Habakuk 1:9 - MUMA MALER 2015

⁹ kendo joma temo geng’ogi, leny nono koneno kaka gilich. Gichoko ji ma gimako mang’eny mana ka kuoyo.

Motingʼo Loko Manyien

⁹ giduto gibiro monjou ne lweny. Jolwenjgi dhi nyime mana ka yamb piny motwo kendo gichoko joma otwe ka kwoyo.

Habakuk 1:9 ပူးပေါင်းရင်းမြစ်များ

Chakruok 41:49

Nokano cham mang’eny ka kuoyo ma e dho nam. Chamgo nodoko mathoth mokadho apima.

2 Ruodhi 12:17

E ndalogo, Hazael ruodh Aram nodhi kedo gi jo-Gath, mi nokawo dalagi. Bang’ mano, noikore mondo odhi omonj Jerusalem.

Ayub 29:18

Ne aparo ni abiro dak aming’a, mi achien atho e dala gi kue.

Zaburi 139:18

Ka dabed ni anyalo kwanogi, to da anwang’o ni ging’eny moloyo kuoyo. To ka achiew, to ayudo ni pod an kodi!

Isaya 27:8

Ooyo, ose mana riembogi gidhi e piny mabor, ka gima yamo mager moa yo wuok chieng’ ema oterogi.

Jeremia 15:8

Ne anego chwo mang’eny, mi ubedo gi mond liete mathoth ka kuoyo mae dhonam ne anego yawuotu godiechieng’, mi akelo ne minegi kuyo.

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 34:22

Adier, abiro golo chik, mi jo-Babulon-go biro duogo monjo dalani mi gikaw, kendo giwang’ pep. Abiro ketho miech Juda, mi lokre thim maonge ng’ama dakie. An Ruoth Nyasaye ema awacho kamano.”

Jeremia 4:11

Ndalo biro, mibiro nyisie jo-Jerusalem ni yamo maliet moa e thim kudho koni, kochomo jo-Ruoth Nyasaye. Ok nokudh mos maber minyalo piedhgo cham,

Jeremia 4:7

Jaketh ogendini osewuok oko ka sibuor mowuok e gonde. Osewuok kama odakie mondo obi oketh pinyu. Miech Juda nodong’ gundni ma onge ng’ama odakie.

Ezekiel 17:10

En adier ni osepidhe, to bende obiro betie, mi odongi? Donge obiro two ka yamb oro moa yo wuok chieng’ okudhe kama entieno?”

Ezekiel 19:12

To ne odhuole oko gi lop tiende gi mirima mager, mi opodho piny. Yamb oro moa yo wuokchieng’ notwoyo olembene. Bedene bende ne otur, kendo otwo, mi owang’ e mach.

Daniel 11:17

Enobed gi paro mar kawo pinje duto mae bwo loch ruodh Misri. Omiyo enomiye nyare okendi, eka oyud kaka dohinye, to kata kamano ok nonyal.

Hosea 1:10

“To kata kamano jo-Israel nobed mang’eny ma ok nyal kwan kata pim, mana ka kuoyo mae dhonam. Sani koro awachonigi ni ok gin joga, kendo chieng’ moro nawachnigi niya, ‘Un nyithind Nyasaye mangima’,

Hosea 13:15

Kata obedo ni jo-Israel dhi nyime maber ka buya malandore, to abiro kelonigi jaketh ma notiek gigi mabeyo duto mana kaka yamb oro moa e piny motimo ongoro duono sokni duto.

Habakuk 1:17

A Nyasaye, koro ibiro weyo gitimo kamano nyaka chieng’ ka ginego ogendini anega, to ok idew?

Habakuk 1:6

Abiro kelo jo-Babulon, ma oganda mager kendo ma jomrima! Giwuotho e piny ngima ka gimayo jomoko nono miechgi.

Jo-Rumi 9:27

Isaya bende nowuoyo kuom jo-Israel kama: “Kata ka jo-Israel ng’eny mana ka kuoyo manie dhonam, to ji manok kuomgi kende ema nokwo,

Jong’ad Bura 7:12

Jo-Midian gi jo-Amalek kod jo yo wuokchieng’ duto mane nindo e holo ne ng’eny ka bonyo, kendo ngamia mane gin go nokadho akwana mana ka kuoyo manie dho nam.