Fweny 9:8 - MUMA MALER 2015

⁸ Ne gin gi yie wich machalo gi yie wi mon, to lekegi ne chalo gi leke sibuoche.

Motingʼo Loko Manyien

⁸ Yie wigi ne chalo gi yie wi mon, kendo lekegi ne chalo gi leke sibuoche.

Fweny 9:8 ပူးပေါင်းရင်းမြစ်များ

2 Ruodhi 9:30

Kane Jehu ochopo Jezreel, Jezebel nowinjo birone, omiyo nowiro wang’e gi mo, kendo oloso yie wiye. Eka nong’icho gie dirisa.

Zaburi 57:4

Anindo e kind sibuoche ma dwaro chamo ji. Lekegi to chalo gi ligangla ma dhoge bith.

Isaya 3:24

Kuom mano kar winjo tik mang’ue ng’ar, to unuwinj mana tik madum marach. Bende kar bedo gi misip, to tol ema notueugo, kendo kar bedo gi wich molos maber, to bondo ema unubedgo, bende kar rwako nanga maber, to gunia ema unutue e nungou, kendo kar bedo gi chia maber to mbelni mag mach ema nobed e dendu.

Joel 1:6

Oganda bonyo maduong’ osemonjo pinywa. Gin gi teko mathoth, kendo gikadho akwana. Lekegi bitho mana ka leke sibuor.

Jo-Rumi 9:29

Mano oluore gi gima Isaya nosewacho chon niya, “Ka dine Ruoth Nyasaye Manyalo Gik Moko Duto ok oweyonwa joma chungo wiwa, to dine warumo mana ka Sodom gi Gomora.”

1 Timotheo 2:9

Mon bende onego rwakre gi lewni mowinjore, ka gibidhore kendo giritore kare. Rwakruokgi kik bed mana mar kado wich, kata mar dhahabu, kata kite mabeyo, kata lewni ma nengogi tek,

1 Petro 3:3

Kik ulosru maber mana ni mondo oneu, kukado yie wiu maber, kendo kurwako tigo mag dhahabu kod lewni mabeyo.