Habakuk 2:16 - MUMA MALER 2015

¹⁶ To un bende duong’ ma un go biro lokore wichkuot, nikech ubiro madho kikombe ma mirimb Nyasaye opong’o mi ukwang’. Ee, Nyasaye biro kumou malit mi unubed gi wichkuot marach kar duong’ mane un-go.

Motingʼo Loko Manyien

¹⁶ Wichkuot nomaki kar bedo gi pak. Koro en kindeni mar mer! Methi kendo dongʼ duk! Okombe moa e lwet Jehova Nyasaye ma korachwich bironi, kendo wichkuot biro umo duongʼ ma in-go.

Habakuk 2:16 ပူးပေါင်းရင်းမြစ်များ

Zaburi 75:8

Ruoth Nyasaye oting’o kikombe mar divai mochiek makech e lwete, kendo ogamo ni ji mondo omadhi. Joricho duto onego madhe pep, koda ka duche!

Ngeche 3:35

Joma riek noyud luor maduong’, to gima joma ofuwo yudo en mana wichkuot momedore.

Isaya 20:4

e kaka ruodh Asuria nosemb jo-Misri kod jo-Ethiopia ma osemako duto, joma dongo kaachiel gi nyithindo. Giniwuoth duge gi tiendegi nono, ka siandagi neno, mi Misri noyud wichkuot.

Isaya 47:3

Dugi nonen, kendo wichkuot ma in go nonere e lela.

Isaya 49:26

Anachun joma thiri, mondo ocham ringregi giwegi, kendo anami gimer gi rembgi, mana ka joma divai makech omero, mi ji duto nong’e ni an Ruoth Nyasaye ema aresou. An Jawaru, ma Ng’ama Nyalo Gik Moko Duto mar Jakobo.”

Jeremia 25:15

Ruoth Nyasaye ma Nyasach Israel nowacho niya, “Ma e kikombe mopong’ gi mirimba. Kawe mondo imi ogendini duto ma aori irgi omadhe.

Jeremia 25:17

Omiyo ne agamo kikombe e lwet Ruoth Nyasaye, mi amiyo ogendini duto mane oora irgi omadhe.

Jeremia 51:57

Abiro miyo jodonge gi joge mariek gi jotelo kod joge mag lweny bed momer, mi nindo tergi, mi ok ginyal chiew kendo. An Ruoth Nyasaye Manyalo Gik Moko duto, ema awacho kamano.

Jeremia 51:7

Babulon ne chalo gi kikombe mar dhahabu manie lweta, mamiyo piny duto mer. Ogendini nomadho divai manie iye, mi wigi okethore.

Ywagruok 4:21

Un jo-Edom, modak e piny Uz, ero umor kendo uil, to ng’euru ni kikombe mwamadhoni, ema un bende ubiro madho! Enomeru mi unyis dugu.

Ezekiel 23:33

En agwata ma luoro gi masira opong’o. Mane Samaria nyameru omadho. Enomi ibed momer, kendo chunyi nobed malit.

Hosea 4:7

“Kaka jodolo medore e kaka gimedo timo richo e nyima. Abiro loko nying maber ma gin go obed nyiero.

Hosea 7:5

Chieng’ mane ruoth timo sawo, ne gimiyo omadho divai gi jodonge, mi gimer kendo gilokore josunga ma jaro ji ajara.

Habakuk 2:10

Tim musetimo kutieko ogendini mang’eny biro kelonu wichkuot, mi ket ngimau e masira.

Habakuk 2:15

Unune malit, un joma sando jopinje makiewo kodu, mi kwang’ ka joma omer, mana ni mondo unyiergi ka giwuotho duk.

Jo-Filipi 3:19

To notiekgi e giko, nimar igi e nyisechegi, kendo gisungore mana ni gik makelonigi wichkuot, bende giparo mana weche mag pinyni.

Fweny 18:6

Timneuru kaka osetimo! Medneuru nyadiriyo kuom gik ma osetimo! Kikombe mane omiyo jomoko omadho, ema mondo uolne nyadiriyo!