Habakuk 1:8 - MUMA MALER 2015

⁸ Faresegi jong’wech moloyo kwach, kendo ger moloyo ondiegi mawuotho ka piny oselil. Joidh faresegi a kuma bor, kendo gihuchore mana ka ongo ma yudho gima omako,

Motingʼo Loko Manyien

⁸ Faresegi ringo mapiyo moloyo kwach, kendo giger moloyo guo sudhe e sa ma piny imoree. Faresegi mag lweny lengʼore ka gitingʼo wiyegi malo; joidh faresegi aa kuma bor. Gihuyo ka achuth madwaro kawo chiemo,

Habakuk 1:8 ပူးပေါင်းရင်းမြစ်များ

Ayub 9:26

Ngimana kadho ka yie ma jang’wech, kendo ringo matek mana ka ongo ma yudho gweno.

Isaya 11:14

Ginimonj jo-Filistia yo podho chieng’, kendo giniriwre kaachiel, mi giyak jo yo wuok chieng, kamano ginikaw piny Edom gi piny Moab, kendo jo-Amon bende nobed e bwogi.

Jeremia 4:13

Neuru, wasigu biro mogingore ka boche polo. Gechegi mag lweny chalo gi kalausi, kendo faresegi ringo matek moloyo ongo. Yaye! Warumo!

Jeremia 48:40

“An Ruoth Nyasaye asesingora ni oganda moro biro podho kuom jo-Moab mana kaka achuth podho kuom gima otho, koyaro buombene.

Jeremia 5:6

Mano emomiyo sibuor moa e bungu biro negogi. Ee, ondiek moa e thim biro kidhogi, kendo kwach nowuoth e miechgi. Ng’ato ang’ata mowuok oko nokidh matindo tindo. Magi duto notimre nikech richogi thoth, kendo nikech giseweyo Nyasaye nyading’eny.

Jeremia 50:42

Gin gi asere gi tonge. Giger kendo ok gikech ng’ato. Tiende faresegi mor ka apaka mar nam mawuo. Giikore kedo gi Babulon.

Ywagruok 4:19

Joma lawowa nenore ni ringo matek moloyo ongo ma huyo e kor polo. Gilawo gerwa matek e kor gode, kendo gibutonwa e thim.

Ezekiel 17:12

“Penj ane joma jopiemgi ka bende ging’eyo tiend ngerono, nyisgi ni ruodh Babulon ne obiro Jerusalem, mi omako ruodh Jerusalem, kaachiel gi jodonge, odokgo Babulon.

Ezekiel 17:3

mondo ging’e gima an Ruoth Nyasaye adwaro wachonigi: “Ne nitie ongo moro maduong’ ahinya mane nigi buombe madongodongo. Dende duto ne yier mabeyo opong’o. Chieng’ moro ne ohuyo modhi e piny Lebanon, mi ojako wi yadh sida.

Ezekiel 26:11

Joidh faresegi nomwomre e yoreni ka ginego jogi, kendo sirni magi motegno nomukre.

Hosea 8:1

Ruoth Nyasaye wacho niya, “Go tung’, nikech wasigu yako Hekalu mara, mana ka otenga mayudho nyagweno! Joga oseketho singruok mane atimo kodgi, kendo gisedagi winjo puonjna.

Nahum 2:5

Ruodh Nineve kok ka golo chik ni jotende. Gichwanyore ka gireto, kendo girikni mondo gidhi gichan jolwenjgi e ohinga.

Zefania 3:3

Jotende ne chalo gi sibuoche ma ruto e iye, kendo ruodhi mage ne chalo gi ondiegi mawuotho gotieno, ma ok we piny ru ni gimoro ka pok gitieko,

Mathayo 24:28

Kama gimoro othoe, ema achudhe chokoree.

Luka 17:37

Eka ne gipenje niya, “Mano notimre kanye, Ruoth?” Nodwokogi ni, “Kama gimoro othoe ema achudhe chokoree!”

Rapar mar Chik 28:49

“Ruoth Nyasaye biro kelo kuomu oganda moro moa kuma bor ma dhogi ok nuwinji. Ginimwomre kuomu mana kaka ongo mwomore kuom nyagweno.