieng’.

Motingʼo Loko Manyien

⁵ chutho, divai momadho ndhoge; en jasunga kendo osiko otimo gik maricho ma ok ool. Nikech owuor ka liel mamuonyo ji kendo kaka tho ok rom e kaka en bende ok orom, ochoko ogendini duto mondo obi ire, kendo omako ji duto wasumbini.

Habakuk 2:5 ပူးပေါင်းရင်းမြစ်များ

2 Ruodhi 14:10

Adieri, iseloyo jo-Edom, mi koro ipakori. Pakruoknino mondo oromi, to ibedgo mana e dala. Ang’o momiyo iero miero ma biro tieki, kaachiel gi jo-Juda?”

Zaburi 138:6

Kata obedo ni in malo chutho, A Ruoth Nyasaye, to pod ikecho joma ni e piny. Josunga bende ok nyal pondoni!

Ngeche 20:1

Kong’o miyo ng’ato bedo jakoko maonge gi rieko. Emomiyo mer en mana fuwo.

Ngeche 21:24

Jasunga e nying mowinjore gi ng’ama kawore ma wang’e tek, kendo ma ok dew ji.

Ngeche 27:20

Kaka joma otho ok nyal pong’o Piny Joma Otho, e kaka gombo mar dhano bende ok nyal rumo.

Eklesiastes 5:10

Ka ihero pesa, to pesa ok noromi ngang’, bende ka igombo bedo jamwandu, to mwandu miyudo ok noromi, nikech mano en mana gima nono.

Isaya 14:6

In ruodh Babulon, ne isando ogendini pile gi gero, kigoyogi, kendo kinyonogi piny gi mirima maonge yueyo.

Isaya 16:6

Wasewinjo humb jo-Moab, kaka gin josunga. Adier, wasewinjo kaka ging’are malich, kendo kaka wechegi opong’ gi miriambo lilo.

Isaya 2:17

Duong’ duto ma dhano nigo noduog piny. Sunga mar dhano bende noruchre e buru.

Isaya 21:5

Bende naneno ka chiemo oseket piny, mi ochan kombe, kendo ka jatend jo-Babulon chiemo kendo metho, to e sano ne gipo ka oluonggi mondo gimanre gi gigi mag lweny.

Isaya 5:14

Emomiyo piny joma otho ong’amo dhoge malach, ka dande oyawore, mondo omwonygo joma ogen kaachiel gi ji mamoko duto, e kinde ma gikokie gi mor.

Isaya 5:8

Yaye, unune malit un joma medo gero udi agera, kendo ma medo yaro puothe ayara nyaka piny pong’ thich, mi udong’ kukwako piny!

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 50:29

“Nyisuru jo-asere mondo omonj Babulon. Ee, ng’ato ka ng’ato mong’eyo bayo asere olwor dala, kendo kik uwe ng’ato tony. Chuluru ni Babulon kuor kuom gik moko duto mosetimo, kendo utimne mana kaka osetimo ni ji mamoko, nikech osesungore e nyima, an Ng’ama Ler mar Israel.

Jeremia 51:39

Kara, ka giowore kamano, to abiro losonigi sawo! Abiro miyogi gimer, mi gibed mamor, to bang’e nindo notergi ma ok ginyal chiew kendo.

Habakuk 1:15

Jo-Babulon mako ji mana kaka jolupo mako rech gi olowu, kendo ywayogi gi tol ka mor.

Habakuk 1:17

A Nyasaye, koro ibiro weyo gitimo kamano nyaka chieng’ ka ginego ogendini anega, to ok idew?

Habakuk 2:4

Koro ma e fweny nogo: Ng’at ma chunye ok ni kare nopodhi, to ng’at makare nobed mangima nikech adierane.

1 Jo-Thesalonika 4:11

Dwaruru dak e ngima mokue, kendo tiju kende ema urangi, ka utiyo gi luetu mana kaka ne wapuonjou mokwongo.

Jakobo 4:6

To ng’wono ma Nyasaye ochiwo ni dhano duong’ moloyo nyiego. En mana kaka Muma owacho niya, “Nyasaye miyo joma muol ng’wono, to odagi josunga.”