Habakuk 1:13 - MUMA MALER 2015

¹³ In to iler ma ok inyal yie neno richo, kata yie neno timbe mamono. Koro ere gima omiyo irango aranga joma andhokegi, to ok itim gimoro? Koso ang’o momiyo iling’ aling’a ka joma richo tieko joma kare moloyogi.

Motingʼo Loko Manyien

¹³ Wengeni ler ma ok nyal ngʼiyo richo, ok inyal bedo mamor gi gima rach. To en angʼo momiyo koro ibedo mamor gi jo-andhoga? Angʼo momiyo ilingʼ alingʼa ka jomaricho, tieko joma kare moloyogi?

Habakuk 1:13 ပူးပေါင်းရင်းမြစ်များ

2 Samuel 4:11

To koro nadi, ka joma richo osenego ng’at makare e ode owuon, kendo mana e kitandane? Donge owinjore achulnu kuor kuom remo musechuero, mondo ua e piny?”

1 Ruodhi 2:32

Ruoth Nyasaye biro kume kuom remo ma nochwero, nikech nonego ji ariyo makare moloyo gi ber. Nonego Abner wuod Ner, jatend jolweny mag Israel, kod Amasa jotend jolweny mag Juda kane Daudi wuora kia.

Ayub 15:15

Ka Nyasaye ok nyal geno kata mana malaika mage, kendo joma odak e polo bende nenore mana ma ok ler,

Ayub 21:7

Ere gima omiyo Nyasaye weyo joricho dak aming’a kendo dhi maber?

Ayub 24:23

To kata obedo ni Nyasaye oweyogi gibedo mangima kamano, to orangogi seche duto.

Zaburi 10:15

A Nyasaye, keth teko mar joricho kod joma acheje. Kumgi kuom timbegi maricho, nyaka chop girum chuth.

Zaburi 18:26

Iler ni joma ler, to wiyi tek ni joma wigi tek.

Zaburi 25:3

Ji ma ogeno kuomi ok yud wichkuot, to joma piem kodi kayiem ema wigi kuot.

Zaburi 35:17

A Ruoth Nyasaye, pod ibiro ranga aranga nyaka karang’o? Konya e lwet wasikago mondo kik hinya. Adier, resa kuom sibuochegi!

Zaburi 35:22

To in Ruoth Nyasaye, isewinjo gima giwachono. Emomiyo kik iling’, kendo kik ibed mabor koda.

Zaburi 35:25

Kendo kik iwe giwach kendgi niya, “Mano ber! Otimore mana kaka ne wadwaro!” Bende kik iwe giwach niya, “Waseloye.”

Zaburi 50:21

Isetimo gigi duto, to nikech ok asewacho gimoro, omiyo iparo ni achalo kodi. To koro abiro kweri e wang’i ka anyisi wechego duto, achiel ka achiel!

Zaburi 50:3

Nyasachwa biro, to ok obi ling’ aling’a. Mach mang’ang’ni nie nyime, kendo yamb koth maratipo kudho kolwore.

Zaburi 73:3

nikech nyiego ne omaka gi josunga, ka aneno kaka joricho mew.

Zaburi 83:1

A Nyasaye, kik iling’ aling’a, ma ok itimo gimoro!

Isaya 21:2

Ne aneno kaka dala mandhogo ji, ondhogi. Ne awinjo ka Nyasaye jiwo jo-Elam kod jo-Media ni mondo odhi omonj Babulon kendo olwore, mondo sungane orum.

Isaya 24:16

Wasewinjo ka giwer e tung’ piny ka tung’ piny niya, “Mano kaka Ng’ama Kare ber!” An to chunya pod lit ahinya, nimar ji pod osiko ka timo atima richo, kendo ndhogruok opong’o piny.

Isaya 33:1

Yaye unune malit un jo-Asuria! Useketho gik moko, to un pok okethu. Bende usendhogo ji, to un pok ondhogu. To koro ka usetieko ketho gik moko, to un ema ibiro kethu, kendo ka utieko ndhogo ji, to un ema ibiro ndhogu.

Isaya 64:12

Bende diyie weyo gik makamagi, yaye Ruoth Nyasaye? Koso diling’ thi kikumowa moloyo kaka owinjore?

Ywagruok 3:36

kata ketho buch ng’ato kiyalo.

Habakuk 1:14

Koro imiyo ji chalo mana gi rech ma e nam, kata gi gik malak piny, ma onge gi jotelo.

Zekaria 8:17

Kik ng’ato chan timo gima mono ni wadgi, kendo kik ukuong’ru gi miriambo, nikech amon gi gik ma kamago duto. An Ruoth Nyasaye Manyalo Gik Moko Duto ema awacho kamano.”

Tich Joote 2:23

Nyasaye nong’eyo chon ni ibiro chiwo Yesu e luetu, kendo kane oseng’ado wach ni obiro timo kamano, un to ema numiyo joma ok jo-Yahudi ogure e msalaba, mi onege.

Rapar mar Chik 23:15

“Ka misumba moro opondo koa e piny moro, mi oringo obiro iru, to kik uduoke ni ruodhe.